ഭാരതീയ വിദ്യാഭവന്‍ കാറ്റഗറി ഒന്ന്, രണ്ട് സംസ്ഥാന കലോത്സവം : കാക്കനാട് ഭവന്‍സ് ആദര്‍ശ് വിദ്യാലയത്തിന് കിരീടം
ഭാരതീയ വിദ്യാഭവന്‍ സ്‌കൂളുകളുടെ ഒന്ന്, രണ്ട് കാറ്റഗറികളിലെ സംസ്ഥാന കലോത്സവത്തില്‍ കാറ്റഗറി ഒന്നില്‍ 52 പോയിന്റും കാറ്റഗറി രണ്ടില്‍ 82 പോയിന്റും നേടി ഒന്നാം സ്ഥാനം കരസ്ഥമാക്കിയ കാക്കനാട് ഭവന്‍സ് ആദര്‍ശ് വിദ്യാലയം ട്രോഫി ഏറ്റുവാങ്ങുന്നു.
ഇരിങ്ങാലക്കുട: ഭാരതീയ വിദ്യാഭവന്‍ സ്‌കൂളുകളുടെ ഒന്ന്, രണ്ട് കാറ്റഗറികളിലെ സംസ്ഥാന കലോത്സവത്തില്‍ കാറ്റഗറി ഒന്നില്‍ 52 പോയിന്റും കാറ്റഗറി രണ്ടില്‍ 82 പോയിന്റും നേടി ഭവന്‍സ് ആദര്‍ശ് വിദ്യാലയ കാക്കനാട് ഒന്നാം സ്ഥാനം കരസ്ഥമാക്കി. കാറ്റഗറി ഒന്നില്‍ 43 പോയിന്റോടെ ഭവന്‍സ് വിദ്യാമന്ദിര്‍ ഗിരിനഗര്‍ രണ്ടാംസ്ഥാനം നേടി. കാറ്റഗറി രണ്ടില്‍ 78 പോയിന്റോടെ ഭവന്‍സ് വിദ്യാമന്ദിര്‍, ഏരൂര്‍ രണ്ടാംസ്ഥാനം നേടി. 25 സ്‌കൂളുകളില്‍നിന്നായി 400ല്‍പ്പരം മത്സരാര്‍ഥികള്‍ 19 ഇനങ്ങളിലായി മാറ്റുരച്ചു. ഇരിങ്ങാലക്കുട ഭാരതീയ വിദ്യാഭവന്‍ സ്‌കൂള്‍ ഓഡിറ്റോറിയത്തില്‍ നടന്ന കലോത്സവം തൃശൂര്‍ റൂറല്‍ എസ്പി ഐശ്വര്യ ഡോംഗ്രെ ഉദ്ഘാടനം ചെയ്തു. ഭാരതീയ വിദ്യാഭവന്‍ ഇരിങ്ങാലക്കുട കേന്ദ്ര ചെയര്‍മാന്‍ സി. സുരേന്ദ്രന്‍ അധ്യക്ഷത വഹിച്ചു. കൂടിയാട്ടം കലാകാരി കപിലാ വേണു മുഖ്യാതിഥിയായി. വൈസ് ചെയര്‍മാന്‍ സി. നന്ദകുമാര്‍, സെക്രട്ടറി വി. രാജന്‍, പ്രിന്‍സിപ്പല്‍ ബിജു ഗീവര്‍ഗീസ്, വൈസ് പ്രിന്‍സിപ്പല്‍മാരായ ശോഭാ ശിവാനന്ദരാജന്‍, ഗിരിജാമണി, കലോത്സവ കോ-ഓര്‍ഡിനേറ്റര്‍ സുജാത രാമനാഥന്‍, പിടിഎ പ്രസിഡന്റ് എബിന്‍ വെള്ളാനിക്കാരന്‍ എന്നിവര്‍ പങ്കെടുത്തു.
About Author
കരൂപ്പടന്ന എന്‍എസ്എസ് വളണ്ടിയര്‍മാര്‍ പല്ലൊട്ടി സിനിമയുടെ അണിയറ പ്രവര്‍ത്തകരുമായി സംവദിച്ചു 
സെന്റ് ജോസഫ്‌സ് കോളജിലെ സുവോളജി വിഭാഗം ശില്‍പ്പശാല സംഘടിപ്പിച്ചു 
വാര്‍ഡ് വിഭജനം; കരട് വിജ്ഞാപനമായി; ഇരിങ്ങാലക്കുട നഗരസഭയില്‍ ഇനി 43 വാര്‍ഡുകള്‍ 
കരുതിയിരിക്കുക, ഓണ്‍ലൈന്‍ തട്ടിപ്പുകളില്‍ വീഴരുതേ……ആദ്യം ഫോണ്‍ വിളി, താങ്ങളുടെ പേരില്‍ ക്രൈം കേസുകളുണ്ടെന്നു മുന്നറിയിപ്പ് 
നാദോപാസന സംഘടിപ്പിച്ച സോപാന സംഗീതോത്സവം സമാപിച്ചു 
ടൗണ്‍ അമ്പ് ഫെസ്റ്റ് 2025 സ്വാഗത സംഘം ഓഫീസ് ഉദ്ഘാടനം ചെയ്തു 
