കളക്ടേഴ്‌സ് അറ്റ് സ്‌കൂള്‍ പദ്ധതിയും, ഇടാന്‍ ഒരു ഇടം ശുചിത്വ സെമിനാറും
മുരിയാട് ഗ്രാമപഞ്ചായത്തിലെ മുഴുവന്‍ സര്‍ക്കാര്‍, എയ്ഡഡ് വിദ്യലയങ്ങളിലേക്കും മാലിന്യ ശേഖരണത്തിന്റെ ഭാഗമായി കളക്ടേഴ്‌സ് അറ്റ് സ്‌കൂള്‍ പദ്ധതി നടപ്പിലാക്കുന്നതിന്റെ ഭാഗമായി തുവന്‍കാട് ഊക്കന്‍ മെമ്മോറിയല്‍ സ്‌കൂളില്‍ മാലിന്യ ശേഖരണത്തിനുള്ള കൂടുകള് സ്ഥാപിക്കുന്നു.
മുരിയാട്: മുരിയാട് ഗ്രാമപഞ്ചായത്തിലെ മുഴുവന്‍ സര്‍ക്കാര്‍, എയ്ഡഡ് വിദ്യാലയങ്ങളിലേക്കും മാലിന്യ ശേഖരണത്തിന്റെ ഭാഗമായി കളക്ടേഴ്‌സ് അറ്റ് സ്‌കൂള്‍ പദ്ധതി നടപ്പിലാക്കി. എല്ലാ വിദ്യാലയങ്ങളിലും പ്ലാസ്റ്റിക്കും പേപ്പറുകളും വേര്‍തിരിച്ച് ശേഖരിക്കുന്നതിന് വേണ്ടിയുള്ള സംവിധാനമായാണ് സ്‌കൂളുകളിലേക്ക് കളക്ടേഴ്‌സ് അറ്റ് സ്‌കൂള്‍ പദ്ധതി നടപ്പിലാക്കിയിരിക്കുന്നത്. കൂടാതെ ഇടാന്‍ ഒരു ഇടം എന്ന പേരില്‍ പഞ്ചായത്തിന്റെ 20 കേന്ദ്രങ്ങളില്‍ സംഘടിപ്പിക്കുന്ന ശുചിത്വ സെമിനാറുകള്‍ക്ക് സ്‌കൂളുകളില്‍ തുടക്കം കുറിച്ചു. സ്‌കൂള്‍ പാര്‍ലമെന്റില്‍ ഉയര്‍ന്നു വന്ന കുട്ടികളുടെ ആവശ്യങ്ങളില്‍ ഒന്നായിരുന്നു മാലിന്യ ശേഖരണവും ശുചിത്വ സെമിനാറും എന്ന ആശയം. ആനന്ദപുരം ശ്രീകൃഷ്ണ ഹയര്‍ സെക്കന്‍ഡറി സ്‌കൂളില്‍ ചേര്‍ന്ന ചടങ്ങില്‍ വെച്ച് പഞ്ചായത്ത് തല ഉദ്ഘാടനം പഞ്ചായത്ത് പ്രസിഡന്റ് ജോസ് ജെ. ചിറ്റിലപ്പിള്ളി നിര്‍വഹിച്ചു. പഞ്ചായത്തംഗം നിജി വത്സന്‍ അധ്യക്ഷത വഹിച്ചു. പ്രധാനാധ്യാപകന്‍ അനില്‍ കുമാര്‍ പങ്കെടുത്തു. മുരിയാട് എയുപിഎസ് സ്‌കൂളില്‍ വൈസ് പ്രസിഡന്റ് രതി ഗോപി ഉദ്ഘാടനം ചെയ്തു. ആരോഗ്യ വിദ്യഭ്യാസ സ്റ്റേറ്റിംഗ് കമ്മിറ്റി ചെയര്‍മാന്‍ കെ.യു. വിജയന്‍ അധ്യക്ഷത വഹിച്ചു. പ്രധാനാധ്യാപിക സുബി ടീച്ചര്‍ പങ്കെടുത്തു. ആനന്ദപുരം ഗവ. യുപി സ്‌കൂളില്‍ ക്ഷേമകാര്യ സമിതി ചെയര്‍മാന്‍ സരിത സുരേഷ് ഉദ്ഘാടനം ചെയ്തു. പിടിഎ പ്രസിഡന്റും പഞ്ചായത്തംഗം കൂടിയായ എ.എസ്. സുനില്‍ കുമാര്‍ അധ്യക്ഷത വഹിച്ചു. പ്രധാനാധ്യാപിക എന്‍.പി. ബീന പിടിഎ പ്രസിഡന്റ് ഷീബ തുടങ്ങിയവര്‍ സംസാരിച്ചു. പുല്ലൂര്‍ എസ്എന്‍ബിഎസ് എല്‍പി സ്‌കൂളില്‍ വെച്ച് നടന്ന ചടങ്ങ് വികസന കാര്യസമിതി ചെയര്‍പേഴ്‌സണ്‍ കെ.പി. പ്രശാന്ത് ഉദ്ഘാടനം ചെയ്തു. വാര്‍ഡ് അംഗം നിഖിത അനൂപ് അധ്യക്ഷത വഹിച്ചു. പ്രധാനാധ്യാപിക മിനി സംസാരിച്ചു. തുവന്‍കാട് ഊക്കന്‍ മെമ്മോറിയല്‍ സ്‌കൂളില്‍ വെച്ച് നടന്ന ചടങ്ങ് ആരോഗ്യ വിദ്യാഭ്യാസ സ്റ്റേറിംഗ് കമ്മിറ്റി ചെയര്‍മാന്‍ കെ.യു. വിജയന്‍ ഉദ്ഘാടനം ചെയ്തു. വാര്‍ഡ് അംഗം റോസ്മി ജയേഷ് അധ്യക്ഷത വഹിച്ചു. പ്രധാനാധ്യാപിക സിസ്റ്റര്‍ ജര്‍മിയ സംസാരിച്ചു. കോഴിക്കോട് നിവ് ഹരിതസഹായസംഘത്തിന്റെ നേതൃത്വത്തില്‍ ഇടാന്‍ ഒരിടം ശുചിത്വ സെമിനാറും നടന്നു.
About Author
കരൂപ്പടന്ന എന്‍എസ്എസ് വളണ്ടിയര്‍മാര്‍ പല്ലൊട്ടി സിനിമയുടെ അണിയറ പ്രവര്‍ത്തകരുമായി സംവദിച്ചു 
സെന്റ് ജോസഫ്‌സ് കോളജിലെ സുവോളജി വിഭാഗം ശില്‍പ്പശാല സംഘടിപ്പിച്ചു 
വാര്‍ഡ് വിഭജനം; കരട് വിജ്ഞാപനമായി; ഇരിങ്ങാലക്കുട നഗരസഭയില്‍ ഇനി 43 വാര്‍ഡുകള്‍ 
കരുതിയിരിക്കുക, ഓണ്‍ലൈന്‍ തട്ടിപ്പുകളില്‍ വീഴരുതേ……ആദ്യം ഫോണ്‍ വിളി, താങ്ങളുടെ പേരില്‍ ക്രൈം കേസുകളുണ്ടെന്നു മുന്നറിയിപ്പ് 
ടൗണ്‍ അമ്പ് ഫെസ്റ്റ് 2025 സ്വാഗത സംഘം ഓഫീസ് ഉദ്ഘാടനം ചെയ്തു 
കേരള വ്യാപാരി വ്യവസായി ഏകോപനസമിതി എം.ഓ. ജോണ്‍ ഓര്‍മ്മദിനം ആചരിച്ചു 
