കല്പറമ്പ് പള്ളിയിൽ പരിശുദ്ധ ജപമാല രാജ്ഞിയുടെ ദര്ശനത്തിരുനാളിനു കൊടികയറി
കല്പറമ്പ് സെന്റ് മേരീസ് ഫൊറോന ദേവാലയത്തില് പരിശുദ്ധ ജപമാല രാജ്ഞിയുടെ ദര്ശന തിരുനാളിന്റെ കൊടിയേറ്റം വികാരി ഫാ. ഡേവീസ് കുടിയിരിക്കല് നിര്വഹിക്കുന്നു.
കല്പറമ്പ്: സെന്റ് മേരീസ് ഫൊറോന ദേവാലയത്തില് പരിശുദ്ധ ജപമാല രാജ്ഞിയുടെ ദര്ശന തിരുനാളിനു കൊടികയറി. തിരുനാളിന്റെ കൊടിയേറ്റുകര്മം വികാരി ഫാ. ഡേവീസ് കുടിയിരിക്കല് നിര്വഹിച്ചു. 12നാണു തിരുനാള്. 11ന് വൈകീട്ട് അഞ്ചിനു ദിവ്യബലി, വേസ്പര, തിരിവെഞ്ചരിപ്പ്, രൂപം എഴുന്നള്ളിച്ചുവയ്ക്കല്, സന്ദേശം എന്നിവയ്ക്ക് ഫാ. ജോര്ജ് പാലമറ്റം കാര്മികനായിരിക്കും. തിരുനാള് ദിനമായ 12ന് രാവിലെ 6.30ന് ആരാധന, ജപമാല, ദിവ്യബലി. 10ന് നടക്കുന്ന ആഘോഷമായ ദിവ്യബലിക്ക് ഫാ. ഷാജു എടമന സിഎംഐ മുഖ്യകാര്മികത്വം വഹിക്കും. ഫാ. വില്സണ് തറയില് സിഎംഐ സന്ദേശം നല്കും. ഫാ. ആന്റണി പുതുശേരി സഹകാര്മികനായിരിക്കും. 13ന് രാവിലെ 6.30ന് മരിച്ചവര്ക്കുവേണ്ടിയുള്ള അനുസ്മരണബലി, സെമിത്തേരിയില് ഒപ്പീസ് തുടര്ന്ന് സ്നേഹവിരുന്ന്. തിരുനാളിന്റെ വിജയത്തിനായി വികാരി ഫാ. ഡേവീസ് കുടിയിരിക്കല്, നെല്സണ് കോലങ്കണ്ണി, ഫ്രാന്സിസ് കോലങ്കണ്ണി, ട്രസ്റ്റിമാരായ വി.എ. വര്ഗീസ്, ടി.എ. ജെസ്റ്റിന്, പി.കെ. സോജന് എന്നിവര് നേതൃത്വം നല്കും.

37-ാമത് ഉപജില്ലാ സ്കൂള് കലോത്സവത്തില് മികച്ച വിജയം കരസ്ഥമാക്കി മൂര്ക്കനാട് സെന്റ് ആന്റണീസ് എല്പി സ്കൂള്
ഐടിയു ബാങ്ക്; തോമസ് ഉണ്ണിയാടന് എംഎല്എ ആര്ബിഐ റീജണല് ഡയറക്ടറുമായി കൂടിക്കാഴ്ച നടത്തി
ഗാര്ഹിക പീഡനങ്ങള്ക്കെതിരെ സ്ത്രീകള്ക്ക് ശബ്ദമുയര്ത്താം; സ്പീക് അപ്പ് പദ്ധതിക്ക് തൃശൂര് റൂറല് ജില്ലയില് തുടക്കമായി
ക്രൈസ്റ്റ് കോളജ് ആതിഥേയരായ ആര്ട്സ് കേരള കലോത്സവം സമാപിച്ചു
സെന്റ് ജോസഫ്സ് കോളജില് സെലെസ്റ്റാ സെസ്റ്റ് 2കെ26 സംഘടിപ്പിച്ചു
ഡോ. കെ.എന്. പിഷാരടി സ്മാരക കഥകളി ക്ലബ് ഒരുക്കിയ നവ്യം 2026ല് അശോകവനികാങ്കം കൂടിയാട്ടം അരങ്ങേറി