ഭാരതീയ വിദ്യാഭവനില്‍ സ്ഥാനാരോഹണ ചടങ്ങുകള്‍ നടന്നു
ഇരിങ്ങാലക്കുട: ഭാരതീയ വിദ്യാഭവനില്‍ ഈ വര്‍ഷത്തെ സ്‌കൂള്‍ ലീഡര്‍മാര്‍, കോ കരിക്കുലര്‍ ക്യാപ്റ്റന്‍സ്, സ്പോര്‍ട്സ് ക്യാപ്റ്റന്‍സ്, പ്രിഫെക്ട്സ് എന്നിവര്‍ സ്‌കൂള്‍ ഓഡിറ്റോറിയത്തില്‍ നടന്ന ചടങ്ങില്‍ ചുമതലയേറ്റു. ചെയര്‍മാന്‍ സി. സുരേന്ദ്രന്‍ അധ്യക്ഷത വഹിച്ചു. ഇരിങ്ങാലക്കുട വനിത പോലീസ് സ്റ്റേഷന്‍ സബ് ഇന്‍സ്പെക്ടര്‍ എന്‍.എ. വിനയ ഉദ്ഘാടനം നിര്‍വഹിക്കുകയും സ്വന്തം കഴിവുകള്‍ തിരിച്ചറിഞ്ഞ്, സമൂഹത്തിന്റെ സ്പന്ദനങ്ങളറിഞ്ഞ്, വേറിട്ട ശബ്ദങ്ങള്‍ കേള്‍പ്പിച്ച് ഉയര്‍ന്നുവരേണ്ടതിന്റെ അനിവാര്യതയെപ്പറ്റി കുട്ടികളോട് സംവദിക്കുകയും ചെയ്തു. പ്രിന്‍സിപ്പല്‍ ബിജു ഗീവര്‍ഗീസ് ഒരു നല്ല നേതാവിനുണ്ടായിരിക്കേണ്ട ഗുണങ്ങളെക്കുറിച്ച് കുട്ടികളോട് സംസാരിച്ചു. പ്രിന്‍സിപ്പല്‍ ബിജു ഗീവര്‍ഗീസ്, വൈസ് പ്രിന്‍സിപ്പല്‍ ശോഭ ശിവാനന്ദരാജന്‍, പിടിഎ അംഗവും നാടന്‍പാട്ട് കലാകാരനുമായ രാജേഷ് തംബുരു, പ്രൈമറി വിഭാഗം മേധാവി സുജാത രാമനാഥന്‍, ഫിസിക്കല്‍ എജുക്കേഷന്‍ അധ്യാപകരായ സലീഷ്, അബ്ദുല്‍ സലാം എന്നിവര്‍ സ്ഥാനചിഹ്നങ്ങള്‍ സമ്മാനിക്കുകയും ആശംസകള്‍ നേരുകയും ചെയ്തു. വിദ്യാര്‍ഥികളായ ആഗ്നസ്, ദ്യുംന എന്നിവര്‍ സ്വാഗതവും നന്ദിയും പറഞ്ഞു. സ്‌കൂളിലെ ഫിസിക്കല്‍ എജുക്കേഷന്‍, ഇവന്റ് മാനേജ്മെന്റ് എന്നീ വിഭാഗങ്ങളുടെ നേതൃത്വത്തിലാണ് പരിപാടികള്‍ സംഘടിപ്പിച്ചത്.
About Author
ടൂര്‍ണ്ണമെന്റില്‍ ജേതാക്കളായ കാരുമാത്ര ഗവ. യുപി സ്‌കൂള്‍ ഫുട്‌ബോള്‍ ടീമിനെ അനുമോദിച്ചു 
ഐടി മേളയില്‍ രണ്ടാം സ്ഥാനം എ ഗ്രേഡ് നേടിയ ജെസ്‌ലെറ്റ് ജോബി 
ഇരിങ്ങാലക്കുട ഗവ. എല്‍പി സ്‌കൂളില്‍ കിഡ്‌സ് ഫെസ്റ്റ് നടത്തി 
സെന്റ് ജോസഫ്‌സ് കോളജില്‍ ഫിസിക്‌സ് വിഭാഗം, ഐഎസ്ആര്‍ഒ സ്‌പേസ് എക്‌സ്‌പോ ഒരുക്കി 
സിഐഎസ്‌സിഇ അണ്ടര്‍ 14 ദേശീയ ഹാന്‍ഡ്‌ബോള്‍ ചാമ്പ്യന്‍ഷിപ്പില്‍ അഭിമാന നേട്ടവുമായി ക്രിസ്റ്റോ 
റോഡ് സുരക്ഷ: മാതൃകയായി അവിട്ടത്തൂര്‍ സ്‌കൂളിലെ ഗൈഡ്‌സ് വിദ്യാര്‍ഥിനികള്‍ 
