കപ്പാറ ലിഫ്റ്റ് ഇറിഗേഷന്, കൃഷിഭവന് ഉപകേന്ദ്രം എന്നിവയുടെ നിര്മ്മാണ ഉദ്ഘാടനം നടന്നു
മുരിയാട് കപ്പാറ ലിഫ്റ്റ് ഇറിഗേഷന്റെയും പുതുതായി നിര്മ്മിക്കുന്ന കൃഷിഭവന് ഉപകേന്ദ്രത്തിന്റെയും നിര്മ്മാണ ഉദ്ഘാടനം ഉന്നത വിദ്യാഭ്യാസ സാമൂഹ്യ നിധി വകുപ്പ് മന്ത്രി ഡോ. ആര്. ബിന്ദു നിര്വഹിക്കുന്നു.
ഇരിങ്ങാലക്കുട: ഇരിങ്ങാലക്കുട എംഎല്എയും ഉന്നത വിദ്യാഭ്യാസ സാമൂഹ്യനീതി വകുപ്പ് മന്ത്രിയുമായ ഡോ. ആര്. ബിന്ദുവിന്റെ പ്രാദേശിക വികസന നിധിയില് നിന്നും അനുവദിച്ച തുക ഉപയോഗിച്ച് നവീകരിക്കുന്ന കപ്പാറ ലിഫ്റ്റ് ഇറിഗേഷന്റെയും പുതുതായി നിര്മ്മിക്കുന്ന കൃഷിഭവന് ഉപകേന്ദ്രത്തിന്റെയും നിര്മ്മാണ ഉദ്ഘാടനം ഉന്നത വിദ്യാഭ്യാസ സാമൂഹ്യ നിധി വകുപ്പ് മന്ത്രി ഡോ. ആര് ബിന്ദു നിര്വഹിച്ചു.
മുരിയാട് പഞ്ചായത്ത് പ്രസിഡന്റ് ജോസ് ജെ. ചിറ്റിലപ്പിള്ളി അധ്യക്ഷത വഹിച്ചു. കപ്പാറ ലിഫ്റ്റ് ഇറിഗേഷന്റെ നവീകരണത്തിന് അഞ്ച് ലക്ഷം രൂപയും പുല്ലൂരില് പൊഴലിപറമ്പില് പൈലപ്പന് ഡേവിസ് സൗജന്യമായി നല്കിയ ഭൂമിയില് കൃഷിഭവന്റെ ഉപകേന്ദ്രവും പ്ലാന് ഹെല്ത്ത് ക്ലിനിക്കും നിര്മ്മിക്കുന്നതിന് 10 ലക്ഷം രൂപയുമാണ് എംഎല്എ ഫണ്ടില് നിന്നും അനുവദിച്ചിട്ടുള്ളത്.
ജില്ലാ പഞ്ചായത്ത് വൈസ് പ്രസിഡന്റ് ലതാ ചന്ദ്രന് ചടങ്ങില് മുഖ്യാതിഥിയായിരുന്നു. കപ്പാറ ലിഫ്റ്റ് ഇറിഗേഷന് ഭാരവാഹികള് എ.എം. തിലകന്റെ നേതൃത്വത്തില് ബിന്ദു ടീച്ചറെ ആദരിച്ചു. പഞ്ചായത്ത് വൈസ് പ്രസിഡന്റ് രതി ഗോപി ആരോഗ്യ വിദ്യാഭ്യാസ സ്റ്റാന്ഡിംഗ് കമ്മിറ്റി ചെയര്മാന് കെ.യു. വിജയന് പഞ്ചായത്ത് സെക്രട്ടറി എം. ശാലിനി പഞ്ചായത്ത് അംഗങ്ങളായ ശ്രീജിത്ത് പട്ടത്ത് എ.എസ്. സുനില്കുമാര്, നിജി വത്സന്, നിഖിതാ അനൂപ്, മണി സജയന് റോസ്മി ജയേഷ് മനീഷാ മനീഷ് തുടങ്ങിയവര് ചടങ്ങില് പങ്കെടുത്തു.
About Author
ഒമ്പത് വയസുകാരിക്കെതിരെ ലൈംഗീകാതിക്രമം, പ്രതിക്ക് 34 വര്ഷം കഠിന തടവ് 
യുവാവിനെ ആക്രമിച്ച് പരിക്കേല്പ്പിച്ച കേസിലെ പ്രതി അറസ്റ്റില് 
അയല്വാസിയെ ഇരുമ്പ് പൈപ്പുകൊണ്ട് തലയ്ക്കടിച്ച് പരിക്കേല്പ്പിച്ച കേസിലെ പ്രതി അറസ്റ്റില് 
ക്രൈസ്റ്റ് കോളജില് വെന്റോറ 2026 ഫെസ്റ്റ് സംഘടിപ്പിച്ചു 
തോക്ക് ചൂണ്ടി ഭീഷണി; സ്റ്റേഷന് റൗഡി അറസ്റ്റില് 
വിഭിന്ന ശേഷിയുള്ളവര്ക്കും അനാഥര്ക്കും കരുതലായി സ്നേഹക്കൂട് പദ്ധതി ആരംഭിച്ചു 
