അനന്ത്നാഗില് ജീവന് പൊലിഞ്ഞ ധീരപുത്രന്മാര്ക്ക് അമര്ജവാനില് ആദരമര്പ്പിച്ച് സെന്റ് ജോസഫ്സ് കോളജ്
![](https://irinjalakuda.news/wp-content/uploads/2023/09/sjc-AMARJAVN-ADHARAM.jpeg)
ഇരിങ്ങാലക്കുട: കാശ്മീരില് ആക്രമണം നടത്തിയ ഭീകരരെ തുരത്താനുള്ള ഓപ്പറേഷന് പുരോഗമിക്കുന്നതിനിടെ ഉണ്ടായ ഏറ്റുമുട്ടലില് ഭാരതത്തിന് നഷ്ടമായത് സൈനിക ഉദ്യോഗസ്ഥരായ കേണല് മന്പ്രീത് സിംഗ് (എല്), മേജര് ആശിഷ് ധോനാക്ക് (ആര്), മുതിര്ന്ന പോലീസ് ഉദ്യോഗസ്ഥനായ ഡിഎസ്പി ഹുമയൂണ് ഭട്ട് (സി) എന്നിവരെയാണ്. ഭീകരാക്രമണത്തില് വീരമൃത്യു വരിച്ച സൈനികരെയും പോലീസ് ഉദ്യോഗസ്ഥനെയും അനുസ്മരിക്കുന്നതിനായി ഇരിങ്ങാലക്കുട സെന്റ് ജോസഫ് കോളജിലെ എന്സിസി യൂണിറ്റിന്റെ നേതൃത്വത്തില് കലാലയത്തിലെ അമര് ജവാനില് പുഷ്പാര്ച്ചന നടത്തി. എന്സിസി മുന് കമാന്ഡിംഗ് ഓഫീസറായിരുന്ന കേണല് എച്ച് പത്മനാഭന്, പ്രിന്സിപ്പല് സിസ്റ്റര് ഡോ. ബ്ലെസി, അസോസിയേറ്റ് എന്സിസി ഓഫീസര് ക്യാപ്റ്റന് ലിറ്റി ചാക്കോ, എന്സിസി കേഡറ്റ്സ്, മറ്റു വിദ്യാര്ഥികളും പുഷ്പാര്ച്ചന നടത്തി.