വിശ്വാസദീപ്തിയില് ഇരിങ്ങാലക്കുട പിണ്ടിപ്പെരുന്നാള്, വന് ഭക്തജന പ്രവാഹം തിരുസ്വരൂപം എഴുന്നള്ളിച്ച് വെക്കല് ഭക്തിസാന്ദ്രം
ഇരിങ്ങാലക്കുട സെന്റ് തോമസ് കത്തീഡ്രലിലെ പിണ്ടിപ്പെരുന്നാളിനോടനുബന്ധിച്ച് നടന്ന രൂപം എഴുന്നള്ളിച്ചുവക്കല് ചടങ്ങ്.
ഇരിങ്ങാലക്കുട: ചരിത്ര പ്രസിദ്ധമായ സെന്റ് തോമസ് കത്തീഡ്രലിലെ പിണ്ടിപ്പെരുന്നാളിന് വന് ഭക്തജന പ്രവാഹം. ഇന്നലെ ദിവ്യബലിക്കു ശേഷം വീടുകളിലേക്ക് അമ്പെഴുന്നള്ളിപ്പ് നടന്നു. വീടുകളുടെ മുന്വശം അലങ്കരിച്ച പിണ്ടികള്, കൊടിതോരണങ്ങള് കൊണ്ട് വര്ണാഭമാക്കിയിരുന്നു. പിണ്ടികളില് സ്ഥാപിച്ചിരുന്ന മണ്ചിരാതുകള് തെളിയിച്ചും ദീപാലങ്കാരങ്ങള് തെളിയിച്ചും പടക്കങ്ങള് പൊട്ടിച്ചും ഭക്തിയുടെ നിറവിലാണ് വിശുദ്ധന്റെ തിരുസ്വരൂപം ഭക്തര് വീടുകളിലേക്ക് ആനയിച്ചത്.
കത്തീഡ്രല് ദേവാലയത്തില് വൈകീട്ട് അഞ്ചിന് നടന്ന രൂപം എഴുന്നള്ളിച്ച് വെക്കലിന് ആയിരങ്ങള് പങ്കുകൊണ്ടു. രൂപം എഴുന്നള്ളിച്ചു വെക്കല്, നേര്ച്ച വെഞ്ചിരിപ്പ് എന്നിവ നടന്നു. ദിവ്യബലിക്കു ശേഷം ഭക്തജനങ്ങള്ക്ക് ദര്ശന പുണ്യം പകര്ന്നാണ് വിശുദ്ധരുടെ തിരുസ്വരൂപങ്ങള് പ്രദക്ഷിണമായി പള്ളിചുറ്റി നേര്ച്ച പന്തലില് പ്രതിഷ്ഠിച്ചത്. ഇന്നലെ അര്ധരാത്രിയോടെയാണ് വിവിധ അങ്ങാടികളില് നിന്നും അമ്പെഴുന്നള്ളിപ്പുകള് പള്ളിയില് എത്തിചേര്ന്നത്.
തുടര്ന്ന് സീയോന് ഹാളില് നടന്ന മതസൗഹാര്ദ്ദസമ്മേളനത്തില് ബിഷപ് മാര് പോളി കണ്ണൂക്കാടനോടൊപ്പം ഉന്നതവിദ്യാഭ്യാസ സാമൂഹ്യനീതി വകുപ്പ് മന്ത്രി ഡോ. ആര്. ബിന്ദു, ഇരിങ്ങാലക്കുട നഗരസഭ ചെയര്മാന് എം.പി. ജാക്സണ്, തൃശൂര് റൂറല് എസ്പി ബി. കൃഷ്ണകുമാര്, വിവിധ മതസാമുദായിക നേതാക്കള് എന്നിവര് പങ്കെടുത്തു.
തിരുന്നാളിന്റെ വിജയത്തിനായി കത്തീഡ്രല് വികാരി റവ. ഡോ. ലാസര്് കുറ്റിക്കാടന്, അസി. വികാരിമാരായ ഫാ. ഓസ്റ്റിന് പാറയ്ക്കല്, ഫാ. ബെല്ഫിന് കോപ്പുള്ളി, ഫാ. ആന്റണി നമ്പളം, ട്രസ്റ്റിമാരായ പി.ടി. ജോര്ജ്, സാബു ജോര്ജ്ജ് ചെറിയാടന്, തോമസ് തൊകലത്ത്, അഡ്വ.എം.എം. ഷാജന് മാണിക്കത്തുപറമ്പില്, തിരുനാള് ജനറല് കണ്വീനര് ഷാജു പന്തലിപ്പാടന്, ജോ. കണ്വീനര്മാരായ കെ.കെ. ഷാജു കണ്ടംകുളത്തി, സൈമണ് കുറ്റിക്കാടന്, തോമസ് കെ. ജോസ്, പബ്ലിസിറ്റി കണ്വീനര് ജോമി ചേറ്റുപുഴക്കാരന് എന്നിവരുടെ നേതൃത്വത്തില് വിപുലമായ കമ്മിറ്റിയാണ് പ്രവര്ത്തിക്കുന്നത്.
വാർത്തകൾ വേഗത്തിലറിയാൻ ഇരിങ്ങാലക്കുട ന്യൂസ് ഫോളോ ചെയ്യൂ…..
https://www.facebook.com/newsirinjalakuda
join our Whatsapp group
https://chat.whatsapp.com/DELcIHjzm7WHn9hFF9h1jB
join our Whatsapp Channel
https://whatsapp.com/channel/0029Var2S4l0Vyc9XcuAMh1V
whatsapp/call: 9496663558
About Author
ഇരിങ്ങാലക്കുട സെന്റ് തോമസ് കത്തീഡ്രലിലെ പിണ്ടിപ്പെരുന്നാളിനോടനുബന്ധിച്ച് നടന്ന മത സൗഹാര്ദസമ്മേളന ചടങ്ങില് ബിഷപ്പ് മാര് പോളി കണ്ണൂക്കാടന് പിണ്ടിയില് തിരി തെളിയിക്കുന്നു 
സൗഹാര്ദ സന്ദേശം നല്കി ഇരിങ്ങാലക്കുട സെന്റ് തോമസ് കത്തീഡ്രല് ദേവാലയത്തിലെ പിണ്ടിപ്പെരുന്നാള് പ്രദക്ഷിണം 
ഇരിങ്ങാലക്കുട പൂതംകുളം – ചന്തക്കുന്ന് റോഡ് നാലുവരിപ്പാത വികസനം 
തൃശൂര് ജില്ലാ പഞ്ചായത്ത് മുരിയാട് ഡിവിഷന്റെ നേതൃത്വത്തില് സഞ്ജീവനം: ആരോഗ്യസദസുകള്ക്ക് തുടക്കമായി 
ഇരിങ്ങാലക്കുടയിലെ ക്രൈസ്റ്റ് കോളേജില് കാവുകളെക്കുറിച്ചുള്ള ത്രിദിന ദേശീയ സെമിനാര് സംഘടിപ്പിച്ചു 
മൂര്ക്കനാട് സെന്റ് ആന്റണീസ് വാര്ഷിക ആഘോഷിച്ചു 