ബാറില്‍ ആക്രമണം നടത്തിയത് ചോദ്യം ചെയ്തതിലുള്ള വൈരാഗ്യത്താല്‍ ബിയര്‍ കുപ്പി കൊണ്ട് ആക്രമിച്ച് പരിക്കേല്‍പ്പിച്ച കേസില്‍ സ്റ്റേഷന്‍ റൗഡിയും കൂട്ടാളികളും അറസ്റ്റില്‍

January 6, 2026

Social media

കാട്ടൂര്‍ : ബാറില്‍ ആക്രമണം നടത്തിയത് ചോദ്യം ചെയ്തതിലുള്ള വൈരാഗ്യത്താല്‍ ബിയര്‍ കുപ്പി കൊണ്ട് ആക്രമിച്ച് പരിക്കേല്‍പ്പിച്ച കേസില്‍ സ്റ്റേഷന്‍ റൗഡിയും കൂട്ടാളികളും അറസ്റ്റില്‍. താണിശ്ശേരി സ്വദേശി പാറപറമ്പില്‍ വീട്ടില്‍ കൃഷ്ണകുമാര്‍ (37), കാറളം വെള്ളാനി സ്വദേശി കുറുവത്ത് വീട്ടില്‍ ബബീഷ് (43), താണിശ്ശേരി സ്വദേശി കണ്ണുകാട്ടില്‍ വീട്ടില്‍ ജയേഷ് (35) എന്നിവരെയാണ് അറസ്റ്റ് ചെയ്തത്.

കഴിഞ്ഞ ദിവസം കാട്ടൂര്‍ അശോക ബാറില്‍ വെച്ച് പ്രതികള്‍ ഗ്ലാസുകള്‍ എറിഞ്ഞ് പൊട്ടിച്ചത് ചോദ്യം ചെയ്തതിലുളള വിരോധത്താല്‍ കാട്ടൂര്‍ എടത്തിരുത്തി സ്വദേശി മഞ്ഞനംകാട്ടില്‍ വീട്ടില്‍ ബിജുമോന്‍ (42) എന്നയാളെ തടഞ്ഞ് നിര്‍ത്തി അസഭ്യം പറഞ്ഞ് ബിയര്‍കുപ്പി കൊണ്ട് ആക്രമിച്ച് പരിക്കേല്‍പ്പിക്കുകയായിരുന്നു.

ബബീഷ് കാട്ടൂര്‍ പോലീസ് സ്റ്റേഷന്‍ പരിധിയില്‍ മൂന്ന് വധശ്രമക്കേസിലും സ്ത്രീയെ ക്രൂരതക്ക് വിധേയയാക്കിയ ഒരു കേസിലും, ലഹരിക്കടിമപ്പെട്ട് പൊതുജനങ്ങളെ ശല്യം ചെയ്ത മൂന്ന് കേസിലും, മനുഷ്യ ജീവന് അപകടം വരത്തക്കവിധം വാഹനമോടിച്ചതില്‍ ഒരാള്‍ക്ക് ഗുരുതര പരിക്കേല്‍ക്കാന്‍ ഇടയായ കേസിലും അടക്കം പതിമൂന്ന് ക്രമിനല്‍ക്കേസുകളിലെ പ്രതിയാണ്. കാട്ടൂര്‍ പോലീസ് സ്റ്റേഷന്‍ എസ് ഐ സബീഷ്, ജി എസ് ഐ സുധീര്‍, ജി എസ് സി പി ഒ സിജു, സി പി ഒ മാരായ ഫെബിന്‍, സുനില്‍ അനന്തരാജ് എന്നിവരാണ് പ്രതിയെ അറസ്റ്റ് ചെയ്ത അന്വേഷണ സംഘത്തില്‍ ഉണ്ടായിരുന്നത്.