ഓള്‍ കേരളാ ഇന്റര്‍കോളീജിയേറ്റ് വടംവലി ചാമ്പ്യന്‍ഷിപ്പ്; കൊടകര സഹൃദയ കോളജിന് കിരീടം
ക്രൈസ്റ്റ് കോളജ് സംഘടിപ്പിച്ച ഓള്‍ കേരള ഇന്റര്‍കോളീജിയേറ്റ് വടംവലി ടൂര്‍ണമെന്റില്‍ പുരുഷ വിഭാഗത്തില്‍ ചാമ്പ്യന്മാരായ കൊടകര സഹൃദയ കോളജ് ടീം ട്രോഫിയുമായി.
ഇരിങ്ങാലക്കുട: ക്രൈസ്റ്റ് കോളജ് സംഘടിപ്പിച്ച ഓള്‍ കേരള ഇന്റര്‍കോളീജിയേറ്റ് വടംവലി ടൂര്‍ണമെന്റില്‍ പുരുഷ- വനിത വിഭാഗങ്ങളില്‍ കൊടകര സഹൃദയ കോളജിന് കിരീടം. മുനിസിപ്പല്‍ ചെയര്‍പേഴ്‌സണ്‍ മേരിക്കുട്ടി ജോയ് മത്സരം ഉദ്ഘാടനം ചെയ്തു. ചടങ്ങില്‍ വാര്‍ഡ് മെമ്പര്‍ ജെയ്‌സണ്‍ പാറേക്കാടന്‍, കോളജ് മാനേജര്‍ ഫാ. ജോയ് പീണിക്കപ്പറമ്പില്‍, പ്രിന്‍സിപ്പല്‍ റവ.ഡോ. ജോളി ആന്‍ഡ്രൂസ്, പുന്നേലിപ്പറമ്പില്‍ ഫാമിലി ട്രസ്റ്റ് അംഗങ്ങള്‍ എന്നിവര്‍ പങ്കെടുത്തു. പുരുഷ വിഭാഗം വടംവലി മത്സരത്തില്‍ വിജയികള്‍ക്കുള്ള കൊട്ടേക്കാട്ട് ചന്ദ്രശേഖരമേനോന്‍ മെമ്മോറിയല്‍ ട്രോഫി സഹൃദയ കോളജിന് ലഭിച്ചു. കാസര്‍ഗോഡ് പീപ്പിള്‍സ് കോളജ് മുന്നാട് രണ്ടാം സ്ഥാനക്കാര്‍ക്കുള്ള തോട്ടാപ്പള്ളി പത്മിനിയമ്മ റണ്ണേഴ്‌സ് ട്രോഫി നേടി. വനിതാ വിഭാഗത്തില്‍ പുന്നേലിപ്പറമ്പില്‍ വറീത് മെമ്മോറിയല്‍ വിന്നേഴ്‌സ് ട്രോഫിക്കും റണ്ണേഴ്‌സ് ട്രോഫിക്കും അര്‍ഹരായത് യഥാക്രമം സഹൃദയ കോളജും നൈപുണ്യ കൊരട്ടി കോളജുമാണ്. ഇരുവിഭാഗങ്ങളിലും ക്രൈസ്റ്റ് കോളജ് സെമിഫൈനലില്‍ പ്രവേശിച്ചിരുന്നു.
About Author
ഠാണ ചന്തക്കുന്ന് റോഡ് കോണ്‍ക്രീറ്റിടല്‍; അടുത്ത മാസം ആരംഭിക്കുവാന്‍ നീക്കം 
ആശാവര്‍ക്കര്‍മാരുടെ സമരം ഒത്തുതീര്‍പ്പാക്കണം; കോണ്‍ഗ്രസ് നഗരസഭ ഓഫീസിനു മുന്നില്‍ ധര്‍ണ നടത്തി 
സിപിഎം ന്റെ നേതൃത്വത്തില്‍ ഇന്നസെന്റ്് അനുസ്മരണം സംഘടിപ്പിച്ചു 
വിശുദ്ധ സെബസ്ത്യാനോസിന്റെ തിരുശേഷിപ്പ് പ്രയാണം വ്യാഴാഴ്ച അരിപ്പാലം പള്ളിയില്‍ എത്തിച്ചേരും 
മകള്‍ക്കു പീഢനം; പിതാവിന് ജീവപരന്ത്യം തടവും പിഴയും 
അഖില കേരള സെവന്‍സ് ഫുട്‌ബോള്‍ ടൂര്‍ണമെന്റിനു തുടക്കം 
