കുളിക്കുന്നതിനിടയില്‍ കുളിമുറിയുടെ ചുമരിടിഞ്ഞ് വീണ് യുവാവ് മരിച്ചു
ബൈജു.
ഇരിങ്ങാലക്കുട: കുളിമുറിയുടെ ചുമരിടിഞ്ഞു വീണ് യുവാവ് മരിച്ചു. കാറളം ചെമ്മണ്ട ബാലവാടിയ്ക്കു സമീപം താമസിക്കുന്ന നെടുമ്പള്ളി വീട്ടില്‍ അയ്യപ്പന്റെ മകന്‍ ബൈജു (49) ആണ് മരിച്ചത്. ഇന്നലെ രാവിലെ പത്തോടെയായിരുന്നു സംഭവം. ഈ സമയം കനത്ത മഴ പെയ്യുന്നുണ്ടായിരുന്നു. വീടിനോട് ചേര്‍ന്ന് പുറത്തുള്ള ഓടിട്ട കുളിമുറിയില്‍ കുളിക്കാന്‍ കയറിയതായിരുന്നു ബൈജു. കനത്ത കാറ്റിലും മഴയിലും കുളിമുറിയുടെ ഭിത്തികള്‍ തകര്‍ന്ന് ബൈജുവിന്റെ ദേഹത്ത് വീഴുകയായിരുന്നു. അപകടസമയത്ത് വീട്ടില്‍ ആരും ഉണ്ടായിരുന്നില്ല.
പരിസരത്തുള്ളവര്‍ വിവരം അറിയിച്ചതിനെ തുടര്‍ന്ന് സ്ഥലത്ത് എത്തിയ പോലീസും ഫയര്‍ ഫോഴ്‌സും സ്ഥലത്തെത്തി. ഫയര്‍ഫോഴ്‌സ് സേനാംഗങ്ങള്‍ ചുമരുകള്‍ നീക്കി ഗുരുതരമായി പരിക്കേറ്റ ബൈജുവിനെ ഉടന്‍ ഇരിങ്ങാലക്കുട ജനറല്‍ ആശുപത്രിയില്‍ എത്തിക്കുകയായിരുന്നു. അപകട സ്ഥലത്ത് വച്ച് തന്നെ മരണം സംഭവിച്ചിരുന്നു. അമ്മ-തങ്ക. ഭാര്യ-മിനി, മക്കള്‍- നിബിന്‍, നന്ദന. കാട്ടൂര്‍ പോലീസ് തുടര്‍ നടപടികള്‍ സ്വീകരിച്ചു. സംസ്‌കാരം ഇന്ന് ഉച്ചക്ക് രണ്ടിന് ഇരിങ്ങാലക്കുട മുക്തിസ്ഥാനില്‍ നടക്കും.
About Author
ഇരിങ്ങാലക്കുട സെന്റ് തോമസ് കത്തീഡ്രലിൽ ദുക്റാന തിരുനാളിനു കൊടിയേറി 
താണിശേരി വിമല സെന്‍ട്രല്‍ സ്‌കൂളില്‍ വായനാവാരം ആഘോഷിച്ചു 
കേന്ദ്ര അവഗണനക്ക് എതിരെ കെഎസ്ടിഎ പ്രതിഷേധ സമരം നടത്തി 
ഓപ്പറേഷന്‍ കാപ്പ വേട്ട തുടരുന്നു….. 2025-ല്‍ മാത്രം 40 പേരെ കാപ്പ പ്രകാരം ജയിലിലടച്ചു, 107 ഗുണ്ടകളെ കാപ്പ ചുമത്തി 67 പേര്‍ക്കെതിരെ കാപ്പ പ്രകാരം നാടു കടത്തി 
അംബേദ്കർ ഗ്രാമവികസന പദ്ധതി; മുരിയാട് ഒരുകോടിയുടെ നിർമാണ പ്രവർത്തനങ്ങൾക്കു തുടക്കം 
ഇരിങ്ങാലക്കുട സെന്റ് ജോസഫ്‌സ് കോളജില്‍ കോണ്‍വൊക്കേഷന്‍ ചടങ്ങ് നടത്തി 
