എന്‍ഡിഎ സ്ഥാനാര്‍ഥി സുരേഷ് ഗോപിയുടെ വിജയത്തില്‍ ഇരിങ്ങാലക്കുട ടൗണില്‍ ആഹ്ലാദപ്രകടനം നടത്തി
എന്‍ഡിഎ സ്ഥാനാര്‍ഥി സുരേഷ് ഗോപിയുടെ വിജയത്തില്‍ ഇരിങ്ങാലക്കുട ടൗണില്‍ നടന്ന ആഹ്ലാദപ്രകടനം.
ഇരിങ്ങാലക്കുട: എന്‍ഡിഎ സ്ഥാനാര്‍ഥി സുരേഷ് ഗോപിയുടെ വിജയത്തില്‍ ഇരിങ്ങാലക്കുട ടൗണില്‍ ആഹ്ലാദപ്രകടനം നടത്തി. ലോക്‌സഭാ തെരഞ്ഞെടുപ്പില്‍ ഇരിങ്ങാലക്കുട മണ്ഡലത്തിലും കരുത്തറിയിച്ച് എന്‍ഡിഎ. ചരിത്രം രചിച്ചുകൊണ്ട് 13016 വോട്ടുകളുടെ ഭൂരിപക്ഷമാണ് ഇരിങ്ങാലക്കുട മണ്ഡലത്തില്‍ നിന്നും നേടിയിരിക്കുന്നത്. എന്‍ഡിഎ സ്ഥാനാര്‍ഥി സുരേഷ് ഗോപി ഇരിങ്ങാലക്കുട മണ്ഡലത്തില്‍ 59515 വോട്ടാണ് നേടിയിരിക്കുന്നത്. രണ്ടാം സ്ഥാനത്തുള്ള യുഡിഎഫ് സ്ഥാനാര്‍ഥി കെ. മുരളീധരന്‍ 46499 വോട്ടും എല്‍ഡിഎഫ് സ്ഥാനാര്‍ഥി വി.എസ്. സുനില്‍കുമാര്‍ 45022 വോട്ടുമാണ് നേടിയിരിക്കുന്നത്.
2019 ലെ ലോക്‌സഭാ തെരഞ്ഞെടുപ്പില്‍ യുഡിഎഫ് ഇരിങ്ങാലക്കുട മണ്ഡലത്തില്‍ നേടിയത് 11390 വോട്ടിന്റെയും 2014 ല്‍ എല്‍ഡിഎഫ് നേടിയത് 5001 വോട്ടിന്റെയും ഭൂരിപക്ഷമാണ്. 2014 ല്‍ എന്‍ഡിഎ ഇരിങ്ങാലക്കുട മണ്ഡലത്തില്‍ നിന്നും 14048 വോട്ടും 2019 ല്‍ 42857 വോട്ടുമാണ് നേടിയിരുന്നത്. മണ്ഡലത്തിലെ രാഷ്ട്രീയസ്വാധീനം വര്‍ധിപ്പിച്ചുകൊണ്ട് 2024 ല്‍ 59515 വോട്ട് നേടി എന്‍ഡിഎയും മുഖ്യകക്ഷിയായ ബിജെപിയും ഒന്നാം സ്ഥാനത്ത് എത്തിക്കഴിഞ്ഞു. ഇരിങ്ങാലക്കുട മണ്ഡലത്തില്‍ ടൗണിലും ആളൂരും യുഡിഎഫ് ആണ് മുന്നില്‍. പൊറത്തിശേരി, കാട്ടൂര്‍, കാറളം, മുരിയാട്, പൂമംഗലം, പടിയൂര്‍ പഞ്ചായത്തുകളില്‍ എന്‍ഡിഎ ഒന്നാം സ്ഥാനത്തും ആളൂരില്‍ രണ്ടാം സ്ഥാനത്തും എത്തിയിട്ടുണ്ട്. ഇരിങ്ങാലക്കുട ടൗണില്‍ മുന്നൂറോളം വോട്ടുകള്‍ക്ക് മാത്രമാണ് യുഡിഎഫ് ലീഡ് ചെയ്യുന്നതെന്നാണ് സൂചന.
About Author
കരുതിയിരിക്കുക, ഓണ്‍ലൈന്‍ തട്ടിപ്പുകളില്‍ വീഴരുതേ……ആദ്യം ഫോണ്‍ വിളി, താങ്ങളുടെ പേരില്‍ ക്രൈം കേസുകളുണ്ടെന്നു മുന്നറിയിപ്പ് 
ടൗണ്‍ അമ്പ് ഫെസ്റ്റ് 2025 സ്വാഗത സംഘം ഓഫീസ് ഉദ്ഘാടനം ചെയ്തു 
നഗരസഭയുടെ ഭരണപരാജയം; ആം ആദ്മി പാര്‍ട്ടി പന്തംകൊളുത്തി പ്രകടനം നടത്തി 
പിടികിട്ടാപ്പുള്ളി 26 വര്‍ഷത്തിന് ശേഷം അറസ്റ്റില്‍ 
നവജാതശിശു സംരക്ഷണ വാരാചരണത്തിന് തുടക്കമായി 
ക്രൈസ്റ്റ് ആശ്രമ ദേവാലയത്തില്‍ ക്രിസ്തുരാജന്റെ തിരുനാളിന് കൊടിയേറി 
