കോള്‍പ്പാടങ്ങളില്‍ അമ്ലരസം ഉയര്‍ന്നത് പ്രതിസന്ധി താമരവളയംചിറ അടിയന്തരമായി കെട്ടണമെന്ന് കര്‍ഷകര്‍
കരുവന്നൂര്‍ താമരവളയംചിറ.
കരുവന്നൂര്‍: കരുവന്നൂര്‍പ്പുഴയിലെ താമരവളയംചിറ കെട്ടാത്തതിനാല്‍ കോള്‍പ്പാടത്ത് അമ്ലരസം ഉയര്‍ന്നത് ഒഴിവാക്കാനാകാതെ കര്‍ഷകര്‍. ചിറ കെട്ടാത്തതിനാല്‍ ഡാമുകളില്‍നിന്ന് വെള്ളം കിട്ടുന്നില്ലെന്നാണ് കര്‍ഷകരുടെ പരാതി. ഒന്നാം മേഖലയില്‍ കൃഷി ചെയ്ത പടവുകളിലാണ് അമ്ലരസം ഉയര്‍ന്നിട്ടുള്ളത്. കരുവന്നൂര്‍ പുഴയുമായി ബന്ധപ്പെട്ട 4000 ഏക്കര്‍ സ്ഥലത്തെ നെല്‍കൃഷി ഇതോടെ പ്രതിസന്ധിയിലാണ്. കൈപ്പിള്ളി അകമ്പാടത്തെ ചിലരുടെ നെല്‍ച്ചെടികളും നശിച്ചിട്ടുണ്ട്. വിളക്കും മാടം, അഞ്ചുമുറി, വാരിയംപടവ്, അന്തിക്കാട് പടവ്, കാഞ്ഞാംകോള്‍ എന്നിവിടങ്ങളില്‍ കൃഷിയിറക്കുന്നതിനായി നിലം ഉഴുതതോടെ അമ്ലരസമുള്ള വെള്ളമാണ്.
ഈ പാടങ്ങളില്‍ വിത്തിടാനായി വെള്ളം കെഎല്‍ഡിസി കനാലിലേക്ക് പമ്പിംഗ് നടത്തിയിട്ടുണ്ട്. കനാലില്‍നിന്ന് അമ്ലരസമുള്ള വെള്ളം മറ്റു പടവുകളിലേക്ക് കയറ്റാനാകാത്ത അവസ്ഥയാണ്. റെഗുലേറ്റര്‍ വഴി ഈ വെള്ളം കടലിലേക്ക് ഒഴുക്കിവിടണമെന്നാണ് കോള്‍പടവ് കമ്മിറ്റിക്കാര്‍ പറയുന്നത്. മഴ കുറഞ്ഞ സാഹചര്യത്തില്‍ ചിമ്മിനി ഡാമില്‍നിന്ന് വെള്ളം വിടേണ്ടതാണ്. എന്നാല്‍ വെള്ളം തടഞ്ഞുനിര്‍ത്തുന്നതിനുള്ള താമരവളയം ചിറ കെട്ടാത്തത് ദുരിതമായിട്ടുണ്ട്. ചിറ കെട്ടിയില്ലെങ്കില്‍ ചിമ്മിനിവെള്ളത്തില്‍ മുരിയാംതോട് പാടശേഖരങ്ങള്‍ മുങ്ങിയേക്കും.
ഓഗസ്റ്റ് 18-ന് ചേര്‍ന്ന ജില്ലാ കോള്‍ക്കര്‍ഷക അഡൈ്വസറി യോഗത്തില്‍ അടിയന്തരമായി താമരവളയംചിറ കെട്ടണമെന്നാവശ്യപ്പെട്ട് തീരുമാനമെടുത്തതാണ്. എന്നാല്‍, രണ്ടുമാസം ആകാറായിട്ടും ഇതിനു പരിഹാരമായില്ല. നിലവില്‍ താമരവളയംചിറ കെട്ടിയില്ലെങ്കില്‍ ജില്ലയിലെ തെക്കുപടിഞ്ഞാറ് കോള്‍മേഖലയില്‍ ഈ വര്‍ഷം കൃഷിക്ക് ചിമ്മിനി ഡാമില്‍നിന്ന് വെള്ളം കൊണ്ടുവരാന്‍ സാധിക്കാത്ത സ്ഥിതിയുണ്ടാകും. അടിയന്തരമായി യോഗം വിളിച്ച് തീരുമാനിക്കണമെന്ന് കോള്‍ ഉപദേശകസമിതി അംഗങ്ങളായ കെ.കെ. കൊച്ചുമുഹമ്മദ്, അഡ്വ. വി. സുരേഷ് കുമാര്‍ എന്നിവര്‍ ആവശ്യപ്പെട്ടു.
About Author
വര്‍ക്ക് ഷോപ്പില്‍ നിന്നും മൊബൈല്‍ ഫോണും, പണവും, എ.ടി.എം കാര്‍ഡും മോഷ്ടിച്ചു; ജാര്‍ഖണ്ഡ് സ്വദേശി അറസ്റ്റില്‍ 
കരാഞ്ചിറ സെന്റ് ജോര്‍ജ്‌സ് സിയുപി സ്‌കൂളിന് വിജയത്തിന്റെ പൊൻതിളക്കം 
റേഷന്‍ ഡീലേഴ്സ് അസോസിയേഷന്‍ കുടുംബസംഗമം 
കൂടല്‍മാണിക്യ ദേവസ്വത്തിന്റെ കീഴിലുള്ള ഇരിങ്ങാലക്കുട കൂടല്‍മാണിക്യ ക്ഷേത്രവസ്തുക്കള്‍ സുരക്ഷിതമാണോ എന്ന് പരിശോധിക്കണം- കേരള കോണ്‍ഗ്രസ് 
സെന്റ് ജോസഫ്‌സ് കോളജില്‍ ബ്രെസ്റ്റ് കാന്‍സര്‍ ബോധവല്‍ക്കരണ ക്ലാസ് നടത്തി 
എംഎസ്‌സി ഫോറന്‍സിക് ആന്‍ഡ് ക്രിമിനോളജി പരീക്ഷയില്‍ ഇരിങ്ങാലക്കുട സ്വദേശിനിക്ക് രണ്ടാം റാങ്ക് 
