സെന്റ് മേരീസ് സ്കൂൾ വാര്ഷികാഘോഷം ഇരിങ്ങാലക്കുട ബിഷപ് മാര് പോളി കണ്ണൂക്കാടന് ഉദ്ഘാടനം ചെയ്തു
![](https://irinjalakuda.news/wp-content/uploads/2023/12/ST-MARYS-SCHOOL-VAARSHIKAM.jpg)
ഇരിങ്ങാലക്കുട സെന്റ് മേരിസ് വിദ്യാലയത്തിന്റെ വാര്ഷികാഘോഷം ഇരിങ്ങാലക്കുട ബിഷപ് മാര് പോളി കണ്ണൂക്കാടന് ഉദ്ഘാടനം ചെയ്യുന്നു.
ഇരിങ്ങാലക്കുട: സെന്റ് മേരീസ് സ്കൂളിന്റെ വാര്ഷികാഘോഷം ബിഷപ് മാര് പോളി കണ്ണൂക്കാടന് ഉദ്ഘാടനംചെയ്തു. സ്കൂള് മാനേജര് ഫാ. പയസ് ചെറപ്പണത്ത് അധ്യക്ഷത വഹിച്ചു. നഗരസഭാ ചെയര്പേഴ്സണ് സുജ സഞ്ജീവ്കുമാര് മുഖ്യാതിഥിയായിരുന്നു. ഇരിങ്ങാലക്കുട വിദ്യാഭ്യാസ ജില്ലാ ഓഫീസര് ബാബു എം.പ്രസാദ് എന്ഡോവ്മെന്റ് വിതരണംചെയ്തു. കോര്പറേറ്റ് മാനേജര് ഫാ. സിജോ ഇരമ്പന് വിരമിക്കുന്ന അധ്യാപകരുടെയും അനധ്യാപകരുടെയും ഫോട്ടോ അനാഛാദനം നിര്വഹിച്ചു. കൗണ്സിലര് ഫെനി എബിന് സമ്മാനദാനം നിര്വഹിച്ചു. കത്തീഡ്രല് അസി.വികാരി ഫാ. ജോസഫ് തൊഴുത്തിങ്കല്, കത്തീഡ്രല് ട്രസ്റ്റി ആന്റണി ജോണ് കണ്ടംകുളത്തി, പിടിഎ പ്രസിഡന്റ് മെഡ്ലി റോയ്, ഹയര്സെക്കന്ഡറി പ്രിന്സിപ്പല് ആന്സണ് ഡൊമിനിക്ക്, മിന്സി തോമസ്, ജിയോ പോള്, കെ.പി. ലിറ്റി, സോന ബേബി തുടങ്ങിയവര് പ്രസംഗിച്ചു.