പ്രചരണം കൊഴുക്കുന്നു; മീനചൂടേറിയിട്ടും ചുറു ചുറുക്കോടെ…ആവേശത്തേരില്‍ സ്ഥാനാര്‍ഥികള്‍
ആവേശ കടല്‍ തീര്‍ത്ത് കെ. മുരളീധരന്റെ ഇരിങ്ങാലക്കുട ബ്ലോക്ക് തല പര്യടനം
ഇരിങ്ങാലക്കുട: ആവേശത്തിരയിളക്കിയായിരുന്നു യുഡിഎഫ് സ്ഥാനാര്‍ഥി കെ. മുരളീധരന്റെ പര്യടനം. ആളൂര്‍ മണ്ഡലത്തിലെ വല്ലക്കുന്ന് ടൗണില്‍ നിന്നും ആരംഭിച്ച പര്യടനം മുന്‍ എംഎല്‍എ തോമസ് ഉണ്ണിയാടാന്‍ ഉദ്ഘാടനം ചെയ്തു. പരിപാടിയില്‍ സ്ത്രീകളും കുട്ടികളും അടക്കം ഒട്ടേറെ പേര്‍ പങ്കെടുത്തു. തൊഴിലില്ലായ്മയും വിലക്കയറ്റവും രൂക്ഷമായ നാട്ടില്‍ ജനങ്ങളെ ഭിന്നിപ്പിക്കാന്‍ നോക്കുന്ന പ്രധാനമന്ത്രിക്കെതിരെയും ജനക്ഷേമ പ്രവര്‍ത്തനങ്ങള്‍ എല്ലാം മാറ്റിവച്ച് ധൂര്‍ത്ത് മാത്രം മുഖമുദ്രയാക്കിയ സംസ്ഥാന ഭരണകൂടത്തിനെതിരെയും ശക്തമായ ജനവികാരം ഉണ്ടെന്നും ഇത് വോട്ടെടുപ്പില്‍ പ്രതിഫലിക്കുമെന്നും മുരളീധരന്‍ പറഞ്ഞു. മുരിയാട്, പൊറത്തിശേരി, ഇരിങ്ങാലക്കുട മേഖലകളിലാണ് പര്യടനം നടത്തിയത്.
ജനഹൃദയങ്ങള്‍ കീഴടക്കി വി.എസ്. സുനില്‍കുമാറിന്റെ പര്യടനം
ഇരിങ്ങാലക്കുട: ജനഹൃദയങ്ങള്‍ കീഴടക്കിയായിരുന്നു എല്‍ഡിഎഫ് സ്ഥാനാര്‍ഥി വി.എസ്. സുനില്‍കുമാറിന്റെ ഇരിങ്ങാലക്കുട മണ്ഡലത്തിലെ രണ്ടാം ഘട്ട പര്യടനം.
കുഞ്ഞുങ്ങള്‍ മുതല്‍ വയോജനങ്ങള്‍ വരെ നൂറു കണക്കിന് ആളുകളാണ് മീനച്ചൂടിനെ വകവയ്ക്കാതെ വിവിധ സ്വീകരണ കേന്ദ്രങ്ങളില്‍ വാദ്യമേളങ്ങളും നെല്‍ക്കതിരും പൂച്ചെണ്ടും കരകൗശല വസ്തുക്കളും പഴവര്‍ഗങ്ങളും പച്ചക്കറികളുമായി കാത്തു നിന്നത്. രാവിലെ വേളൂക്കര പഞ്ചായത്തിലെ തൊമ്മാന സെന്റ്റില്‍ നിന്നും ആരംഭിച്ച പര്യടനം ഉന്നത വിദ്യാഭ്യാസ വകുപ്പ് മന്ത്രി ഡോ. ആര്‍. ബിന്ദു ഉദ്ഘാടനം ചെയ്തു. 43 ഓളം കേന്ദ്രങ്ങളിലാണ് പര്യടനത്തിന് സ്വീകരണം നല്‍കിയത്. സിപിഐ ജില്ലാ എക്‌സിക്യൂട്ടീവ് അംഗങ്ങളായ ടി.കെ. സുധീഷ്, കെ.എസ്. ജയ, എല്‍ഡിഎഫ് മണ്ഡലം കണ്‍വീനര്‍ ഉല്ലാസ് കളക്കാട്ട്, മണ്ഡലം തെരഞ്ഞെടുപ്പ് കമ്മിറ്റി സെക്രട്ടറി പി. മണി, ഇടതുപക്ഷ നേതാക്കളായ കെ. ശ്രീകുമാര്‍, എന്‍.കെ. ഉദയപ്രകാശ്, കെ.ആര്‍. വിജയ, അനിതാ രാധാകൃഷ്ണന്‍, വി.എ. മനോജ്കുമാര്‍, ടി.കെ. വര്‍ഗീസ്, രാജു പാലത്തിങ്കല്‍ തുടങ്ങിയവര്‍ സ്ഥാനാര്‍ഥിയോടൊപ്പം ഉണ്ടായിരുന്നു. വിവിധ കേന്ദ്രങ്ങളില്‍ ഇ.ആര്‍. ജോഷി, മാത്യൂ വര്‍ഗീസ്, ഷിഹാബ്, ആര്‍.എല്‍. ശ്രീലാല്‍, ടി.ജി. ശങ്കരനാരായണന്‍, സി.ഡി. സിജിത്ത് എന്നിവര്‍ സംസാരിച്ചു.
