വിദ്യാര്ഥികളെ ലക്ഷ്യമിട്ട് കഞ്ചാവ് വിപണനം; ഇരിങ്ങാലക്കുടയില് സ്കൂള് ബസ് ഡ്രൈവര് പിടിയില്
അറസ്റ്റിലായ സുധീഷ്.
ഇരിങ്ങാലക്കുട: സ്കൂള് കോളജ് വിദ്യാര്ഥികളെയും കുട്ടികളെയും ലക്ഷ്യമിട്ട് വില്പനയ്ക്കായി സൂക്ഷിച്ച കഞ്ചാവുമായി സ്കൂള് ബസ് ഡ്രൈവറെ തൃശൂര് റൂറല് പോലീസ് പിടികൂടി. കോണത്തുകുന്ന് പുഞ്ചപറമ്പ് സ്വദേശി പറമ്പിക്കാട്ടില് വീട്ടില് സുധീഷ് (34) ആണ് അറസ്റ്റിലായത്. ഇന്നലെ കോണത്തുകുന്ന് പുഞ്ചപറമ്പില് നടത്തിയ രഹസ്യ പരിശോധനയിലാണ് പ്രതി വലയിലായത്. തൃശൂര് റൂറല് ജില്ലാ പോലീസ് മേധാവി ബി. കൃഷ്ണകുമാര് ഐപിഎസ് ന്റെ നേതൃത്വത്തിലുള്ള റൂറല് ഡാന്സാഫ് സംഘവും ഇരിങ്ങാലക്കുട പോലീസും സംയുക്തമായാണ് റെയ്ഡ് നടത്തിയത്.
കുട്ടികളുടെ സുരക്ഷ ഉറപ്പാക്കേണ്ട സ്കൂള് വാഹനങ്ങളിലെ ജീവനക്കാര് തന്നെ ഇത്തരം ലഹരി മാഫിയകളുടെ ഭാഗമാകുന്നത് ഞെട്ടിക്കുന്നതാണ്. പ്രതിക്കെതിരെ സാധാരണ ലഹരിവിരുദ്ധ നിയമങ്ങള്ക്ക് പുറമെ, ബാലനീതി നിയമത്തിലെ ജാമ്യമില്ലാ വകുപ്പായ സെക്ഷന് 77 കൂടി ചുമത്തും. ഇരിങ്ങാലക്കുട പോലീസ് തുടര്നടപടികള് സ്വീകരിച്ചുവരികയാണ്. തൃശൂര് റൂറല് ജില്ലാ പോലീസ് മേധാവി ബി. കൃഷ്ണകുമാര് ഐപിഎസ് ന്റെ നേതൃത്വത്തില് ഇരിങ്ങാലക്കുട പോലീസ് സ്റ്റേഷന് എസ്എച്ച്ഒ ദിലീഷ് ടി, സബ്ബ് ഇന്സ്പെക്ടര്മാരായ ശ്രീലാല്, അഭിലാഷ്, ജിഎസ്ഐ ഷാബു, എസ്സിപിഒമാരായ അര്ജുന്, സിജു, ഡാന്സാഫ് അംഗങ്ങളായ ജിഎസ്ഐ ജയകൃഷ്ണന്, ഇ.എസ്. ജീവന്, എസ്സിപിഒ ഷിന്റൊ എന്നിവരാണ് അന്വേഷണ സംഘത്തിലുണ്ടായിരുന്നത്.
വാർത്തകൾ വേഗത്തിലറിയാൻ ഇരിങ്ങാലക്കുട ന്യൂസ് ഫോളോ ചെയ്യൂ…..
https://www.facebook.com/newsirinjalakuda
join our Whatsapp group
https://chat.whatsapp.com/DELcIHjzm7WHn9hFF9h1jB
join our Whatsapp Channel
https://whatsapp.com/channel/0029Var2S4l0Vyc9XcuAMh1V
whatsapp/call: 9496663558
About Author
കനത്ത മഴയില് മരം വീണ് സ്കൂട്ടര് യാത്രികന് മരിച്ചു 
ഇരിങ്ങാലക്കുട റോട്ടറി ക്ലബ്ബില് പരിസ്ഥിതിദിനം ആഘോഷിച്ചു 
തുമ്പൂര് ഹരിശ്രീ വിദ്യാനികേതന് പബ്ലിക് സ്കൂളില് ലോക പരിസ്ഥിതി ദിനം ആചരിച്ചു 
പടിയൂര് പഞ്ചായത്തിലെ വിദ്യാലയങ്ങളില് പരിസ്ഥിതി ദിനം ആഘോഷിച്ചു 
താണിശേരി എല്എഫ് എല്പി സ്കൂളില് ലോക പരിസ്ഥിതി ദിനാഘോഷം സംഘടിപ്പിച്ചു 
ജെസിഐ ഇരിങ്ങാലക്കുട പരിസ്ഥിതിദിനാചരണം നടത്തി 
