ഡിജിറ്റല് അറസ്റ്റ് ഭീഷണി; 85കാരനില് നിന്ന് 4.11 കോടി തട്ടി
അറസ്റ്റിലായ സുബിന് അഗസ്റ്റിന്.
തട്ടിപ്പുസംഘത്തിന് കമ്മീഷന് വ്യവസ്ഥയില് പണം കൈമാറിയ പ്രതി ചെന്നൈ വിമാനത്താവളത്തില് പിടിയില്
ഇരിങ്ങാലക്കുട: ഡിജിറ്റല് അറസ്റ്റ് ചെയ്തതായി വിശ്വസിപ്പിച്ച് കോണത്തുകുന്ന് സ്വദേശിയായ 85കാരനില് നിന്നും പരിചാരകയില് നിന്നും നാലുകോടി 11 ലക്ഷത്തിലേറെ രൂപ തട്ടിയെടുത്ത കേസില് തട്ടിപ്പ് സംഘത്തിലെ പ്രധാന കണ്ണികളിലൊരാള് അറസ്റ്റില്. കണ്ണൂര് പയ്യാവൂര് കോയിപ്ര സ്വദേശി മുത്തുപ്ലാക്കല് വീട്ടില് സുബിന് അഗസ്റ്റിന് (38) ആണ് തൃശൂര് റൂറല് സൈബര് ക്രൈം പോലീസ് പിടിയിലായത്. തൃശൂര് റൂറല് ജില്ലാ പോലീസ് മേധാവിക്ക് ലഭിച്ച വിവരത്തിന്റെ അടിസ്ഥാനത്തില് ചെന്നൈ വിമാനത്താവളത്തില് നിന്നാണ് ഇയാളെ അറസ്റ്റ് ചെയ്തത്. തട്ടിപ്പ് നടത്തിയ പണത്തില് ഉള്പ്പെട്ട 30 ലക്ഷം രൂപ 2025 ഡിസംബര് 15ന് സുബിന് അഗസ്റ്റിന്റെ ബാങ്ക് അക്കൗണ്ടിലേക്ക് സ്വീകരിക്കുകയും അതേ ദിവസം തന്നെ പ്രധാന പ്രതികളുടെ അക്കൗണ്ടുകളിലേക്ക് കൈമാറുകയും ചെയ്തതായി അന്വേഷണത്തില് കണ്ടെത്തി. കമ്മീഷന് വ്യവസ്ഥയിലാണ് ഇയാള് തട്ടിപ്പ് സംഘത്തിനായി പണം കൈമാറിയിരുന്നതെന്ന് പോലീസ് വ്യക്തമാക്കി. ദേശീയ സൈബര് ക്രൈം റിപ്പോര്ട്ടിംഗ് പോര്ട്ടല് വഴി സുബിന്റെ ബാങ്ക് അക്കൗണ്ട് പരിശോധിച്ചപ്പോള് അക്കൗണ്ടിനെതിരെ 11 പരാതികള് നിലവിലുണ്ടെന്നും അന്വേഷണ സംഘം കണ്ടെത്തി.
2025 സെപ്റ്റംബര് ഒമ്പതു മുതല് 2026 ജനുവരി ഒന്നു വരെയുള്ള കാലയളവിലാണ് വയോധികനെയും പരിചാരകയെയും ഭയപ്പെടുത്തി തട്ടിപ്പ് നടത്തിയത്. മണി ലോണ്ഡറിങ്ങുമായി ബന്ധപ്പെട്ട് മുംബൈ എന്ഫോഴ്സ്മെന്റ് ഡയറക്ടറേറ്റ് (ഇഡി) അന്വേഷിക്കുന്ന കേസില് ഉള്പ്പെട്ട 257 ബാങ്ക് അക്കൗണ്ടുകളില് ഒന്ന് പരാതിക്കാരന്റെ പേരിലുള്ളതാണെന്ന് വാട്സാപ്പ് കോളിലൂടെ വിളിച്ച തട്ടിപ്പ് സംഘം വിശ്വസിപ്പിക്കുകയായിരുന്നു. തുടര്ന്ന് പരാതിക്കാരന്റെ വിവിധ ബാങ്ക് അക്കൗണ്ടുകളിലെ ഇടപാടുകള് പരിശോധിക്കണമെന്നും പണം വെരിഫൈ ചെയ്യുന്നതിനായി തങ്ങള് നിര്ദേശിക്കുന്ന ബാങ്ക് അക്കൗണ്ടുകളിലേക്ക് തുക മാറ്റണമെന്നും ആവശ്യപ്പെട്ടു. ദേശീയ താല്പര്യം, കോടതി നിര്ദേശം, അന്വേഷണം തുടങ്ങിയ വാക്കുകള് ഉപയോഗിച്ച് വിശ്വാസം നേടിയെടുത്ത സംഘം, വിവരം മറ്റാരോടും പറയരുതെന്നും വീട്ടില് നിന്ന് പുറത്തിറങ്ങരുതെന്നും ഭീഷണിപ്പെടുത്തി.
