കെ.വി. രാമനാഥന് മാസ്റ്ററെ യുവകലാസാഹിതി ആദരിച്ചു
ഇരിങ്ങാലക്കുട: യുവകലാസാഹിതിയുടെ ആരംഭകാലം മുതല് സംസ്ഥാന നേതൃപദവി അലങ്കരിച്ചിട്ടുള്ള, നവതിയുടെ നിറവിലെത്തിയ, കെ.വി. രാമനാഥന് മാസ്റ്ററെ യുവകലാസാഹിതി ഇരിങ്ങാലക്കുട മണ്ഡലം കമ്മിറ്റി ഗൃഹാങ്കണത്തില് വച്ച് ആദരിച്ചു. നോവലും ചെറുകഥകളും ബാലസാഹിത്യകൃതികളും ഉള്പ്പടെ നിരവധി ഗ്രന്ഥങ്ങളുടെ രചയിതാവും വിദ്യാര്ഥികള്ക്ക് ഏറ്റവും പ്രിയങ്കരനായ അധ്യാപകനുമായ രാമനാഥന് മാഷ് സാംസ്കാരിക കേരളത്തിന്റെ തന്നെ അഭിമാനമാണെന്ന് യുവകലാസാഹിതി മണ്ഡലം പ്രസിഡന്റ് കെ.കെ. കൃഷ്ണാനന്ദ ബാബു അഭിപ്രായപ്പെട്ടു. സമൂഹത്തിന്റെയാകെ ഗുരുസ്ഥാനീയനായും അതിപ്രശസ്തരായ ശിഷ്യന്മാരുടെ സ്നേഹാദരങ്ങള് ഏറ്റുവാങ്ങിക്കൊണ്ടും സമ്പന്നമായ ജീവിതം നയിക്കാന് രാമനാഥന് മാസ്റ്ററെ പോലെ അധികമാര്ക്കും ഭാഗ്യമുണ്ടായിട്ടില്ലെന്ന് വൈസ് പ്രസിഡന്റ് വി.എസ.് വസന്തന് അഭിപ്രായപ്പെട്ടു. സിപിഐ മണ്ഡലം സെക്രട്ടറി പി. മണി, രാധാകൃഷ്ണന് വെട്ടത്ത്, അഡ്വ. രാജേഷ് തമ്പാന്, റഷീദ് കാറളം, കെ.സി. മോഹന്ലാല്, വി.കെ. സരിത, സഹധര്മ്മിണി രാധ ടീച്ചര് എന്നിവര് യോഗത്തില് സന്നിഹിതരായിരുന്നു.

37-ാമത് ഉപജില്ലാ സ്കൂള് കലോത്സവത്തില് മികച്ച വിജയം കരസ്ഥമാക്കി മൂര്ക്കനാട് സെന്റ് ആന്റണീസ് എല്പി സ്കൂള്
ക്രൈസ്റ്റ് കോളജ് ആതിഥേയരായ ആര്ട്സ് കേരള കലോത്സവം സമാപിച്ചു
സെന്റ് ജോസഫ്സ് കോളജില് സെലെസ്റ്റാ സെസ്റ്റ് 2കെ26 സംഘടിപ്പിച്ചു
ക്രൈസ്റ്റ് വിദ്യാനികേതന് സ്കൂളിന്റെ രജത ജൂബിലി ആഘോഷങ്ങള്ക്ക് വര്ണാഭമായ തുടക്കം
സെന്റ് ജോസഫ്സ് കോളജ് യൂണിയന് പ്രൗഢഗംഭീര തുടക്കം
സെന്റ് ജോസഫ്സ് കോളജില് കലാരവം 2026നു തിരിതെളിഞ്ഞു