ഓപ്പറേഷന്‍ തൂഫാന്‍; കാട്ടൂരില്‍ എംഡിഎംഎ വേട്ട
പ്രതി അബീഷ്.
20 ഗ്രാം രാസലഹരി പിടികൂടിയ കേസില്‍ ഒരാള്‍ കൂടി അറസ്റ്റില്‍
കാട്ടൂര്‍: കാട്ടൂരില്‍ 20 ഗ്രാം അതിമാരക രാസലഹരിയായ എംഡിഎംഎ പിടികൂടിയ കേസില്‍ ഒരാള്‍ കൂടി അറസ്റ്റില്‍. തൃശൂര്‍ റൂറല്‍ ഡാന്‍സാഫ് ടീമും കാട്ടൂര്‍ പോലീസും സംയുക്തമായി നടത്തിയ തുടരന്വേഷണത്തിലാണ് കയ്പമംഗലം കാളമുറി പടിഞ്ഞാറ് ഭാഗം മഠത്തിപറമ്പില്‍ വീട്ടില്‍ അബീഷ് (36) പിടിയിലായത്. കാട്ടൂര്‍ എടതിരിഞ്ഞി വടക്കുമുറി കാഞ്ഞിരപറമ്പില്‍ വീട്ടില്‍ മിഥുന്റെ (29) വീട്ടില്‍ നടത്തിയ പരിശോധനയിലാണ് ആദ്യം എംഡിഎംഎ ഉള്‍പ്പടെയുള്ള വസ്തുക്കള്‍ പിടികൂടിയത്. 20 ഗ്രാം എംഡിഎംഎ, ഇലക്ട്രോണിക് ത്രാസ്, ചില്ലറ വില്‍പ്പനയ്ക്കായി സൂക്ഷിച്ചിരുന്ന 56 ചെറിയ സിപ്പ് ലോക്ക് കവറുകള്‍, എംഡിഎംഎ വില്‍പ്പനയിലൂടെ അനധികൃതമായി സമ്പാദിച്ചതെന്ന് കരുതുന്ന 1,36,700 രൂപ എന്നിവയും പിടിച്ചെടുത്തിരുന്നു.
തുടര്‍ന്ന് നടത്തിയ ശാസ്ത്രീയ അന്വേഷണത്തിലാണ് മിഥുന് എംഡിഎംഎ എത്തിച്ചിരുന്നത് കാട്ടൂര്‍ പോലീസ് സ്റ്റേഷന്‍ റൗഡി ലിസ്റ്റില്‍ ഉള്‍പ്പെട്ട എടതിരിഞ്ഞി പോത്താനി സ്വദേശി എടച്ചാലി വീട്ടില്‍ അനന്തകൃഷ്ണന്‍ (25) ആണെന്ന് കണ്ടെത്തിയത്. അനന്തകൃഷ്ണനെയും പോലീസ് അറസ്റ്റ് ചെയ്തിരുന്നു. നടപടിക്രമങ്ങള്‍ പൂര്‍ത്തിയാക്കി മിഥുനെയും അനന്തകൃഷ്ണനെയും കോടതിയില്‍ ഹാജരാക്കി റിമാന്‍ഡ് ചെയ്തു. കാട്ടൂര്‍ പോലീസ് സ്റ്റേഷന്‍ സര്‍ക്കിള്‍ ഇന്‍സ്‌പെക്ടര്‍ എ. വിനോജ്, ജിഎസ്‌ഐമാരായ എ.പി. ഫ്രാന്‍സിസ്, പി.എ. മിനി, ജിഎസ്‌സിപിഒമാരായ കെ.ജി. അജിത്കുമാര്‍, വി.എസ്. ശ്യാം, തൃശൂര്‍ റൂറല്‍ ഡാന്‍സാഫ് ടീം എന്നിവരടങ്ങിയ അന്വേഷണ സംഘമാണ് പ്രതിയെ പിടികൂടിയത്. കേസില്‍ കൂടുതല്‍ പേര്‍ക്ക് പങ്കുണ്ടോയെന്നും ലഹരിയുടെ ഉറവിടം സംബന്ധിച്ചും അന്വേഷണം തുടരുകയാണ്.
വാർത്തകൾ വേഗത്തിലറിയാൻ ഇരിങ്ങാലക്കുട ന്യൂസ് ഫോളോ ചെയ്യൂ…..
https://www.facebook.com/newsirinjalakuda
join our Whatsapp group
https://chat.whatsapp.com/DELcIHjzm7WHn9hFF9h1jB
join our Whatsapp Channel
https://whatsapp.com/channel/0029Var2S4l0Vyc9XcuAMh1V
whatsapp/call: 9496663558
About Author
ക്വാണ്ടം മെക്കാനിക്‌സിന്റെ നിഗൂഢതകള്‍ ശാസ്ത്ര വിജ്ഞാന ക്ലാസ് നടത്തി 
കരുവന്നൂര്‍ സെന്റ് മേരീസ് പള്ളിയില്‍ ജപമാല രാജ്ഞിയുടെ തിരുനാളിന് കൊടികയറി 
പനി ബാധിച്ച് വിദ്യാര്‍ഥിനി മരിച്ചു 
കാലിക്കറ്റ് യൂണിവേഴ്‌സിറ്റി ഡി സോൺ ഫുട്ബോൾ: ക്രൈസ്റ്റ് കോളേജ് ജേതാക്കൾ 
ഇരിങ്ങാലക്കുട ഉപജില്ലാ ശാസ്‌ത്രോത്സവം: ലോഗോ പ്രകാശനം ചെയ്തു 
വിദ്യാരംഗം കലാസാഹിത്യ വേദി ഇരിങ്ങാലക്കുട ഉപജില്ല സര്‍ഗോത്സവം ആരഭി സമാപിച്ചു 
1 thought on “ഓപ്പറേഷന്‍ തൂഫാന്‍; കാട്ടൂരില്‍ എംഡിഎംഎ വേട്ട”