ജനങ്ങളുടെ ഇടപെടലില് റോഡിന് താത്കാലിക ആശ്വാസം; പടിഞ്ഞാട്ടുമുറിയിലെ കുഴികള് കോണ്ക്രീറ്റ് ചെയ്ത് യാത്രാസൗകര്യം ഒരുക്കി
കാറളം പഞ്ചായത്ത് ഒന്നാം വാര്ഡ് പടിഞ്ഞാട്ടുമുറിയിലെ പിഡബ്ല്യുഡി റോഡിലെ കുഴികള് പഞ്ചായത്തംഗം കെ.ബി. ഷമീറിന്റെ നേതൃത്വത്തില് നാട്ടുകാരും ഡ്രൈവര്മാരും ചേര്ന്ന് കോണ്ക്രീറ്റ് ചെയ്യുന്നു.
കാറളം: കാറളം പഞ്ചായത്തിലെ ഒന്നാം വാര്ഡ് പടിഞ്ഞാട്ടുമുറി മേഖലയിലെ പിഡബ്ല്യുഡി റോഡില് രൂപപ്പെട്ടിരുന്ന അപകടകരമായ കുഴികള് നാട്ടുകാരുടെയും വാഹന ഡ്രൈവര്മാരുടെയും നേതൃത്വത്തില് കോണ്ക്രീറ്റ് ചെയ്ത് യാത്രാസൗകര്യം ഒരുക്കി. ഏറെ നാളായി അറ്റകുറ്റപ്പണികള് നടത്താതെ അവഗണിക്കപ്പെട്ടിരുന്ന റോഡിലെ വലിയ കുഴികള് കാരണം ദിനംപ്രതി ഇരുചക്രവാഹന യാത്രികരും മറ്റ് വാഹനയാത്രക്കാരും അപകടത്തില്പ്പെടുന്ന സാഹചര്യമുണ്ടായിരുന്നു. പ്രദേശവാസികള് നിരവധി തവണ വിഷയം ബന്ധപ്പെട്ട അധികൃതരുടെ ശ്രദ്ധയില്പ്പെടുത്തിയെങ്കിലും അടിയന്തര നടപടി ഉണ്ടാകാത്ത സാഹചര്യത്തിലാണ് നാട്ടുകാര് സ്വമേധയാ രംഗത്തെത്തിയത്.
പഞ്ചായത്തംഗം കെ.ബി. ഷമീറിന്റെ നേതൃത്വത്തില് നാട്ടുകാരും ഡ്രൈവര്മാരും ചേര്ന്ന് കുഴികളില് കോണ്ക്രീറ്റ് നിറച്ച് റോഡ് ഗതാഗതയോഗ്യമാക്കുകയായിരുന്നു. പ്രദേശത്തെ പ്രധാന ഗതാഗതപാതയായ ഈ റോഡിലൂടെ ദിവസേന സ്കൂള് വിദ്യാര്ഥികള്, തൊഴിലാളികള്, വ്യാപാരികള് തുടങ്ങി നൂറുകണക്കിന് ആളുകളാണ് യാത്ര ചെയ്യുന്നത്. മഴക്കാലത്ത് കുഴികളില് വെള്ളം കെട്ടിക്കിടക്കുന്നതുമൂലം അപകടസാധ്യത വര്ധിച്ചിരുന്നതായി നാട്ടുകാര് പറഞ്ഞു.
നിരവധി ഇരുചക്രവാഹനങ്ങള് ഇവിടെ നിയന്ത്രണം വിട്ട് വീഴുകയും വാഹനങ്ങള്ക്ക് കേടുപാടുകള് സംഭവിക്കുകയും ചെയ്തിരുന്നു. റോഡിന്റെ ശോചനീയാവസ്ഥയ്ക്ക് ശാശ്വത പരിഹാരം കാണുന്നതിനായി ബന്ധപ്പെട്ട വകുപ്പ് അടിയന്തരമായി സമഗ്രമായ അറ്റകുറ്റപ്പണികള് നടത്തണമെന്ന് നാട്ടുകാര് ആവശ്യപ്പെട്ടു. നിലവില് നടത്തിയ കോണ്ക്രീറ്റിംഗ് താത്കാലിക പരിഹാരമാണെന്നും സ്ഥിരമായ നവീകരണ പ്രവര്ത്തനങ്ങള് ഉടന് ആരംഭിക്കണമെന്നും പ്രദേശവാസികള് ആവശ്യപ്പെട്ടു.
വാർത്തകൾ വേഗത്തിലറിയാൻ ഇരിങ്ങാലക്കുട ന്യൂസ് ഫോളോ ചെയ്യൂ…..
https://www.facebook.com/newsirinjalakuda
join our Whatsapp group
https://chat.whatsapp.com/DELcIHjzm7WHn9hFF9h1jB
join our Whatsapp Channel
https://whatsapp.com/channel/0029Var2S4l0Vyc9XcuAMh1V
whatsapp/call: 9496663558
About Author
ഇരിങ്ങാലക്കുട ലിറ്റില് ഫഌവര് സ്കൂളില് വിജയോത്സവം നടന്നു 
ഇരിങ്ങാലക്കുട ടൗണ് ലയണ്സ് ക്ലബ് ഭാരവാഹികള് 
എസ്എന് പബ്ലിക് ലൈബ്രറിയില് വായനാപക്ഷാചരണം നടത്തി എന്എസ്എസ് വളണ്ടിയേഴ്സ് 
ഇരിങ്ങാലക്കുട ലയണ്സ് ക്ലബ്ബിന്റെ പദ്ധതി; നാപ്കിന് ഇന്സിനേറ്റര് നല്കി 
ഇരിങ്ങാലക്കുട സെന്റ് തോമസ് കത്തീഡ്രലില് ഇടവകദിനം ബെറാക്ക 2026 ആഘോഷിച്ചു 
പുളിക്കലച്ചിറ പാലം അവസാനഘട്ടത്തില്; അപ്രോച്ച് റോഡ് നിര്മാണം തുടങ്ങി 
