കാലിക്കട്ട് സര്വകലാശാല പുരുഷ ബാസ്ക്കറ്റ് ബോള് മത്സരങ്ങള് ക്രൈസ്റ്റ് കോളജില് ആരംഭിച്ചു
ഇരിങ്ങാലക്കുട ക്രൈസ്റ്റ് കോളജില് ആരംഭിച്ച കാലിക്കട്ട് സര്വകലാശാല ഇന്റര്സോണ് പുരുഷ വിഭാഗം ബാസ്ക്കറ്റ്ബാള് ചാമ്പ്യന്ഷിപ്പിന് കാലിക്കട്ട് സര്വകലാശാല ഡയറക്ടര് ഡോ. സക്കീര് ഹുസൈന്, മുന് ദേശീയ ബാസ്കറ്റ്ബാള് പരിശീലകന് പി.സി. ആന്റണി, ക്രൈസ്റ്റ് കോളജ് മാനേജര് ഫാ. ജോയ് പീണിക്കപ്പറമ്പില് എന്നിവര് കായികതാരങ്ങളെ പരിചയപ്പെടുന്നു.
ഇരിങ്ങാലക്കുട : കാലിക്കട്ട് സര്വകലാശാല ഇന്റര്സോണ് പുരുഷ വിഭാഗം ബാസ്ക്കറ്റ്ബാള് ചാമ്പ്യന്ഷിപ്പ് ക്രൈസ്റ്റ് കോളജില് ആരംഭിച്ചു. ക്രൈസ്റ്റ് കോളജ് മാനേജര് ഫാ. ജോയ് പീണിക്കപ്പറമ്പില് ഉദ്ഘാടനം നിര്വഹിച്ചു. കാലിക്കട്ട് സര്വകലാശാല ഡയറക്ടര് ഡോ. സക്കീര് ഹുസൈന് മുഖ്യതിഥിയായിരുന്നു. മുന് ദേശീയ ബാസ്കറ്റ്ബാള് പരിശീലകന് പി.സി. ആന്റണി, നാഷണല് ഗെയിംസ് വിജയിച്ച കേരള വുമണ് ടീം പരിശീലകനും ക്രൈസ്റ്റ് കോളജ് ബാസ്ക്കറ്റ്ബാള് പരിശീലകനുമായ ജിജോ പോള്, ഡി സോണ് കണ്വീനര് ഡോ. ബിന്ദുകൃഷ്ണ, ക്രൈസ്റ്റ് കോളജ് കായിക വിഭാഗം മേധാവി ഡോ ബിന്റു ടി. കല്യാണ് എന്നിവര് സന്നിഹിതരായിരുന്നു. ഇന്നു രാവിലെ നടക്കുന്ന സെമിഫൈനലില് ക്രൈസ്റ്റ് കോളജും സഹൃദയ കോളജുമായി ഏറ്റുമുട്ടും. കേരളവര്മ കോളജും കോഴിക്കോട് ദേവഗിരി കോളജുമായി ഏറ്റുമുട്ടും. ഉച്ചത്തിരിഞ്ഞ് 2.30നു ഫൈനല് മത്സരങ്ങള് നടക്കും.

37-ാമത് ഉപജില്ലാ സ്കൂള് കലോത്സവത്തില് മികച്ച വിജയം കരസ്ഥമാക്കി മൂര്ക്കനാട് സെന്റ് ആന്റണീസ് എല്പി സ്കൂള്
ഐടിയു ബാങ്ക്; തോമസ് ഉണ്ണിയാടന് എംഎല്എ ആര്ബിഐ റീജണല് ഡയറക്ടറുമായി കൂടിക്കാഴ്ച നടത്തി
ഗാര്ഹിക പീഡനങ്ങള്ക്കെതിരെ സ്ത്രീകള്ക്ക് ശബ്ദമുയര്ത്താം; സ്പീക് അപ്പ് പദ്ധതിക്ക് തൃശൂര് റൂറല് ജില്ലയില് തുടക്കമായി
ക്രൈസ്റ്റ് കോളജ് ആതിഥേയരായ ആര്ട്സ് കേരള കലോത്സവം സമാപിച്ചു
സെന്റ് ജോസഫ്സ് കോളജില് സെലെസ്റ്റാ സെസ്റ്റ് 2കെ26 സംഘടിപ്പിച്ചു
ഡോ. കെ.എന്. പിഷാരടി സ്മാരക കഥകളി ക്ലബ് ഒരുക്കിയ നവ്യം 2026ല് അശോകവനികാങ്കം കൂടിയാട്ടം അരങ്ങേറി