വിരമിക്കുന്ന അധ്യാപകര്‍ക്കു യാത്രാമംഗളങ്ങള്‍ നേര്‍ന്ന് നടന്‍ ടൊവിനോ തോമസ്
ഇരിങ്ങാലക്കുട സെന്റ് മേരീസ് ഹയര്‍ സെക്കന്‍ഡറി സ്‌കൂളില്‍ നിന്നും ഈ വര്‍ഷം വിരമിക്കുന്ന അധ്യാപകരായ ജോണ്‍സി പാറക്കയും ആന്‍സിലാലും പൂര്വ വിദ്യാര്ഥി നടന്‍ ടൊവിനോ തോമാസിനോപ്പം.
ഇരിങ്ങാലക്കുട: തന്നെ പഠിപ്പിച്ച അധ്യാപകര്‍ വിരമിക്കുന്നു അറിഞ്ഞപ്പോള്‍ അവരുടെ യാത്രയയപ്പു സമ്മേളത്തില്‍ ആശംസകള്‍ നേരാനെത്തി നടന്‍ ടൊവിനോ. ഇരിങ്ങാലക്കുട സെന്റ് മേരീസ് ഹയര്‍ സെക്കന്‍ഡറി സ്‌കൂളില്‍ നിന്നും വിരമിക്കുന്ന ജോണ്‍സി ജോണ്‍ പാറക്ക, കെ.ബി. ആന്‍സിലാല്‍ എന്നിവരുടെ യാത്രയയപ്പ് സമ്മേളനത്തിനാണു ടൊവിനോ എത്തിയത്. ഈ രണ്ട് അധ്യാപകരും ടൊവിനോയെ പഠിപ്പിച്ചവരാണ്. 2004-2006 ബാച്ചിലെ പ്ലസ്ടു വിദ്യാര്‍ഥിയാണു ടൊവിനോ. ടൊവിനോയുടെ സഹധര്‍മണി ലിഡിയ ഇതേ സ്‌കൂളില്‍ ഇതേ ബാച്ചിലെ വിദ്യാര്‍ഥിനിയായിരുന്നു.
പഠനകാലത്ത് സ്‌കൂള്‍ ചെയര്‍മാനായിരുന്നു. മാത്രവുമല്ല, സ്‌കൂളിലെ കലാരംഗത്ത് നിറസാന്നിധ്യമായിരുന്നു ടൊവിനോ. ക്രിസ്തുമസ് ആഘോഷങ്ങളില്‍ പൂജാരാജാക്കന്മാരുടെ വേഷമണിഞ്ഞതും ഓണാഘോഷത്തിന് മാവേലിയുടെ വേഷമണിഞ്ഞതും എല്ലാം അധ്യാപകര്‍ ഓര്‍ത്തെടുത്തു. സുവോളജി അധ്യാപികയായ ആന്‍സിലാല്‍ ടൊവിനോയുടെ ക്ലാസ് ടീച്ചാറായരുന്നു. കെമിസ്ട്രി അധ്യാപികയായിരുന്നു ജോണ്‍സി പാറക്ക. ഇരുവരും അധ്യാപനരംഗത്ത് 25 വര്‍ഷം പൂര്‍ത്തീകരിക്കുകയാണ്. അധ്യാപകരായ ജോണ്‍സി ജോണ്‍ പാറക്കയും ആന്‍സിലാലും ലിഡിയയുടെയും ടൊവിനോയുടെ സഹോദരന്‍ ടിംഗ്സ്റ്റന്‍റെയു അധ്യാപികമാരായിരുന്നു.
About Author
കരൂപ്പടന്ന എന്‍എസ്എസ് വളണ്ടിയര്‍മാര്‍ പല്ലൊട്ടി സിനിമയുടെ അണിയറ പ്രവര്‍ത്തകരുമായി സംവദിച്ചു 
സെന്റ് ജോസഫ്‌സ് കോളജിലെ സുവോളജി വിഭാഗം ശില്‍പ്പശാല സംഘടിപ്പിച്ചു 
വാര്‍ഡ് വിഭജനം; കരട് വിജ്ഞാപനമായി; ഇരിങ്ങാലക്കുട നഗരസഭയില്‍ ഇനി 43 വാര്‍ഡുകള്‍ 
കരുതിയിരിക്കുക, ഓണ്‍ലൈന്‍ തട്ടിപ്പുകളില്‍ വീഴരുതേ……ആദ്യം ഫോണ്‍ വിളി, താങ്ങളുടെ പേരില്‍ ക്രൈം കേസുകളുണ്ടെന്നു മുന്നറിയിപ്പ് 
ടൗണ്‍ അമ്പ് ഫെസ്റ്റ് 2025 സ്വാഗത സംഘം ഓഫീസ് ഉദ്ഘാടനം ചെയ്തു 
കേരള വ്യാപാരി വ്യവസായി ഏകോപനസമിതി എം.ഓ. ജോണ്‍ ഓര്‍മ്മദിനം ആചരിച്ചു 
