മാരക ലഹരി മരുന്നായ ഹാഷിഷ് ഓയില്‍ ഉപയോഗിക്കുന്ന യുവാക്കള്‍ അറസ്റ്റില്‍
ഇരിങ്ങാലക്കുട: ഹാഷിഷ് ഓയില്‍ ഉപയോഗിച്ചു കൊണ്ടിരിക്കെ മൂന്ന് യുവാക്കള്‍ പോലീസ് പിടിയിലായി. ഇരിങ്ങാലക്കുട തുറവന്‍കാട് സ്വദേശി പുത്തുക്കാട്ടില്‍ അനന്തു (18), തളിയക്കാട്ടുപറമ്പില്‍ ആദിത്യന്‍ (20), കോട്ടയം കടത്തുരുത്തി സ്വദേശി ആല്‍ബി (19) എന്നിവരെയാണ് ഇരിങ്ങാലക്കുട ഡിവൈഎസ് പി. ബാബു കെ. തോമസിന്റെ നേതൃത്വത്തില്‍ ഇന്‍സ്പെക്ടര്‍ എം.ബി. സിബിന്‍, അനീഷ് കരീം എന്നിവരുടെ സംഘങ്ങള്‍ പിടികൂടിയത്. ആളൂരില്‍ വാഹന പരിശോധനയ്ക്കിടെ സംശയം തോന്നിയവരുടെ വിവരങ്ങള്‍ ശേഖരിച്ചു നടത്തിയ പരിശോധനയിലാണ് ഇവര്‍ പിടിയിലായത്. പ്രത്യേക ഉപകരണങ്ങള്‍ ഉപയോഗിച്ചാണ് ഇവര്‍ ഹാഷിഷ് ഓയില്‍ കത്തിച്ചു പുക വലിക്കുന്നത്. ഇവരില്‍ അനന്തുവും ആദിത്യനും മുന്‍പും പോലീസ് പിടിയിലായിട്ടുണ്ട്. ഒരു വര്‍ഷത്തില്‍ കൂടുതലായി ഇവര്‍ ലഹരി മരുന്ന് ഉപയോഗിച്ചു തുടങ്ങിയിട്ട്. മുന്‍പ് പലവട്ടം ഇവരെ പോലീസ് താക്കീത് ചെയ്തിട്ടുള്ളതാണ്. എസ്ഐമാരായ കെ.എസ്. സുബിന്ത്, എം.എസ്. ഷാജന്‍, ദാസന്‍ മുണ്ടയ്ക്കല്‍, സീനിയര്‍ സിപിഒമാരായ എ.ബി. സതീഷ്, സി.കെ. ബിജുകുമാര്‍, ബിലഹരി, കെ.എസ്. ഉമേഷ്, ധനലക്ഷ്മി, ഇ.എസ്. ജീവന്‍, സോണി സേവ്യര്‍ എന്നിവര്‍ രണ്ടു സംഘങ്ങളായി നടത്തിയ പരിശോധനയിലാണ് പ്രതികളെ പിടികൂടിയത്.
About Author
ആനന്ദപുരം ശ്രീകൃഷ്ണ ഹയര്‍സെക്കന്ററി സ്‌കൂളിന്റെ എഴുപത്തിരണ്ടാമത് വാര്‍ഷികാഘോഷം 
മികച്ച വില്ലേജ് ഓഫീസര്‍ക്കുള്ള സംസ്ഥാന സര്‍ക്കാരിന്റെ പുരസ്‌കാരം നേടി കാട്ടൂര്‍ വില്ലേജ് ഓഫീസര്‍ ആഷ ഇഗ്നേഷ്യസ് 
മികച്ച വില്ലേജ് ഓഫീസര്‍ക്കുള്ള സംസ്ഥാന സര്‍ക്കാരിന്റെ പുരസ്‌കാരം നേടി മുരിയാട് വില്ലേജ് ഓഫീസര്‍ സിജു ജോസഫ് 
ക്രൈസ്റ്റ് കോളജിലെ കാര്‍ഷിക ഉദ്യാനത്തിന് അക്ഷയശ്രീ പുരസ്‌കാരം 
കേന്ദ്രബജറ്റ് ജനകീയം; ഇരിങ്ങാലക്കുടയില്‍ പ്രധാനമന്ത്രിക്ക് പോസ്റ്റ് കാര്‍ഡുകള്‍ അയച്ച് ബിജെപി 
ചാലക്കുടി നഗരസഭ ചെയര്‍മാന്‍ ചെയര്‍മാന്‍ ഷിബു വാലപ്പന് വാലപ്പന് ട്രസ്റ്റിന്റെ സ്വീകരണം 
