ക്രൈസ്റ്റ് കോളജ് മാനേജ്‌മെന്റ് സ്റ്റഡീസ് വിഭാഗം പുതിയ ക്യാമ്പസിലേക്ക്
ക്രൈസ്റ്റ് കോളജ് മാനേജ്‌മെന്റ് സ്റ്റഡീസ് വിഭാഗം പുതിയ ക്യാമ്പസില്‍ ഡിപ്പാര്‍ട്ട്‌മെന്റിന്റെ ആശീര്‍വാദകര്‍മ്മം ക്രൈസ്റ്റ് കോളജ് മാനേജര്‍ ഫാ. ജോയ് പീണിക്കപ്പറമ്പില്‍ നിര്വഹിക്കുന്നു.
ഇരിങ്ങാലക്കുട: ഇരിങ്ങാലക്കുട ക്രൈസ്റ്റ് കോളജിലെ പത്മഭൂഷന്‍ ഫാ. ഗബ്രിയേല്‍ മെമ്മോറിയല്‍ ഇന്‍ഡോര്‍ സ്റ്റേഡിയം ബ്ലോക്കില്‍ പുതുതായി നിര്‍മ്മിച്ച കെട്ടിടത്തില്‍ ഡിപ്പാര്‍ട്ട്‌മെന്റ് ഓഫ് മാനേജ്‌മെന്റ് സ്റ്റഡീസ് പ്രവര്‍ത്തനം ആരംഭിച്ചു. പുതിയ ക്യാമ്പസില്‍ ഡിപ്പാര്‍ട്ട്‌മെന്റിന്റെ ആശീര്‍വാദകര്‍മ്മം ക്രൈസ്റ്റ് കോളജ് മാനേജര്‍ ഫാ. ജോയ് പീണിക്കപ്പറമ്പില്‍ നിര്‍വഹിച്ചു. ബിബിഎ ക്ലാസുകള്‍ക്കായി പണിതീര്‍ത്ത പുതിയ ക്ലാസ് മുറികളുടെയും സെമിനാര്‍ ഹാളിന്റെയും ഉദ്ഘാടനവും തദവസരത്തില്‍ നടന്നു.
ആധുനിക ഡിജിറ്റല്‍ സംവിധാനങ്ങളോടുകൂടിയ ക്ലാസ് മുറികളും സെമിനാര്‍ ഹാളുമാണ് എഐസിടി അംഗീകാരമുള്ള നാല് വര്‍ഷ ബിബിഎ ബിരുദ വിദ്യാര്‍ഥികള്‍ക്കായി സജ്ജമാക്കിയിരിക്കുന്നത്. മാര്‍ക്കറ്റിംഗ്, ഫിനാന്‍സ് എന്നീ രണ്ട് സ്‌പെഷ്യലൈസേഷനുകളിലായി മുന്നൂറിലധികം വിദ്യാര്‍ഥികള്‍ക്കാണ് പുതിയ ബിബിഎ ക്യാമ്പസ് പ്രയോജനപ്പെടുക. ക്രൈസ്റ്റ് കോളജ് പ്രിന്‍സിപ്പല്‍ റവ.ഡോ. ജോളി ആന്‍ഡ്രൂസ് സിഎംഐ, മാനേജ്‌മെന്റ് സ്റ്റഡീസ് വിഭാഗം മേധാവി പ്രഫ. ബേബി ജോണ്‍, സെല്‍ഫ് ഫിനാന്‍സിംഗ് വിഭാഗം കോര്‍ഡിനേറ്റര്‍ ഡോ. വിവേകാനന്ദന്‍ എന്നിവര്‍ ചടങ്ങില്‍ പങ്കെടുത്തു.
About Author
കരുതിയിരിക്കുക, ഓണ്‍ലൈന്‍ തട്ടിപ്പുകളില്‍ വീഴരുതേ……ആദ്യം ഫോണ്‍ വിളി, താങ്ങളുടെ പേരില്‍ ക്രൈം കേസുകളുണ്ടെന്നു മുന്നറിയിപ്പ് 
ടൗണ്‍ അമ്പ് ഫെസ്റ്റ് 2025 സ്വാഗത സംഘം ഓഫീസ് ഉദ്ഘാടനം ചെയ്തു 
ടൂര്‍ണ്ണമെന്റില്‍ ജേതാക്കളായ കാരുമാത്ര ഗവ. യുപി സ്‌കൂള്‍ ഫുട്‌ബോള്‍ ടീമിനെ അനുമോദിച്ചു 
പിടികിട്ടാപ്പുള്ളി 26 വര്‍ഷത്തിന് ശേഷം അറസ്റ്റില്‍ 
നവജാതശിശു സംരക്ഷണ വാരാചരണത്തിന് തുടക്കമായി 
ക്രൈസ്റ്റ് ആശ്രമ ദേവാലയത്തില്‍ ക്രിസ്തുരാജന്റെ തിരുനാളിന് കൊടിയേറി 
