കനത്ത കാറ്റിലും മഴയിലും ഇരിങ്ങാലക്കുടയില്‍ വ്യാപകമായ നാശനഷ്ടം
മാപ്രാണം-നന്തിക്കര റൂട്ടില്‍ മാടായിക്കോണം ചാത്തന്‍മാസ്റ്റര്‍ സ്‌കൂളിനു മുന്നിലായി വര്‍ക്കുഷാപ്പിനോട് ചേര്‍ന്ന് നിന്നിരുന്ന വലിയ പാഴ്മരം കടപുഴകി മാപ്രാണം സ്വദേശി കൂത്തുപാലയ്ക്കല്‍ സുഭാഷിന്റെ സ്‌കോര്‍പ്പിയോ കാറിനു മുകളിലേക്ക് വീണത്് ക്രെയിന്‍ ഉപയോഗിച്ച് നീക്കം ചെയ്യുന്നു.
ഇരിങ്ങാലക്കുട: കനത്തമഴയിലും കാറ്റിലും ഇരിങ്ങാലക്കുട മേഖലയില്‍ വ്യാപകമായ നാശനഷ്ടം. ഇന്നലെ ഉച്ചയോടെ ഉണ്ടായ കനത്ത മഴയിലും ശക്തമായ കാറ്റിലുമാണ് നാശനഷ്ടങ്ങള്‍ സംഭവിച്ചത്. മാപ്രാണം നന്തിക്കര റൂട്ടില്‍ മാടായിക്കോണം ചാത്തന്‍മാസ്റ്റര്‍ സ്‌കൂളിനു മുന്നിലായി വര്‍ക്കുഷാപ്പിനോട് ചേര്‍ന്ന് നിന്നിരുന്ന വലിയ പാഴ്മരം കടപുഴകി റോഡിലേക്ക് വീണു. വര്‍ക്ക് ഷാപ്പിലേക്ക് കൊണ്ടു വന്നിരുന്ന മാപ്രാണം സ്വദേശി കൂത്തുപാലയ്ക്കല്‍ സുഭാഷിന്റെ സ്‌കോര്‍പ്പിയോ കാറിനു മുകളിലേക്കാണ് മരം വീണത്. പോലീസും ഫയര്‍ഫോഴ്‌സും സ്ഥലത്തെത്തി. മരം മുറിച്ചു നീക്കുന്നതു വരെ ഗതാഗതം തടസപ്പെടുകയും ചെയ്തു. ഗാന്ധിഗ്രാം എന്‍.എസ്.എസ്. കരയോഗത്തിനു സമീപവും റോഡിലേക്ക് മരം വീണു. കാട്ടൂര്‍ ദുബായ് മൂലയ്ക്ക് സമീപം താമസിക്കുന്ന വടക്കുംമുറി വീട്ടില്‍ ജയന്റെ ഓടിട്ട വീടിന്റെ മുകളിലേക്ക് മരം വീണ് വീടിനു കേടുപാടുകള്‍ സംഭവിച്ചു. ആര്‍ക്കും അപകടം ഒന്നും സംഭവിച്ചില്ല.
About Author
കരൂപ്പടന്ന എന്‍എസ്എസ് വളണ്ടിയര്‍മാര്‍ പല്ലൊട്ടി സിനിമയുടെ അണിയറ പ്രവര്‍ത്തകരുമായി സംവദിച്ചു 
വാര്‍ഡ് വിഭജനം; കരട് വിജ്ഞാപനമായി; ഇരിങ്ങാലക്കുട നഗരസഭയില്‍ ഇനി 43 വാര്‍ഡുകള്‍ 
കരുതിയിരിക്കുക, ഓണ്‍ലൈന്‍ തട്ടിപ്പുകളില്‍ വീഴരുതേ……ആദ്യം ഫോണ്‍ വിളി, താങ്ങളുടെ പേരില്‍ ക്രൈം കേസുകളുണ്ടെന്നു മുന്നറിയിപ്പ് 
ടൗണ്‍ അമ്പ് ഫെസ്റ്റ് 2025 സ്വാഗത സംഘം ഓഫീസ് ഉദ്ഘാടനം ചെയ്തു 
പിടികിട്ടാപ്പുള്ളി 26 വര്‍ഷത്തിന് ശേഷം അറസ്റ്റില്‍ 
നവജാതശിശു സംരക്ഷണ വാരാചരണത്തിന് തുടക്കമായി 