കുടുംബയോഗങ്ങളില്‍ സജീവ സാന്നിധ്യമായി സുരേഷ് ഗോപി
ഇരിങ്ങാക്കുട: കുടുംബയോഗങ്ങളില്‍ സജീവ സാന്നിധ്യമായി സുരേഷ് ഗോപിയുടെ പര്യടനം. പടിയൂര്‍ ചെട്ടിയാല്‍, കാറളം വെള്ളാനി, പൊറത്തിശേരി തലയിണക്കുന്ന് മൂര്‍ക്കനാട് കുടുംബയോഗങ്ങളില്‍ സുരേഷ് ഗോപി പങ്കെടുത്തു. വന്‍ ജനാവലിയാണ് ഓരോ കുടുംബയോഗങ്ങളിലും പങ്കെടുത്തത്. എല്ലാവരുടേയും ക്ഷേമത്തിനും കൃത്യമായ വികസന മുന്നേറ്റത്തിനുമായി പൊതുജനങ്ങളോട് അദ്ദേഹം വോട്ട് അഭ്യര്‍ഥിച്ചു. എന്‍ഡിഎ നിയോജക മണ്ഡലം ചെയര്‍മാന്‍ കൃപേഷ് ചെമ്മണ്ട, എന്‍ഡിഎ നേതാക്കളായ ഷൈജു കുറ്റിക്കാട്ട്, സണ്ണി കവലക്കാട്ട്, വി.സി. രമേഷ്, രാമചന്ദ്രന്‍ കോവില്‍ പറമ്പില്‍, ജോജന്‍ കൊല്ലാട്ടില്‍, ലിഷോണ്‍ ജോസ് കട്ട്‌ളാസ്, വാണികുമാര്‍ കോപ്പുള്ളിപ്പറമ്പില്‍, അജയന്‍ തറയില്‍, ടി.ഡി. സത്യദേവ്, രാജന്‍ കുഴുപ്പുള്ളി, സരിത വിനോദ്, സുചിത ഷിനോബ്, വിജയകുമാരി അനിലന്‍, മായ അജയന്‍, ലാമ്പി റാഫേല്‍ എന്നിവര്‍ വിവിധ കുടുംബയോഗങ്ങളില്‍ പങ്കടുത്തു.
About Author
കരൂപ്പടന്ന എന്‍എസ്എസ് വളണ്ടിയര്‍മാര്‍ പല്ലൊട്ടി സിനിമയുടെ അണിയറ പ്രവര്‍ത്തകരുമായി സംവദിച്ചു 
വാര്‍ഡ് വിഭജനം; കരട് വിജ്ഞാപനമായി; ഇരിങ്ങാലക്കുട നഗരസഭയില്‍ ഇനി 43 വാര്‍ഡുകള്‍ 
കരുതിയിരിക്കുക, ഓണ്‍ലൈന്‍ തട്ടിപ്പുകളില്‍ വീഴരുതേ……ആദ്യം ഫോണ്‍ വിളി, താങ്ങളുടെ പേരില്‍ ക്രൈം കേസുകളുണ്ടെന്നു മുന്നറിയിപ്പ് 
നഗരസഭയുടെ ഭരണപരാജയം; ആം ആദ്മി പാര്‍ട്ടി പന്തംകൊളുത്തി പ്രകടനം നടത്തി 
മുനമ്പം ജനതയുടെ റവന്യൂ അവകാശങ്ങള്‍ പുന:സ്ഥാപിക്കും വരെ സമരം തുടരും സി.എല്‍.സി. 
മണ്ണിനടിയിലെ മൃതദേഹങ്ങള്‍ മണത്തറിയും; നായപരിശീലകര്‍ക്ക് പരിശീലനവുമായി കെ. നയന്‍ സ്‌ക്വാഡ് 
