ലഹരി വസ്തുക്കള്‍ ഉപയോഗിക്കുന്നത് തടഞ്ഞതിലുള്ള ആക്രമണം; പ്രതി റിമാന്‍ഡില്‍
മുഹമ്മദ് ഷഹിന്‍.
ഇരിങ്ങാലക്കുട: ലഹരി വസ്തുക്കള്‍ ഉപയോഗിക്കുന്നത് തടഞ്ഞതിലുള്ള വിരോധത്താല്‍ പുന്നേലിപ്പടിയില്‍ വെച്ച് കൈപ്പമംഗലം സ്വദേശിയായ ജുബി (41)നെ ഗുരുതരമായി പരിക്കേല്‍പ്പിച്ച സംഭവത്തില്‍ യുവാവിനെ അറസ്റ്റ് ചെയ്തു. ആളൂര്‍ വെള്ളാഞ്ചിറ ദേശത്തുള്ള ഇല്ലത്തുപറമ്പില്‍ വീട്ടില്‍ മുഹമ്മദ് ഷഹിന്‍ (18) നാണ് അറസ്റ്റിലായത്. ഇക്കഴിഞ്ഞ 18 ന് വൈകീട്ട് ആറ് മണിയോടെ ജുബിന്‍ ജീവനക്കാരനായുള്ള പുന്നേലിപ്പിടിയിലുള്ള കാറ്ററിംഗ് യൂണിറ്റിലേക്ക് അഞ്ച് പേര്‍ അതിക്രമിച്ച് കടന്ന് ജുബിന്റെ മടിക്കുത്തില്‍ കയറിപ്പിടിക്കുകയും തലയുടെ പുറകിലും, ഇരുകൈകളിലും, ഷോള്‍ഡറിലും, വലത് കൈക്ക് താഴെയും, വലത് കാലിലും ഇരുമ്പുവടി കൊണ്ട് അടിച്ച് ഗുരുതരമായി പരിക്കേല്‍പ്പിക്കുകയായിരുന്നു. കാറ്ററിംഗ് ജോലിക്ക് വരുമ്പോള്‍ ലഹരി പദാര്‍ഥങ്ങള്‍ ഉപയോഗിക്കരുത് എന്ന് ജുബിന്‍ പറഞ്ഞതിലുള്ള വിരോധത്താലാണ് ഇവര്‍ ജുബിനെ ഗുരുതരമായി പരിക്കേല്‍പ്പിച്ചത്. സംഭവത്തിന് ശേഷം ഒളിവില്‍ പോയ ഷഹിനെ ആളൂരില്‍ നിന്നാണ് അറസ്റ്റ് ചെയ്തത്. അറസ്റ്റ് ചെയ്ത പോലീസ് സംഘത്തില്‍ ആളൂര്‍ പോലീസ് സ്റ്റേഷന്‍, ഇന്‍സ്‌പെക്ടര്‍, കെ.എം. ബിനീഷ്, സബ് ഇന്‍സ്‌പെക്ടര്‍ രാധാകൃഷ്ണന്‍, സ്‌പെഷ്യല്‍ ബ്രാഞ്ച് സബ് ഇന്‍സ്‌പെക്ടര്‍, ടി.ആര്‍. ബാബു, സിവില്‍ പോലീസ് ഓഫീസര്‍മാരായ അനീഷ്, ആഷിക് എന്നിവരുംഉണ്ടായിരുന്നു.
About Author
ചാലക്കുടി നഗരസഭ ചെയര്‍മാന്‍ ചെയര്‍മാന്‍ ഷിബു വാലപ്പന് വാലപ്പന് ട്രസ്റ്റിന്റെ സ്വീകരണം 
കൊറ്റെനല്ലൂര്‍ എയ്ഡഡ് ലോവര്‍ പ്രൈമറി ചര്‍ച്ച് സ്‌കൂള്‍ വാര്‍ഷികോത്സവവും അധ്യാപക രക്ഷാകര്‍തൃദിനവും 
എടതിരിഞ്ഞി എച്ച്ഡിപി സമാജം ശിവകുമാരേശ്വര ക്ഷേത്രത്തിലെ തിരുവുത്സത്തോടൊനുബന്ധിച്ചു നടന്ന കൂട്ടിഎഴുന്നള്ളിപ്പ് 
നടവരമ്പ് സെന്‍റ് മേരീസ് അസംപ്ഷന്‍ ദേവാലയത്തില്‍ തിരുനാളിന് കൊടികയറി 
കുപ്രസിദ്ധ ഗുണ്ടയെ കാപ്പ ചുമത്തി തടങ്കലിലാക്കി 
കണ്‌ഠേശ്വരം ശിവ ക്ഷേത്രത്തില്‍ ശിവരാത്രി നൃത്തോത്സവം ആരംഭിച്ചു 
