അശാസ്ത്രീയ കാന നിര്മാണം; മലിനജലം റോഡിലൂടെ ഒഴുകുന്നു
ഒഴുകിപ്പോകാനാകാതെ വെള്ളാങ്കല്ലൂര് പഞ്ചായത്തിലെ പട്ടരു പാലത്തിനു സമീപം വെള്ളം കെട്ടിനില്ക്കുന്നു.
പട്ടരു പാലത്തിനു സമീപം വെള്ളക്കെട്ട് രൂക്ഷം; ദുര്ഗന്ധത്തിലും കൊതുകുശല്യത്തിലും പൊറുതിമുട്ടി നാട്ടുകാര്
അടിയന്തിര നടപടി വേണമെന്ന് കോണ്ഗ്രസ്
ഇരിങ്ങാലക്കുട: കൊടുങ്ങല്ലൂര് ഷൊര്ണൂര് സംസ്ഥാനപാതയുടെ നവീകരണത്തിനിടെ അശാസ്ത്രീയമായി കാന നിര്മിച്ചതിനെ തുടര്ന്ന് വെള്ളം ഒഴുകിപ്പോകാനാകാതെ വെള്ളാങ്കല്ലൂര് പഞ്ചായത്തിലെ പട്ടരു പാലം പ്രദേശത്ത് വെള്ളക്കെട്ട് രൂക്ഷമായതായി പരാതി. മഴയും പ്രളയവും അതിജീവിക്കുന്ന തരത്തില് ജര്മന് വികസന ബാങ്കായ കെഎഫ്ഡബ്ല്യുവിന്റെ സാമ്പത്തിക സഹായത്തോടെ കെഎസ്ടിപി നടപ്പാക്കിയ റോഡ് നിര്മാണ പദ്ധതിക്കിടെയാണ് മുന്പുണ്ടായിരുന്ന സ്വാഭാവിക നീരൊഴുക്ക് തടസപ്പെട്ടതെന്നാണ് പ്രദേശവാസികള് പറയുന്നത്. മുന്പ് മഴവെള്ളം ഒഴുകിപ്പോയിരുന്ന കാന റോഡ് നിര്മാണത്തിന്റെ ഭാഗമായി മൂടിയെങ്കിലും പിന്നീട് നിര്മിച്ച പുതിയ കാന പട്ടരുപാലം തോടുമായി ബന്ധിപ്പിക്കാതിരുന്നതിനാല് മഴവെള്ളം റോഡരികില് കെട്ടിക്കിടക്കുകയാണ്.
ഇതോടെ പ്രദേശം മുഴുവന് വെള്ളക്കെട്ട് ഭീഷണിയിലായി. റോഡരികിലെ ഒഴിഞ്ഞ സ്ഥലങ്ങളില് സാമൂഹ്യവിരുദ്ധര് തള്ളുന്ന കക്കൂസ് മാലിന്യവും മറ്റ് മാലിന്യങ്ങളും മഴവെള്ളത്തോടൊപ്പം റോഡിലൂടെ ഒഴുകുന്നതോടെ പ്രദേശത്ത് അതിരൂക്ഷമായ ദുര്ഗന്ധവും കൊതുകുശല്യവും വ്യാപകമാണ്. മലിനജലം കെട്ടിക്കിടക്കുന്നത് ഗുരുതരമായ ആരോഗ്യപ്രശ്നങ്ങള്ക്ക് വഴിവെക്കുമെന്ന ആശങ്കയും നാട്ടുകാര് ഉയര്ത്തുന്നു. റോഡിന്റെയും ഫുട്പാത്തിന്റെയും ഉയരവ്യത്യാസം കാരണം കാല്നടയാത്രക്കാരും ഇരുചക്രവാഹന യാത്രക്കാരും പതിവായി അപകടത്തില്പെടുന്നതായും ആരോപണമുണ്ട്. റോഡ് നിര്മാണത്തിലെ അപാകതകള് അടിയന്തിരമായി പരിഹരിച്ച് വെള്ളക്കെട്ട് ഒഴിവാക്കാനും പ്രദേശം ശുചീകരിക്കാനും ബന്ധപ്പെട്ട അധികൃതര് നടപടി സ്വീകരിക്കണമെന്ന് കോണ്ഗ്രസ് നേതാക്കളായ സാബു കണ്ടത്തില്, കെ.ഐ. നെജാഹ്, പ്രശോഭ് അശോകന്, മഹേഷ് ആലിങ്ങല് എന്നിവര് ആവശ്യപ്പെട്ടു.
വാർത്തകൾ വേഗത്തിലറിയാൻ ഇരിങ്ങാലക്കുട ന്യൂസ് ഫോളോ ചെയ്യൂ…..
https://www.facebook.com/newsirinjalakuda
join our Whatsapp group
https://chat.whatsapp.com/DELcIHjzm7WHn9hFF9h1jB
join our Whatsapp Channel
https://whatsapp.com/channel/0029Var2S4l0Vyc9XcuAMh1V
whatsapp/call: 9496663558
About Author
കലകളിലൂടെ ക്രൈസ്തവ സന്ദേശങ്ങള് മറ്റുള്ളവരിലേക്ക് പകരുവാന് ബൈബിള് കലോത്സവങ്ങള് സഹായകരമാകണം, ബിഷപ് മാര് പോളി കണ്ണൂക്കാടന് 
ബഹിരാകാശത്ത് ഇന്ത്യന് യുഗം; ശാസ്ത്ര പാടവ പോഷണ പരിപാടി സംഘടിപ്പിച്ചു 
സെന്റ് തോമസ് കത്തീഡ്രലില് കുരിശിന്റെ പുകഴ്ചയുടെ തിരുനാള് ഭക്തിസാന്ദ്രമായി 
41-ാമത് ഡോണ് ബോസ്കോ അഖില കേരള ബാസ്കറ്റ്ബോള് ടൂര്ണമെന്റ് 
ഗൂഢാലോചനയുടെ ഭാഗമായാണ് പാര്ട്ടി യോഗത്തില് അക്രമണം അഴിച്ചുവിട്ടത്, കേരള കോണ്ഗ്രസ് ജില്ലാ പ്രസിഡന്റ് സി.വി. കുര്യാക്കോസ് 
മുന് എംപി കെ. മോഹന്ദാസിന്റെ സാമൂഹ്യ പ്രതിബദ്ധത സ്മരിക്കപ്പെടണം- അഡ്വ. തോമസ് ഉണ്ണിയാടന് എംഎല്എ 
