41-ാമത് ഡോണ്‍ ബോസ്‌കോ അഖില കേരള ബാസ്‌കറ്റ്‌ബോള്‍ ടൂര്‍ണമെന്റ്
ഡോണ്‍ ബോസ്‌കോ സ്‌കൂള്‍സ് ഇരിങ്ങാലക്കുട സംഘടിപ്പിച്ച 41 ാമത് ഡോണ്‍ ബോസ്‌കോ അഖില കേരള ഇന്റര്‍സ്‌കൂള്‍ ബാസ്‌കറ്റ്‌ബോള്‍ ടൂര്‍ണമെന്റില്‍ പെണ്‍കുട്ടികളുടെ വിഭാഗത്തിലും ആണ്‍കുട്ടികളുടെ വിഭാഗത്തിലും ചാമ്പ്യന്മാരായ ടീം ട്രോഫിയുമായി.
ആണ്‍കുട്ടികളുടെ വിഭാഗത്തില്‍ സെന്റ് എഫ്രേം മാന്നാനവും പെണ്‍കുട്ടികളുടെ വിഭാഗത്തില്‍ പ്രൊവിഡന്‍സ് ജിഎച്ച്എസ്എസ് കോഴിക്കോടും ചാമ്പ്യന്മാരായി
ഇരിങ്ങാലക്കുട: ഡോണ്‍ ബോസ്‌കോ സ്‌കൂള്‍സ് ഇരിങ്ങാലക്കുട സംഘടിപ്പിച്ച 41 ാമത് ഡോണ്‍ ബോസ്‌കോ അഖില കേരള ഇന്റര്‍സ്‌കൂള്‍ ബാസ്‌കറ്റ്‌ബോള്‍ ടൂര്‍ണമെന്റില്‍ പെണ്‍കുട്ടികളുടെ വിഭാഗത്തില്‍ മൗണ്ട് ടാബോര്‍ പത്തനാപുരത്തെ 68 52 എന്ന സ്‌കോറിന് പരാജയപ്പെടുത്തി പ്രൊവിഡന്‍സ് ജിഎച്ച്എസ്എസ് കോഴിക്കോട് ഡോണ്‍ ബോസ്‌കോ എവര്‍ റോളിംഗ് ട്രോഫി കരസ്ഥമാക്കി. മൗണ്ട് ടാബോര്‍ പത്തനാപുരം റണ്ണേഴ്‌സ് അപ്പ് ട്രോഫി നേടി. ആണ്‍കുട്ടികളുടെ വിഭാഗത്തില്‍ എല്‍എഫ്എച്ച്എസ്എസ് കൊരട്ടിയെ 83 62 എന്ന സ്‌കോറിന് തോല്‍പ്പിച്ച് സെന്റ് എഫ്രേം മാന്നാനം ഡോണ്‍ ബോസ്‌കോ എവര്‍ റോളിംഗ് ട്രോഫി നേടി ചാമ്പ്യന്മാരായി.
എല്‍എഫ്എച്ച്എസ്എസ് കൊരട്ടി ബിജോയ് ജോണി മെമ്മോറിയല്‍ എവര്‍ റോളിംഗ് റണ്ണേഴ്‌സ് അപ്പ് ട്രോഫി നേടി. ഡിവിഷന്‍ രണ്ട് ആണ്‍കുട്ടികളുടെ വിഭാഗത്തില്‍ ലിയോ 13 ആലപ്പുഴ ഡോണ്‍ ബോസ്‌കോ സില്‍വര്‍ ജൂബിലി മെമ്മോറിയല്‍ എവര്‍ റോളിംഗ് ട്രോഫി കരസ്ഥമാക്കി ചാമ്പ്യന്മാരായപ്പോള്‍ സെന്റ് ആന്‍സ് എച്ച്എസ്എസ് കുര്യനാട് ബിജോയ് ജോണി മെമ്മോറിയല്‍ എവര്‍ റോളിംഗ് റണ്ണേഴ്‌സ് അപ്പ് ട്രോഫി നേടി. മികച്ച താരങ്ങള്‍ക്കുള്ള ഡോ. രാജു എന്‍. കുര്യന്‍ അവാര്‍ഡ് പെണ്‍കുട്ടികളില്‍ പ്രൊവിഡന്‍സ് ജിഎച്ച്എസ്എസ് കോഴിക്കോടിലെ പി. ശ്രിയും, ആണ്‍കുട്ടികളില്‍ സെന്റ് എഫ്രേം മാന്നാനത്തിലെ അക്ഷയ് അലക്‌സിനും ലഭിച്ചു. ഡിവിഷന്‍ രണ്ട് ആണ്‍കുട്ടികളില്‍ ഡോ. രാജു എന്‍. കുര്യന്‍ മെമ്മോറിയല്‍ ട്രോഫി ലിയോ 13 ആലപ്പുഴയിലെ കാശിനാഥ് കരസ്ഥമാക്കി. സമാപന സമ്മേളനത്തില്‍ മുന്‍ ഇന്ത്യന്‍ ബാസ്‌കറ്റ്‌ബോള്‍ താരം ടി.കെ. ശേഷാദ്രി മുഖ്യാതിഥിയായി. ഡോണ്‍ ബോസ്‌കോ സെന്‍ട്രല്‍ സ്‌കൂള്‍ പ്രിന്‍സിപ്പല്‍ ഫാ. ജിതിന്‍ മൈക്കിള്‍, ഡോണ്‍ ബോസ്‌കോ ഹയര്‍സെക്കന്‍ഡറി സ്‌കൂള്‍ പ്രിന്‍സിപ്പല്‍ ഫാ. ഷിനോ കളപ്പുരയ്ക്കല്‍ എന്നിവര്‍ സംസാരിച്ചു.
വാർത്തകൾ വേഗത്തിലറിയാൻ ഇരിങ്ങാലക്കുട ന്യൂസ് ഫോളോ ചെയ്യൂ…..
https://www.facebook.com/newsirinjalakuda
join our Whatsapp group
https://chat.whatsapp.com/DELcIHjzm7WHn9hFF9h1jB
join our Whatsapp Channel
https://whatsapp.com/channel/0029Var2S4l0Vyc9XcuAMh1V
whatsapp/call: 9496663558
About Author
പുല്ലൂര്‍ സേക്രഡ് ഹാര്‍ട്ട് മിഷന്‍ ഹോസ്പിറ്റലില്‍ സൗജന്യ അസ്ഥിരോഗ നിര്‍ണയ ക്യാമ്പ് സംഘടിപ്പിച്ചു 
പൂമംഗലം കുടുംബാരോഗ്യ കേന്ദ്രത്തില്‍ ഓപ്പണ്‍ ജിം ഉദ്ഘാടനം ചെയ്തു 
അമ്മന്നൂര്‍ ഗുരുകുലത്തിലെ മാധവനാട്യഭൂമിയില്‍ മായാശിരസ് കൂടിയാട്ടം അരങ്ങേറി 
മഴുവഞ്ചേരി തുരുത്ത് ചക്കരപ്പാടം പാലം നിര്‍മാണം വേഗത്തിലാക്കും: അഡ്വ. തോമസ് ഉണ്ണിയാടന്‍ എംഎല്‍എ 
പ്രഥമ രുദ്രപ്രഭ പുരസ്‌കാരം കലാനിലയം ഗോപിക്കും കലാമണ്ഡലം ശിവദാസനും 
എന്റെ പാടം എന്റെ പുസ്തകം പദ്ധതിക്ക് തുടക്കം 
