ശാന്തിനികേതൻ പബ്ലിക് സ്കൂൾ പാർലമെന്റ് അംഗങ്ങളുടെ സ്ഥാനാരോഹണ ചടങ്ങിന്റെ ഉദ്ഘാടനം സിഐ അനീഷ് കരിം നിർവഹിച്ചു
![](https://irinjalakuda.news/wp-content/uploads/2023/09/shanthinikathan-sthanarohanam.jpeg)
ഇരിങ്ങാലക്കുട: ശാന്തിനികേതൻ പബ്ലിക് സ്കൂൾ പാർലമെന്റ് അംഗങ്ങളുടെ സ്ഥാനാരോഹണ ചടങ്ങിന്റെ ഉദ്ഘാടനം ഇരിങ്ങാലക്കുട സർക്കിൾ ഇൻസ്പെക്ടർ അനീഷ് കരിം നിർവഹിച്ചു. പ്രിൻസിപ്പൽ പി.എൻ. ഗോപകുമാർ അധ്യക്ഷത വഹിച്ചു. ഹെഡ്മിസ്ട്രസ് സജിത അനിൽകുമാർ പ്രതിജ്ഞാ വാചകം ചൊല്ലിക്കൊടുത്തു. സ്കൂൾ ചെയർമാൻ അക്ഷയ് പുഴക്കടവിൽ, വൈസ് ചെയർമാൻ ഗായത്രി റെജി, ജനറൽ സെക്രട്ടറി എൻ.എസ്. ആശിഷ്, ആർട്സ് സെക്രട്ടറി എം.എസ്. ഭരത്, സ്പോർട്സ് സെക്രട്ടറി അഭിനവ് കൃഷ്ണ, സ്റ്റുഡന്റ് എഡിറ്റർ ഹിബ മെഹബൂബ് എന്നിവരും നാലു ഹൗസ് ക്യാപ്റ്റൻമാരുമാണു സ്ഥാനമേറ്റത്.