കാര്‍ തടഞ്ഞു നിര്‍ത്തി കുടുംബത്തെ ആക്രമിച്ചു: ആറു പേര്‍ക്ക് പരിക്ക്, പരിക്കേറ്റവര്‍ ചികിത്സയില്‍
ഇരിങ്ങാലക്കുട: കാര്‍ തടഞ്ഞു നിര്‍ത്തി കുടുംബത്തെ ആക്രമിച്ച സംഭത്തില്‍ ആറു പേര്‍ക്ക് പരിക്ക്. പരിക്കേറ്റവര്‍ ആശുപത്രിയില്‍ ചികില്‍സയില്‍. ഇന്നലെ വൈകീട്ട് അഞ്ചരയോടെ മുരിയാട് കപ്പാറക്കടവ് പരിസരത്ത് വച്ചായിരുന്നു സംഭവം. പരിക്കേറ്റ മുരിയാട് പ്ലാത്തോട്ടത്തില്‍ വീട്ടില്‍ ഷാജി (56), മക്കളായ സാജന്‍ (26), ഷാരോണ്‍ (13), സാജന്റെ ഭാര്യ ആഷ്‌ലീന്‍ (21), ബന്ധുക്കളായ ഊട്ടി സ്വദേശികളായ മാറാട്ടുകളത്തില്‍ എഡ്‌വിന്‍ (19), അന്‍വിന്‍ (14) എന്നിവര്‍ക്കാണ് പരിക്കേറ്റത്. ഇവരെ ഇരിങ്ങാലക്കുട ജനറല്‍ ആശുപത്രിയില്‍ പ്രവേശിപ്പിച്ചു. സംഭവത്തെ കുറിച്ച് പരിക്കേറ്റ സാജന്‍ പറയുന്നത് ഇപ്രകാരമാണ്. മുരിയാടുള്ള സീയോണ്‍ ട്രസ്റ്റുമായുള്ള ബന്ധം ഉപേക്ഷിച്ച് പോന്ന തന്നെയും കുടുംബത്തെയും നിരന്തരം കള്ളകേസുകള്‍ നല്കി പീഡിപ്പിക്കുകയാണ്. കാറില്‍ വരികയായിരുന്ന തന്നെയും കുടുംബത്തെയും സ്ത്രീകള്‍ അടങ്ങുന്ന അമ്പതോളം പേര്‍ വരുന്ന സംഘം ക്രൂരമായി മര്‍ദ്ദിക്കുകയായിരുന്നു. ആക്രമണത്തില്‍ കാര്‍ പൂര്‍ണമായും തകര്‍ന്നു. തങ്ങള്‍ക്ക് നേരെ അക്രമണമുണ്ടാകുമെന്ന സൂചനയില്‍ നേരത്തെ ധ്യാന കേന്ദ്രത്തില്‍ നിന്ന് ഫോണ്‍ വന്നിരുന്നു. കാര്‍ തടത്തു നിര്‍ത്തി മരച്ചില്ലകളും കല്ലുകളുമായാണ് ആക്രമിക്കപ്പെട്ടത്. സംഭവമറിഞ്ഞ് ആളൂര്‍ പോലീസ് സ്ഥലത്തെത്തി മേല്‍ നടപടികള്‍ സ്വീകരിച്ചു. സംഭവവുമായി ബന്ധപ്പെട്ട് മുരിയാട് പുളിക്കക്കുന്നില്‍ ബിനു (40), മകള്‍ എഞ്ചല്‍, മുരിയാട് വഞ്ചിപ്പുരക്കല്‍ അലന (24) എന്നിവരും ആശുപത്രിയില്‍ ചികില്‍സയിലുണ്ട്.
About Author
കരൂപ്പടന്ന എന്‍എസ്എസ് വളണ്ടിയര്‍മാര്‍ പല്ലൊട്ടി സിനിമയുടെ അണിയറ പ്രവര്‍ത്തകരുമായി സംവദിച്ചു 
വാര്‍ഡ് വിഭജനം; കരട് വിജ്ഞാപനമായി; ഇരിങ്ങാലക്കുട നഗരസഭയില്‍ ഇനി 43 വാര്‍ഡുകള്‍ 
കരുതിയിരിക്കുക, ഓണ്‍ലൈന്‍ തട്ടിപ്പുകളില്‍ വീഴരുതേ……ആദ്യം ഫോണ്‍ വിളി, താങ്ങളുടെ പേരില്‍ ക്രൈം കേസുകളുണ്ടെന്നു മുന്നറിയിപ്പ് 
പിടികിട്ടാപ്പുള്ളി 26 വര്‍ഷത്തിന് ശേഷം അറസ്റ്റില്‍ 
മുനമ്പം ജനതയുടെ റവന്യൂ അവകാശങ്ങള്‍ പുന:സ്ഥാപിക്കും വരെ സമരം തുടരും സി.എല്‍.സി. 
മണ്ണിനടിയിലെ മൃതദേഹങ്ങള്‍ മണത്തറിയും; നായപരിശീലകര്‍ക്ക് പരിശീലനവുമായി കെ. നയന്‍ സ്‌ക്വാഡ് 
