റവന്യു ജില്ല ശാസ്‌ത്രോത്സവം, വൊക്കേഷണല്‍ എക്‌സ്‌പോ; ലോഗോയും വെബ്‌സൈറ്റും പ്രകാശനം ചെയ്തു
തൃശൂര്‍ റവന്യു ജില്ല ശാസ്ത്രോത്സവത്തിന്റെ ലോഗോയുടേയും വെബ്സൈറ്റിന്റേയും പ്രകാശനം ഇരിങ്ങാലക്കുട നഗരസഭാ ചെയര്‍പേഴ്‌സണ്‍ സുജ സഞ്ജീവ്കുമാര്‍ നിര്വഹിക്കുന്നു.
ഇരിങ്ങാലക്കുട: തൃശൂര്‍ റവന്യു ജില്ല ശാസ്‌ത്രോത്സവം ആന്‍ഡ് വൊക്കേഷണല്‍ എക്‌സ്‌പോയുടെ ലോഗോയും വെബ്‌സൈറ്റും പ്രകാശനം നഗരസഭാ ചെയര്‍പേഴ്‌സണ്‍ സുജ സഞ്ജീവ്കുമാര്‍ നിര്‍വഹിച്ചു. ചടങ്ങില്‍ തൃശൂര്‍ വിദ്യാഭ്യാസ ഉപ ഡയറക്ടര്‍ ഷാജിമോന്‍ വിഎച്ച്എസ്ഇ അസി.ഡയറക്ര്‍ പി. നവീന, പബ്ലിസിറ്റി കണ്‍വീനര്‍ പി.വി. ജോണ്‍സന്‍, സൈമണ്‍ ജോസ്, രാമന്‍, ലിറ്റില്‍ഫ്ലവര്‍ പ്രധാനാധ്യാപിക സിസ്റ്റര്‍ നവീന, കൗണ്‍സിലര്‍മാരായ ജെയ്‌സണ്‍ പാറേക്കാടന്‍, ഫെനി എബിന്‍ തുടങ്ങിയവര്‍ പങ്കെടുത്തു. 7, 8 തിയതികളിലാണ് തൃശൂര്‍ റവന്യു ജില്ല ശാസ്‌ത്രോത്സവവും വൊക്കേഷണല്‍ എക്‌സ്‌പോയും ഇരിങ്ങാലക്കുടയില്‍ നടക്കുന്നത്. ഏഴിന് രാവിലെ 9.30ന് ഗവ.ഗേള്‍സ് വൊക്കേഷണല്‍ ഹയര്‍സെക്കന്‍ഡറി സ്‌കൂളില്‍ നടക്കുന്ന ചടങ്ങില്‍ ഇ.ടി. ടൈസണ്‍ എംഎല്‍എ ശാസ്‌ത്രോത്സവം ഉദ്ഘാടനം ചെയ്യും. അഞ്ച് സ്‌കൂളുകളിലായി വേദികളിലായി 154 ഇനങ്ങളില്‍ നടക്കുന്ന മത്സരങ്ങളില്‍ 3187 വിദ്യാര്‍ഥികള്‍ പങ്കെടുക്കുമെന്ന് ഇരിങ്ങാലക്കുട നഗരസഭാ ചെയര്‍പേഴ്‌സണ്‍ സുജ സഞ്ജീവ്കുമാര്‍, ജനറല്‍ കണ്‍വീനറും ഡിഡിയുമായ ഡി. ഷാജിമോന്‍ എന്നിവര്‍ പത്ര സമ്മേളനത്തില്‍ അറിയിച്ചു. ഗവ, എയ്ഡഡ്, അണ്‍എയ്ഡഡ് വിഭാഗങ്ങളിലെ 1028 സ്‌കൂളുകളാണ് മത്സരങ്ങളില്‍ പങ്കാളികള്‍ ആകുന്നത്. സയന്‍സ്, ഐടി ലിറ്റില്‍ ഫ്ലവര്‍ സ്‌കൂളിലും സാമൂഹ്യശാസ്ത്രമേള നാഷണല്‍ സ്‌കൂളിലും പ്രവൃത്തിപരിചയ മേള സെന്റ് മേരീസിലും ഗണിതശാസ്ത്ര മേള ഡോണ്‍ബോസ്‌കോയിലും വൊക്കേഷണല്‍ എക്‌സ്‌പോ ബോയ്‌സ് സ്‌കൂളിലുമാണ് നടക്കുന്നത്. തൃശൂര്‍, ഇടുക്കി ജില്ലകളിലെ വൊക്കേഷണല്‍ ഹയര്‍ സെക്കന്‍ഡറി സ്‌കൂളുകളിലെ വിദ്യാര്‍ഥികള്‍ പാഠ്യപദ്ധതികളുടെ ഭാഗമായി നിര്‍മിക്കുന്ന ഉത്പന്നങ്ങളുടെയും സേവനങ്ങളുടേയും പ്രദര്‍ശനവും വില്‍പനയും വിവിധ സ്റ്റാളുകളില്‍ ഉണ്ടായിരിക്കും.
About Author
കരൂപ്പടന്ന എന്‍എസ്എസ് വളണ്ടിയര്‍മാര്‍ പല്ലൊട്ടി സിനിമയുടെ അണിയറ പ്രവര്‍ത്തകരുമായി സംവദിച്ചു 
സെന്റ് ജോസഫ്‌സ് കോളജിലെ സുവോളജി വിഭാഗം ശില്‍പ്പശാല സംഘടിപ്പിച്ചു 
വാര്‍ഡ് വിഭജനം; കരട് വിജ്ഞാപനമായി; ഇരിങ്ങാലക്കുട നഗരസഭയില്‍ ഇനി 43 വാര്‍ഡുകള്‍ 
കരുതിയിരിക്കുക, ഓണ്‍ലൈന്‍ തട്ടിപ്പുകളില്‍ വീഴരുതേ……ആദ്യം ഫോണ്‍ വിളി, താങ്ങളുടെ പേരില്‍ ക്രൈം കേസുകളുണ്ടെന്നു മുന്നറിയിപ്പ് 
നാദോപാസന സംഘടിപ്പിച്ച സോപാന സംഗീതോത്സവം സമാപിച്ചു 
ടൗണ്‍ അമ്പ് ഫെസ്റ്റ് 2025 സ്വാഗത സംഘം ഓഫീസ് ഉദ്ഘാടനം ചെയ്തു 
