അധികാരം നല്‍കിയാല്‍ എങ്ങനെ ഭരിക്കാമെന്ന് തെളിയിച്ച് കാണിക്കാമെന്നു-സുരേഷ് ഗോപി
സുരേഷ് ഗോപി മണ്ഡലത്തിന്റെ വിവിധ കേന്ദ്രങ്ങളില് സന്ദര്ശനം നടത്തി ജനങ്ങളുമായി സംവാദിക്കുന്നു.
ഇരിങ്ങാലക്കുട: നാടിന്‍റെ വികസന പ്രശ്‌നങ്ങള്‍ ജനങ്ങളുമായി ചര്‍ച്ച ചെയ്തും ചോദ്യങ്ങള്‍ക്ക് മറുപടി പറഞ്ഞും മുന്‍ എംപിയും ബിജെപി നേതാവും നടനുമായ സുരേഷ് ഗോപി. എസ്ജി കോഫി ടൈംസ് എന്ന പരിപാടിയുടെ ഭാഗമായിട്ടാണ് മുന്‍ എംപി ഇരിങ്ങാലക്കുട മണ്ഡലത്തിലെ വിവിധ പഞ്ചായത്തുകളില്‍ എത്തിയത്. എല്ലാ പൗരന്‍മാരും വിചാരിച്ചാല്‍ തീരാവുന്ന പ്രശ്‌നങ്ങളാണ് നാം നേരിടുന്നവയില്‍ പലതുമെന്ന് വേളൂക്കര പഞ്ചായത്ത് കമ്യൂണിറ്റി ഹാളില്‍ നടന്ന സംവാദത്തില്‍ പങ്കെടുത്ത് കൊണ്ട് സുരേഷ് ഗോപി ചൂണ്ടിക്കാട്ടി.
ഗ്രാമീണ റോഡുകളുടെ ഇരുവശങ്ങളിലും വളര്‍ന്ന് നില്‍ക്കുന്ന കുറ്റിചെടികളുടെ അതിപ്രസരത്തെക്കുറിച്ചുള്ള ചോദ്യത്തിന് മറുപടിയായിട്ടാണ് ഇങ്ങനെ പറഞ്ഞത്. മൊബൈല്‍ ഫോണില്‍ സമയം തള്ളിനീക്കുന്ന പുതിയ തലമുറയെ സമാന സ്വഭാവമുള്ള വിഷയങ്ങള്‍ പരിഹരിക്കാന്‍ വിനിയോഗിക്കാന്‍ കഴിയണം. തൊഴിലുറപ്പ് പദ്ധതിയില്‍ കാര്‍ഷിക മേഖലയുടെ പ്രവര്‍ത്തനങ്ങള്‍ ഉള്‍പ്പെടുത്തുന്നത് സംബന്ധിച്ച നിര്‍ദേശവും അഞ്ച് പഞ്ചായത്തുകള്‍ക്കായി ഒരു ക്രിമിറ്റോറിയം എന്ന ആശയവും കേന്ദ്രത്തിന് മുന്നില്‍ സമര്‍പ്പിക്കും.
വിവിധ പദ്ധതികളുടെ ഗുണഭോക്താക്കളുടെ അക്കൗണ്ടുകളിലേക്ക് നേരിട്ട് പണം നല്‍കുന്ന വ്യവസ്ഥ മോഡിയന്‍ വിപ്ലവത്തിന്‍റെ നേട്ടമാണ്. കേരളത്തിലെ തൊഴിലുറപ്പ് പദ്ധതി സംബന്ധിച്ച ഓഡിറ്റ് കേന്ദ്രം ആവശ്യപ്പെട്ടിട്ടുണ്ട്. കേരളത്തിന്‍റെ ഭരണമോ അര്‍ഹമായ പ്രാതിനിധ്യമോ ബിജെപിക്ക് നല്‍കാന്‍ ജനങ്ങള്‍ തയ്യാറാകണം. എങ്ങനെയാണ് ഭരിക്കേണ്ടതെന്ന് കാണിച്ച് തരാമെന്ന് സംസ്ഥാനവുമായി ബന്ധപ്പെട്ട ചോദ്യങ്ങള്‍ക്ക് മറുപടിയായി അദ്ദേഹം പറഞ്ഞു.
ബിജെപി സംസ്ഥാന സമിതി അംഗം സന്തോഷ് ചെറാക്കുളം, ജില്ലാ പ്രസിഡന്‍റ് അഡ്വ. കെ.കെ. അനീഷ് കുമാര്‍, ജില്ലാ വൈസ് പ്രസിഡന്‍റ് കവിത ബിജു, ആളൂര്‍ മണ്ഡലം ജനറല്‍ സെക്രട്ടറി വിപിന്‍ പാറേമക്കാട്ടില്‍, പഞ്ചായത്ത് കമ്മിറ്റി പ്രസിഡന്‍റ് ജിതേഷ് മോഹന്‍ തുടങ്ങിയവരും പങ്കെടുത്തു.
About Author
ഗ്രേസ് 2024 അവാര്‍ഡ് ജേതാവ് ശാന്തിനികേതന്‍ പബ്ലിക് സ്‌കൂളിലെ ദിവ്യടീച്ചര്‍ക്ക് അനുമോദനം നല്‍കി 
എംഎസ്‌സി മൈക്രോ ബയോളജിയില്‍ ഒന്നാം റാങ്ക് കരസ്ഥമാക്കിയ അഷിത കെ. ആസാദിനെ അനുമോദിച്ചു 
ഇരിങ്ങാലക്കുട സെന്റ് ജോസഫ്‌സ് കോളജ് കാലിക്കട്ട് യൂണിവേഴ്‌സിറ്റി വോളിബോള്‍ ചാമ്പ്യന്‍ 
ആം ആദ്മി പാര്‍ട്ടി നഗരസഭാ ഓഫീസിനു മുന്നില്‍ ഏകദിന നിരാഹാര സമരം നടത്തി 
കൊടുങ്ങല്ലൂര്‍ മാര്‍തോമ തീര്‍ത്ഥാടന വിളംബരവും കുരിശുപ്രയാണവും സംഘടിപ്പിച്ചു 
മെഗാ ഹൈ ടെക്ക് ക്രിസ്തുമസ് കരോള്‍ മത്സരഘോഷയാത്ര ഡിസംബര്‍ 21 ന്; സംഘാടക സമിതി രൂപീകരിച്ചു 
