ഒമ്പതു വയസുകാരിക്കുനേരെ ലൈംഗീകാതിക്രമം: മദ്രസാധ്യാപകന് അഞ്ചു വര്ഷം കഠിനതടവും പിഴയും
തൊയ്ബ് ഫര്ഹാന്.
ഇരിങ്ങാലക്കുട: ഒമ്പതുകാരിയായ ബാലികക്കെതിരെ ലൈംഗീകാതിക്രമം നടത്തിയ കേസില് മദ്രസാധ്യാപകനായ പ്രതിയ്ക്ക് അഞ്ചു വര്ഷം കഠിനതടവും അമ്പതിനായിരം രൂപ പിഴയും ശിക്ഷ വിധിച്ചു. ഇരിങ്ങാലക്കുട അതിവേഗ സ്പെഷ്യല് കോടതി ജഡ്ജ് വിവീജ സേതുമോഹന് വിധി പ്രസ്താവിച്ചു. 2022 ആഗസ്റ്റ് മാസം പകുതിയില് മതപഠനത്തിനെത്തിയ ബാലികയെ ലൈംഗീകമായി ഉപദ്രവിച്ചുവെന്ന് ആരോപിച്ച് ഇരിങ്ങാലക്കുട പോലീസ് ചാര്ജ്ജ് ചെയ്ത കേസില് പ്രതിയായ തെക്കുംക്കര സ്വദേശി തൊയ്ബ് ഫര്ഹാന് (25) നെയാണ് കോടതി ശിക്ഷിച്ചത്.
പ്രോസിക്യൂഷന് ഭാഗത്തുനിന്നും 17 സാക്ഷികളേയും 28 രേഖകളും ഏഴു തൊണ്ടിവസ്തുക്കളും പ്രതിഭാഗത്തുനിന്ന് മൂന്ന് സാക്ഷികളെയും ഹാജരാക്കി തെളിവ് നല്കിയിരുന്നു. ഇരിങ്ങാലക്കുട പോലീസ് സ്റ്റേഷന് പോലീസ് സബ്ബ് ഇന്സ്പെക്ടര് ആയിരുന്ന എം.എസ്. ഷാജനാണ് കേസ് രജിസ്റ്റര് ചെയ്ത് അന്വേഷണം നടത്തി കുറ്റപത്രം സമര്പ്പിച്ചത്. കേസിലെ രേഖകള് അറബിക് ഭാഷയിലായതിനാല് രേഖകളുടെ തര്ജ്ജമ ഹാജരാക്കി അറബിക് ഭാഷാവിദഗ്ധയെ അധികസാക്ഷിയായി വിസ്തരിച്ചിരുന്നു. പ്രോസിക്യൂഷനുവേണ്ടി സ്പെഷ്യല് പബ്ലിക് പ്രോസിക്യൂട്ടര് അഡ്വ. വിജു വാഴക്കാല ഹാജരായി.
ലെയ്സണ് ഓഫീസര് ടി.ആര്. രജിനി പ്രോസിക്യൂഷന് നടപടികള് ഏകോപിപ്പിച്ചു. പോക്സോ നിയമപ്രകാരം അഞ്ചു വര്ഷം കഠിനതടവിനും അമ്പതിനായിരം രൂപ പിഴയും പിഴയൊടുക്കാതിരുന്നാല് മൂന്നു മാസത്തെ കഠിനതടവിനുമാണ് ശിക്ഷിച്ചത്. പ്രതിയെ തൃശൂര് ജില്ലാ ജയിലിലേക്ക് റിമാന്ഡ് ചെയ്തു. പിഴ സംഖ്യ ഈടാക്കിയാല് ആയത് അതിജീവിതയ്ക്ക് നഷ്ടപരിഹാരമായി നല്കുവാനും കൂടാതെ അതിജീവിതയ്ക്ക് മതിയായ നഷ്ടപരിഹാരം നല്കാന് ജില്ലാ ലീഗല് സര്വ്വീസ് അതോറിറ്റിക്ക് നിര്ദ്ദേശം നല്കുവാനും ഉത്തരവില് വ്യവസ്ഥയുണ്ട്.

37-ാമത് ഉപജില്ലാ സ്കൂള് കലോത്സവത്തില് മികച്ച വിജയം കരസ്ഥമാക്കി മൂര്ക്കനാട് സെന്റ് ആന്റണീസ് എല്പി സ്കൂള്
ഐടിയു ബാങ്ക്; തോമസ് ഉണ്ണിയാടന് എംഎല്എ ആര്ബിഐ റീജണല് ഡയറക്ടറുമായി കൂടിക്കാഴ്ച നടത്തി
ഗാര്ഹിക പീഡനങ്ങള്ക്കെതിരെ സ്ത്രീകള്ക്ക് ശബ്ദമുയര്ത്താം; സ്പീക് അപ്പ് പദ്ധതിക്ക് തൃശൂര് റൂറല് ജില്ലയില് തുടക്കമായി
ക്രൈസ്റ്റ് കോളജ് ആതിഥേയരായ ആര്ട്സ് കേരള കലോത്സവം സമാപിച്ചു
സെന്റ് ജോസഫ്സ് കോളജില് സെലെസ്റ്റാ സെസ്റ്റ് 2കെ26 സംഘടിപ്പിച്ചു
ഡോ. കെ.എന്. പിഷാരടി സ്മാരക കഥകളി ക്ലബ് ഒരുക്കിയ നവ്യം 2026ല് അശോകവനികാങ്കം കൂടിയാട്ടം അരങ്ങേറി