തൃശൂര്‍ കുടുംബശ്രീ ജില്ലാ മിഷന്റെ ആഭിമുഖ്യത്തില്‍ തൊഴില്‍മേള കരിയര്‍ എക്‌സ്‌പോ 2കെ24 സംഘടിപ്പിച്ചു
തൃശൂര്‍ കുടുംബശ്രീ ജില്ലാ മിഷന്റെ ആഭിമുഖ്യത്തില്‍ സംഘടിപ്പിച്ച തൊഴില്‍മേള കരിയര്‍ എക്‌സ്‌പോ ഇരിങ്ങാലക്കുട നഗരസഭ വൈസ് ചെയര്‍മാന്‍ ടി.വി. ചാര്‍ലി ഉദ്ഘാടനം ചെയ്യുന്നു.
ഇരിങ്ങാലക്കുട: തൃശൂര്‍ കുടുംബശ്രീ ജില്ലാ മിഷന്റെ ആഭിമുഖ്യത്തില്‍ യുവജനങ്ങള്‍ക്ക് തൊഴിലവസരം ഉറപ്പാക്കുക എന്ന ലക്ഷ്യത്തോടെ ഇരിങ്ങാലക്കുട, ചാലക്കുടി, കൊടകര, മാള, മതിലകം, ചേര്‍പ്പ്, വെള്ളാങ്കല്ലൂര്‍ ബ്ലോക്കുകള്‍ സംയുക്തമായി തൊഴില്‍മേള കരിയര്‍ എക്‌സ്‌പോ 2കെ24 സംഘടിപ്പിച്ചു. ആയിരത്തോളം ഒഴിവുകളില്‍ കേരളത്തില്‍ നിന്നുള്ള 25 കമ്പനികള്‍ പങ്കെടുത്തു. 686 ഉദ്യോഗാര്‍ഥികളില്‍ നിന്നും 262 പേര്‍ ചുരുക്കപ്പട്ടികയില്‍ ഇടം നേടി. കൂടാതെ ഡിഡിയുജികെവൈ പദ്ധതിയിലൂടെ 18നും 35 നും ഇടയിലുള്ള യുവതി യുവാക്കള്‍ക്ക് നൈപുണ്യ പരിശീലനം ലഭിക്കുന്നതിനുള്ള അവസരവും ഐഇസി ക്യാമ്പയിനും ഒരുക്കിയിരുന്നു. തൊഴില്‍മേള ഇരിങ്ങാലക്കുട നഗരസഭ വൈസ് ചെയര്‍മാന്‍ ടി.വി. ചാര്‍ലി ഉദ്ഘാടനം ചെയ്തു. കുടുംബശ്രീ അസിസ്റ്റന്റ് കോഡിനേറ്റര്‍ കെ.കെ. പ്രസാദിന്റെ അധ്യക്ഷതയില്‍ ജില്ലാ പ്രോഗ്രാം മാനേജര്‍ എ.കെ. വിനീത സ്വാഗതം അര്‍പ്പിച്ചു. നഗരസഭ ക്ഷേമകാര്യ ചെയര്‍മാന്‍ സി.സി. ഷിബിന്‍ കുടുംബശ്രീ ചെയര്‍പേഴ്‌സണ്‍മാരായ പുഷ്പാവതി, ശൈലജ ബാലന്‍, സുനിതാ രവി എന്നിവര്‍ ആശംസകള്‍ അറിയിച്ചു. കുടുംബശ്രീ ജില്ലാ പ്രോഗ്രാം മാനേജര്‍ സിത്താര കൃതജ്ഞത രേഖപ്പെടുത്തി. ജില്ലാ പ്രോഗ്രാം മാനേജര്‍മാര്‍, ഏഴു ബ്ലോക്കിലെയും ബ്ലോക്ക് കോ ഓഡിനേറ്റര്‍മാര്‍, കമ്യൂണിറ്റി വളണ്ടിയേഴ്‌സ് തുടങ്ങിയവര്‍ ചടങ്ങില്‍ പങ്കെടുത്തു.
About Author
കരൂപ്പടന്ന എന്‍എസ്എസ് വളണ്ടിയര്‍മാര്‍ പല്ലൊട്ടി സിനിമയുടെ അണിയറ പ്രവര്‍ത്തകരുമായി സംവദിച്ചു 
വാര്‍ഡ് വിഭജനം; കരട് വിജ്ഞാപനമായി; ഇരിങ്ങാലക്കുട നഗരസഭയില്‍ ഇനി 43 വാര്‍ഡുകള്‍ 
കരുതിയിരിക്കുക, ഓണ്‍ലൈന്‍ തട്ടിപ്പുകളില്‍ വീഴരുതേ……ആദ്യം ഫോണ്‍ വിളി, താങ്ങളുടെ പേരില്‍ ക്രൈം കേസുകളുണ്ടെന്നു മുന്നറിയിപ്പ് 
ടൗണ്‍ അമ്പ് ഫെസ്റ്റ് 2025 സ്വാഗത സംഘം ഓഫീസ് ഉദ്ഘാടനം ചെയ്തു 
നഗരസഭയുടെ ഭരണപരാജയം; ആം ആദ്മി പാര്‍ട്ടി പന്തംകൊളുത്തി പ്രകടനം നടത്തി 
പിടികിട്ടാപ്പുള്ളി 26 വര്‍ഷത്തിന് ശേഷം അറസ്റ്റില്‍ 
