വിമലമാതാ ചര്‍ച്ച്, പരിശുദ്ധ വിമലമാതാവിന്റെയും വിശുദ്ധ സെബസ്ത്യാനോസിന്റെയും സംയുക്ത തിരുനാളിന് കൊടിയേറി
കുഴിക്കാട്ടുകോണം: വിമലമാതാ ചര്‍ച്ച് കുഴിക്കാട്ടുകോണം പരിശുദ്ധ വിമലമാതാവിന്റെയും വിശുദ്ധ സെബസ്ത്യാനോസിന്റെയും സംയുക്ത തിരുനാളിന് കൊടിയേറി. കൊടികയറ്റം ഫാ. കിരണ്‍ തട്ട്ള നിര്‍വഹിച്ചു. 12ന് രാവിലെ 7.45ന്റെ ദിവ്യബലിക്കു ശേഷം ലദീഞ്ഞ്, നൊവേന, രൂപം എഴുന്നള്ളിച്ച് വെക്കല്‍ എന്നിവ നടക്കും. തിരുകര്‍മങ്ങള്‍ക്ക് ഫാ. നെവിന്‍ ആട്ടോക്കാരന്‍ മുഖ്യകാര്‍മികത്വം വഹിക്കും. ഉച്ചത്തിരിഞ്ഞ് രണ്ടിന് വീടുകളിലേക്ക് അമ്പ് എഴുന്നള്ളിപ്പ്. രാത്രി 10.30ന് അമ്പേഴുന്നള്ളിപ്പുകള്‍ പള്ളിയില്‍ സമാപിക്കും. തിരുനാള്‍ ദിനമായ 13ന് നടക്കുന്ന ആഘോഷകരമായ ദിവ്യബലിക്ക് ഫാ. സാജന്‍ പുത്തൂര്‍ മുഖ്യകാര്‍മികത്വവും ഫാ. ആന്റണി പുതുകുളങ്ങര സഹകാര്‍മികത്വവും വഹിക്കുന്നു. ഫാ. ജിനോ മാളിയേക്കല്‍ തിരുനാള്‍ സന്ദേശം നല്‍കുന്നു. ഉച്ചത്തിരിഞ്ഞ് മൂന്ന് മണിയുടെ ദിവ്യബലിക്കു ശേഷം ആരംഭിക്കുന്ന തിരുനാള്‍ പ്രദക്ഷിണം രാത്രി ഏഴിന് പള്ളിയില്‍ സമാപിക്കും. മരിച്ചവരുടെ ഓര്‍മ്മദിനമായ 14ന് ഇടവകദിനാഘോഷം നടക്കും. തിരുനാളിന്റെ വിജയത്തിന് വികാരി ഫാ. സിനു അരിമ്പുപറമ്പില്‍, ട്രസ്റ്റിമാരായ ഹാരിഷ് കണ്ടംകുളത്തി, ജോയ് മാളിയേക്കല്‍, ജനറല്‍ കണ്‍വീനര്‍ വര്‍ഗീസ് മാളിയേക്കല്‍ എന്നിവരുടെ നേതൃത്വത്തില്‍ വിപുലമായ കമ്മിറ്റിയാണ് പ്രവര്‍ത്തിക്കുന്നത്.
About Author
ടൗണ്‍ അമ്പ് ഫെസ്റ്റ് 2025 സ്വാഗത സംഘം ഓഫീസ് ഉദ്ഘാടനം ചെയ്തു 
ക്രൈസ്റ്റ് ആശ്രമ ദേവാലയത്തില്‍ ക്രിസ്തുരാജന്റെ തിരുനാളിന് കൊടിയേറി 
മുനമ്പം ജനതയുടെ റവന്യൂ അവകാശങ്ങള്‍ പുന:സ്ഥാപിക്കും വരെ സമരം തുടരും സി.എല്‍.സി. 
ഇരിങ്ങാലക്കുട രൂപത കെസിവൈഎമ്മിന്റെ നേതൃത്വത്തില്‍ വനിത സംഗമം നടന്നു 
തുറവന്‍കുന്ന് സെന്റ് ജോസഫ് ഇടവക കത്തോലിക്ക കോണ്‍ഗ്രസിന്റെയും മാതൃ സംഘത്തിന്റെയും നേതൃത്വത്തില്‍ അമ്മക്കൊരു പൂചെണ്ട് 
മുനമ്പം തീരദേശവാസികളുടെ റവന്യു അവകാശങ്ങള്‍ പുനസ്ഥാപിക്കണം, മുഖ്യമന്ത്രിക്ക് ഒരു ലക്ഷം പേര്‍ ഒപ്പിട്ട ഭീമഹര്‍ജിയുമായി സിഎല്‍സി 
