കെ.വി. രാമനാഥന്‍ മാസ്റ്ററെ യുവകലാസാഹിതി ആദരിച്ചു
ഇരിങ്ങാലക്കുട: യുവകലാസാഹിതിയുടെ ആരംഭകാലം മുതല്‍ സംസ്ഥാന നേതൃപദവി അലങ്കരിച്ചിട്ടുള്ള, നവതിയുടെ നിറവിലെത്തിയ, കെ.വി. രാമനാഥന്‍ മാസ്റ്ററെ യുവകലാസാഹിതി ഇരിങ്ങാലക്കുട മണ്ഡലം കമ്മിറ്റി ഗൃഹാങ്കണത്തില്‍ വച്ച് ആദരിച്ചു. നോവലും ചെറുകഥകളും ബാലസാഹിത്യകൃതികളും ഉള്‍പ്പടെ നിരവധി ഗ്രന്ഥങ്ങളുടെ രചയിതാവും വിദ്യാര്‍ഥികള്‍ക്ക് ഏറ്റവും പ്രിയങ്കരനായ അധ്യാപകനുമായ രാമനാഥന്‍ മാഷ് സാംസ്‌കാരിക കേരളത്തിന്റെ തന്നെ അഭിമാനമാണെന്ന് യുവകലാസാഹിതി മണ്ഡലം പ്രസിഡന്റ് കെ.കെ. കൃഷ്ണാനന്ദ ബാബു അഭിപ്രായപ്പെട്ടു. സമൂഹത്തിന്റെയാകെ ഗുരുസ്ഥാനീയനായും അതിപ്രശസ്തരായ ശിഷ്യന്മാരുടെ സ്നേഹാദരങ്ങള്‍ ഏറ്റുവാങ്ങിക്കൊണ്ടും സമ്പന്നമായ ജീവിതം നയിക്കാന്‍ രാമനാഥന്‍ മാസ്റ്ററെ പോലെ അധികമാര്‍ക്കും ഭാഗ്യമുണ്ടായിട്ടില്ലെന്ന് വൈസ് പ്രസിഡന്റ് വി.എസ.് വസന്തന്‍ അഭിപ്രായപ്പെട്ടു. സിപിഐ മണ്ഡലം സെക്രട്ടറി പി. മണി, രാധാകൃഷ്ണന്‍ വെട്ടത്ത്, അഡ്വ. രാജേഷ് തമ്പാന്‍, റഷീദ് കാറളം, കെ.സി. മോഹന്‍ലാല്‍, വി.കെ. സരിത, സഹധര്‍മ്മിണി രാധ ടീച്ചര്‍ എന്നിവര്‍ യോഗത്തില്‍ സന്നിഹിതരായിരുന്നു.
About Author
കരൂപ്പടന്ന എന്‍എസ്എസ് വളണ്ടിയര്‍മാര്‍ പല്ലൊട്ടി സിനിമയുടെ അണിയറ പ്രവര്‍ത്തകരുമായി സംവദിച്ചു 
സെന്റ് ജോസഫ്‌സ് കോളജിലെ സുവോളജി വിഭാഗം ശില്‍പ്പശാല സംഘടിപ്പിച്ചു 
നവീകരിച്ച ഇരിങ്ങാലക്കുട ക്രൈസ്റ്റ് ആശ്രമദേവാലയത്തിന്റെ വെഞ്ചിരിപ്പ് നിര്‍വഹിച്ചു 
ടൗണ്‍ അമ്പ് ഫെസ്റ്റ് 2025 സ്വാഗത സംഘം ഓഫീസ് ഉദ്ഘാടനം ചെയ്തു 
ടൂര്‍ണ്ണമെന്റില്‍ ജേതാക്കളായ കാരുമാത്ര ഗവ. യുപി സ്‌കൂള്‍ ഫുട്‌ബോള്‍ ടീമിനെ അനുമോദിച്ചു 
പിടികിട്ടാപ്പുള്ളി 26 വര്‍ഷത്തിന് ശേഷം അറസ്റ്റില്‍ 
