ഇരിങ്ങാലക്കുട സെന്റ് ജോസഫ്സ് കോളജില് കലയും കഴിവും മാറ്റുരച്ച് ടാലന്റ് ഫോര്ജ് 2കെ24
ഇരിങ്ങാലക്കുട സെന്റ് ജോസഫ്സ് കോളജ് ഒന്നാംവര്ഷ ബിരുദ വിദ്യാര്ഥികള്ക്കായി സംഘടിപ്പിച്ച മെഗാ ടാലന്റ്ഷോയായ ടാലന്റ് ഫോര്ജ് അവതരിപ്പിച്ച നൃത്തം.
ഇരിങ്ങാലക്കുട: താരകളെല്ലാം താഴെ വീണുപോയോ എന്നു തോന്നിപ്പിക്കും വിധം മിന്നും പ്രകടനങ്ങള്ക്ക് ഇരിങ്ങാലക്കുട സെന്റ് ജോസഫ്സ് കോളജ് വേദിയായി. ഒന്നാംവര്ഷ ബിരുദ വിദ്യാര്ഥികളുടെ മെഗാ ടാലന്റ്ഷോയായ ടാലന്റ് ഫോര്ജ് കോളജ് ഓഡിറ്റോറിയത്തില് വെച്ച് അരങ്ങേറി. ഒന്നാം വര്ഷ ബിരുദ വിദ്യാര്ഥികളുടെ കലാപരമായ കഴിവുകളെ പ്രോത്സാഹിപ്പിക്കുന്നതിനുവേണ്ടി വര്ഷങ്ങളായി സെന്റ് ജോസഫ്സ് കോളജ് നടത്തിപ്പോരുന്ന പരിപാടിയാണ് ടാലന്റ് സീക്കിങ്. കലയും നൈപുണിയും ഒന്നിനോടൊന്നു ഇടം പിടിച്ച മത്സരയിനങ്ങളില് അഞ്ച് ടീമുകളിലായി നിരവധി വിദ്യാര്ഥികള് പങ്കെടുത്തു. വ്യത്യസ്ത പഠനവിഭാഗങ്ങള് ഗ്രൂപ്പുകളായി ചേര്ന്ന് മത്സരിച്ചതില് നിന്നും ടീം രാഗം ഒന്നാം സ്ഥാനവും ടീം താളം രണ്ടാം സ്ഥാനവും ടീം പല്ലവി മൂന്നാം സ്ഥാനവും കരസ്ഥമാക്കി. മികച്ച ഗ്രൂപ്പ് ഐറ്റമായി ടീം രാഗത്തിന്റെ മൂകാഭിനയവും മികച്ച പെര്ഫോമറായി ഒന്നാം വര്ഷ ബി.കോം ഫിനാന്സ് എസിസിഎ യിലെ നക്ഷത്രയെയും തെരഞ്ഞെടുത്തു. പ്രിന്സിപ്പല് സിസ്റ്റര് ഡോ. ബ്ലെസി വിജയികളെ അനുമോദിച്ചു. ഫൈനാര്ട്സ് കണ്വീനര് സോന ദാസ് പരിപാടിക്ക് നേതൃത്വം നല്കി.

37-ാമത് ഉപജില്ലാ സ്കൂള് കലോത്സവത്തില് മികച്ച വിജയം കരസ്ഥമാക്കി മൂര്ക്കനാട് സെന്റ് ആന്റണീസ് എല്പി സ്കൂള്
ഐടിയു ബാങ്ക്; തോമസ് ഉണ്ണിയാടന് എംഎല്എ ആര്ബിഐ റീജണല് ഡയറക്ടറുമായി കൂടിക്കാഴ്ച നടത്തി
ഗാര്ഹിക പീഡനങ്ങള്ക്കെതിരെ സ്ത്രീകള്ക്ക് ശബ്ദമുയര്ത്താം; സ്പീക് അപ്പ് പദ്ധതിക്ക് തൃശൂര് റൂറല് ജില്ലയില് തുടക്കമായി
ക്രൈസ്റ്റ് കോളജ് ആതിഥേയരായ ആര്ട്സ് കേരള കലോത്സവം സമാപിച്ചു
സെന്റ് ജോസഫ്സ് കോളജില് സെലെസ്റ്റാ സെസ്റ്റ് 2കെ26 സംഘടിപ്പിച്ചു
ഡോ. കെ.എന്. പിഷാരടി സ്മാരക കഥകളി ക്ലബ് ഒരുക്കിയ നവ്യം 2026ല് അശോകവനികാങ്കം കൂടിയാട്ടം അരങ്ങേറി