ഇതോടെ താന് യഥാര്ഥത്തില് ഡിജിറ്റല് അറസ്റ്റില് ആണെന്ന് വിശ്വസിച്ച വയോധിന് തട്ടിപ്പ് സംഘം നിര്ദേശിച്ച അക്കൗണ്ടുകളിലേക്ക് പണം കൈമാറുകയായിരുന്നു. ഭയപ്പെടുത്തിയും തെറ്റിദ്ധരിപ്പിച്ചും പരാതിക്കാരന്റെ വിവിധ ബാങ്ക് അക്കൗണ്ടുകളില് നിന്ന് തട്ടിപ്പ് സംഘം ആകെ 4,11,65,206 രൂപയാണ് കൈക്കലാക്കിയത്. സംഭവത്തില് തൃശൂര് റൂറല് സൈബര് പോലീസ് സ്റ്റേഷനില് രജിസ്റ്റര് ചെയ്ത കേസിന്റെ അടിസ്ഥാനത്തില് നടത്തിയ വിശദമായ അന്വേഷണത്തിലാണ് തട്ടിപ്പ് സംഘത്തിന് കമ്മീഷന് വ്യവസ്ഥയില് പണം കൈമാറിയിരുന്ന സുബിന് അഗസ്റ്റിനെ തിരിച്ചറിഞ്ഞത്. അന്വേഷണത്തിന് ജില്ലാ ക്രൈം ബ്രാഞ്ച് ഡിവൈഎസ്പി അശ്വത് എസ്. കാരാണ്മയില്, സൈബര് പോലീസ് സ്റ്റേഷന് എസ്ഐ കെ.വി. ജസ്റ്റിന്, ഡ്രൈവര് എഎസ്ഐ വി.പി. ഷൈജു, സിപിഒമാരായ ടി.പി. ശ്രീനാഥ്, ശബരിനാഥ് എന്നിവര് നേതൃത്വം നല്കി.
വാർത്തകൾ വേഗത്തിലറിയാൻ ഇരിങ്ങാലക്കുട ന്യൂസ് ഫോളോ ചെയ്യൂ…..
https://www.facebook.com/newsirinjalakuda
join our Whatsapp group
https://chat.whatsapp.com/DELcIHjzm7WHn9hFF9h1jB
join our Whatsapp Channel
https://whatsapp.com/channel/0029Var2S4l0Vyc9XcuAMh1V
whatsapp/call: 9496663558
About Author
150 കിലോയുടെ ജന്മദിന കേക്ക്; മാതാവിന്റെ തിരുനാള് ഭക്തിസാന്ദ്രം 
ഓപ്പറേഷന് തൂഫാന്; കാട്ടൂരില് എംഡിഎംഎ വേട്ട 
അമ്മയ്ക്കൊരു ജന്മദിന കേക്ക്; 50 അടി നീളത്തില് ഭീമന് ജപമാല കേക്ക് 
കരുവന്നൂര് ബാങ്ക്; ചികിത്സയ്ക്ക് പണമില്ല; മുച്ചക്ര വാഹനത്തില് നിക്ഷേപകന്റെ സമരം 
ഒമ്പത് വയസുകാരിക്കെതിരെ ലൈംഗീകാതിക്രമം, പ്രതിക്ക് 34 വര്ഷം കഠിന തടവ് 
യുവാവിനെ ആക്രമിച്ച് പരിക്കേല്പ്പിച്ച കേസിലെ പ്രതി അറസ്റ്റില് 
1 thought on “ഡിജിറ്റല് അറസ്റ്റ് ഭീഷണി; 85കാരനില് നിന്ന് 4.11 കോടി തട്ടി”