ഗീവര്ഗീസ് പുണ്യാളന് പാമ്പിനെ വധിക്കുന്ന കഥയുമായി പരിചമുട്ടില് അജയ്യരായി മറ്റത്തൂരിലെ ചുണകുട്ടികള്
തുടര്ച്ചയായ 13-ാം വര്ഷവും പരിചമുട്ടുകളിയില് സംസ്ഥാന തലത്തിലേക്ക് യോഗ്യത നേടിയ മറ്റത്തൂര് ശ്രീകൃഷ്ണ ഹൈസ്കൂള്.
ഇരിങ്ങാലക്കുട: തുടര്ച്ചയായ 13-ാം വര്ഷവും പരിചമുട്ട് കളിയില് സംസ്ഥാന തലത്തിലേക്ക് യോഗ്യത നേടി മറ്റത്തൂരിലെ ചുണകുട്ടികള്. ഹൈസ്കൂള് വിഭാഗം പരിചമുട്ട് കളിയിലാണ് മറ്റത്തൂര് ശ്രീകൃഷ്ണ ഹൈസ്കൂള് വിഭാഗം എ ഗ്രേഡോടെ സംസ്ഥാന തലത്തിലേക്ക് തെരഞ്ഞെടുക്കപ്പെട്ടത്. എട്ട് ടീമുകള് തമ്മില് കനത്ത മത്സരമായിരുന്നു നടന്നതെങ്കിലും പരിചയ സമ്പത്തും കഠിനാധ്വാനവും മറ്റത്തൂരിലെ ചുണകുട്ടികളെ തുണക്കുകയായിരുന്നു. വെട്ടിയും മറഞ്ഞും ഉയര്ന്നു ചാടിയും അലറി വിളിച്ചുകൊണ്ടുമവര് കളരിമുറ്റത്തെ കാരണവന്മാരായി. ആസ്വാദകരെ രസിപ്പിച്ചും ആവേശഭരിതരാക്കിയും ഉദ്വേഗത്തിന്റെ മുള്മുനയില് നിര്ത്തിയും പരിചമുട്ട് കളി ആരവമായി. പുതിയെ സ്റ്റെപ്പുകളും പുതിയ പാട്ടുകളുമായാണ് എട്ടുപേരടങ്ങുന്ന മറ്റത്തൂര് സംഘം എത്തിയത്. മറ്റു ഭൂരിഭാഗം ടീമുകളും പഴയ പാട്ടുകളുമായി പരിചമുട്ട് അവതരിപ്പിച്ചപ്പോള് മറ്റത്തൂര് സംഘം പുതിയ പാട്ടുകളാണ് ഉപയോഗിച്ചത്. ബൈബിള് കഥകളാണ് പാട്ടുകളാക്കി മാറ്റിയത്. ഗീവര്ഗീസ് പുണ്യാളന് പാമ്പിനെ വധിക്കുന്നതാണ് ഉപയോഗിച്ച കഥകൡ ഏറ്റവും പ്രധാനപ്പെട്ടത്. 8.26 മിനിറ്റില് ടീം കളി പൂര്ത്തിയാക്കി. അര്ജുന്, ഇ.എസ്. അദ്വൈത്, കാര്ത്തിക്, ദേവദത്തന്, അദ്വൈത് ഉല്ലാസ്, പ്രണയ്, തമീം, അമര്നാഥ് എന്നിവരാണ് ടീം അംഗങ്ങള്. സ്കൂളിലെ പൂര്വവിദ്യാര്ഥികളായ അനന്തു, അതുല്, അര്ജുന് എന്നിവരാണ് ടീമിനെ നയിച്ചത്.
About Author
കരാഞ്ചിറ സെന്റ് ഫ്രാന്സിസ് സേവിയേഴ്സ് ദേവാലയത്തില് അമ്പ് തിരുനാള് 
കോണ്ഗ്രസ് ഇരിങ്ങാലക്കുട നിയോജകമണ്ഡലം കമ്മിറ്റിയുടെ നേതൃത്വത്തില് വിജയോത്സവം സംഘടിപ്പിച്ചു 
അന്തര്ജില്ലാ മോഷണ സംഘത്തിലെ കണ്ണികളായ നിരവധി മോഷണക്കേസിലെ പ്രതികളായ അഞ്ചു പേര് അറസ്റ്റില് 
ബാറില് ആക്രമണം നടത്തിയത് ചോദ്യം ചെയ്തതിലുള്ള വൈരാഗ്യത്താല് ബിയര് കുപ്പി കൊണ്ട് ആക്രമിച്ച് പരിക്കേല്പ്പിച്ച കേസില് സ്റ്റേഷന് റൗഡിയും കൂട്ടാളികളും അറസ്റ്റില് 
ഭാരതത്തിന്റെ നൈതിക മൂല്യങ്ങള് വിദ്യാഭ്യാസത്തില് പ്രതിഫലിക്കണം: പ്രഫ. മനീഷ് ആര്. ജോഷി 
മെഡിസെപ്പ് പ്രീമിയം കൂട്ടിയത് പിന്വലിക്കണം- കെഎസ്എസ്പിഎ