കല്ലേറ്റുംകര ഉണ്ണിമിശിഹാ ദേവാലയത്തില്‍ ഊട്ടുതിരുനാളിന് കൊടികയറി

August 13, 2026

Social media

കല്ലേറ്റുംകര: ഉണ്ണിമിശിഹാ ദേവാലയത്തില്‍ ഉണ്ണിമിശിഹായുടെയും സ്വര്‍ഗാരോപിതയായ പരിശുദ്ധ ദൈവമാതാവിന്റെയും തിരുനാളിന് കൊടികയറി. തിരുനാളിന്റെ കൊടിയേറ്റുകര്‍മം സഹൃദയ എന്‍ജിനീയറിംഗ് കോളജ് ഡയറക്ടര്‍ റവ.ഡോ. ആന്റോ ചുങ്കത്ത് നിര്‍വഹിച്ചു. ഇന്നും നാളെയും വൈകീട്ട് ആറിന് പ്രസുദേന്തിവാഴ്ച, ദിവ്യബലി, പ്രദക്ഷിണം, നൊവേന, നേര്‍ച്ച എന്നിവ ഉണ്ടായിരിക്കും. തിരുനാള്‍ ദിനമായ 15ന് രാവിലെ 6.30ന് ദിവ്യബലി, രൂപം എടുത്തുവയ്ക്കല്‍, ദേശീയ പതാക ഉയര്‍ത്തല്‍, ഊട്ടുനേര്‍ച്ച വെഞ്ചരിപ്പ് എന്നിവയ്ക്ക് ഫാ. ആന്റോ തച്ചില്‍ മുഖ്യകാര്‍മികത്വം വഹിക്കും. 10ന് നടക്കുന്ന തിരുനാള്‍ ദിവ്യബലിക്ക് പോട്ട അസി. വികാരി ഫാ. ആന്റണി നമ്പളം മുഖ്യകാര്‍മികത്വം വഹിക്കും.

കെസിബിസി ബൈബിള്‍ കമ്മീഷന്‍ സെക്രട്ടറി റവ.ഡോ. ജോജു കോക്കാട്ട് തിരുനാള്‍ സന്ദേശം നല്‍കും. ഊട്ടുനേര്‍ച്ച രാവിലെ എട്ട് മുതല്‍ ഉച്ചയ്ക്ക് രണ്ട് വരെ നടക്കും. വൈകീട്ട് ആറിന് ദിവ്യബലി ഉണ്ടായിരിക്കും. തിരുനാള്‍ ദിനത്തില്‍ ഉണ്ണിശോയുടെ അത്ഭുതരൂപത്തില്‍ പുഷ്പമാല ചാര്‍ത്തുന്നതിനും ഊട്ടുനേര്‍ച്ച പാര്‍സല്‍ വാങ്ങുന്നതിനും സൗകര്യം ഉണ്ടായിരിക്കും. തിരുനാളിന്റെ വിജയത്തിനായി വികാരി ഫാ. സെബാസ്റ്റ്യന്‍ പഞ്ഞിക്കാരന്‍, അസി. വികാരി ഫാ. ജെറില്‍ മാളിയേക്കല്‍, കൈക്കാരന്മാരായ ജോയ് കാച്ചപ്പിള്ളി, ജോസ് കണ്ണെങ്ങത്ത്, ഷാജു കള്ളിവള്ളപ്പില്‍, കണ്‍വീനര്‍ ജോയല്‍ ജോസ് തുളുവത്ത് എന്നിവരുടെ നേതൃത്വത്തില്‍ വിപുലമായ കമ്മിറ്റി പ്രവര്‍ത്തിക്കുന്നു.