സൗജന്യ ദന്ത പരിശോധന ക്യാമ്പ് കാറളം സര്വീസ് കോഓപ്പറേറ്റീവ് ബാങ്ക് അങ്കണത്തില് വച്ച് നടത്തി
കാറളം: ആര്ദ്രം സ്വാന്തന പരിപാലന കേന്ദ്രം കാറളം മേഖല കമ്മിറ്റി തൃശൂര് ഗവണ്മെന്റ് ദന്തല് കോളജിന്റെ സഹകരണത്തോടെ സൗജന്യ ദന്ത പരിശോധന ക്യാമ്പ് കാറളം സര്വീസ് കോഓപ്പറേറ്റീവ് ബാങ്ക് അങ്കണത്തില് വച്ച് നടത്തി. ഇരിങ്ങാലക്കുട ബ്ലോക്ക് പഞ്ചായത്ത് പ്രസിഡന്റ് ലളിതാ ബാലന് ക്യാമ്പ് ഉദ്ഘാടനം ചെയ്തു. മേഖല കണ്വീനര് കെ.കെ. ഷൈജു അധ്യക്ഷത വഹിച്ചു. ദന്തല് കോളജിലെ അസിസ്റ്റന്റ് പ്രഫസറും ഹെഡ് ഓഫ് ഡിപ്പാര്ട്ട്മെന്റും ആയിട്ടുള്ള ഡോ. വിവേകിന്റെ നേതൃത്വത്തില് പത്തോളം വരുന്ന ഡോക്ടര്മാരുടെയും ടെക്നീഷ്യന്മാരുടേയും സംഘം ക്യാമ്പിന് നേതൃത്വം നല്കി. ദന്ത സംരക്ഷണത്തെ സംബന്ധിച്ച് ഡോക്ടര് വിവേക് ക്ലാസ് എടുത്തു. ആശംസകള് അര്പ്പിച്ചുകൊണ്ട് ഏരിയ കോഡിനേറ്റര് പ്രദീപ് മേനോന്, മെഡിക്കല് ക്യാമ്പ് സബ് കമ്മിറ്റി കണ്വീനര് അജിത്ത് കുമാര്, കാറളം പഞ്ചായത്ത് മെമ്പര് സുനില് മാലാന്ത്ര, ആര്ദ്രം സ്വാന്തന പരിപാലന കേന്ദ്രം പ്രസിഡന്റ് ഉല്ലാസ് കളക്കാട്ട്, സെക്രട്ടറി ടി.എല്. ജോര്ജ്, എക്സിക്യുട്ടീവ് അംഗം രാധാകൃഷ്ണന് തുടങ്ങിയവര് സംസാരിച്ചു. മേഖല കോര്ഡിനേറ്റര് ഐഎസ് ജ്യോതിഷ് സ്വാഗതവും അബ്ദുല് ഖാദര് മാസ്റ്റര് നന്ദിയും പറഞ്ഞു.

മുരിയാട് പഞ്ചായത്ത് കൃഷിഭവന്റെ നേതൃത്വത്തില് പാഠം ഒന്ന് പാടത്തേയ്ക്ക് ഞാറ് നടീല് ഉത്സവം സംഘടിപ്പിച്ചു
മുരിയാട് പഞ്ചായത്ത് കേരളോത്സവം സമാപിച്ചു
വോയിസ് ഓഫ് ചെമ്മണ്ടയുടെ ആഭിമുഖ്യത്തില് സൗജന്യ മെഡിക്കല് ക്യാമ്പ് നടത്തി
സെന്റ് വിന്സെന്റ് ഡയബറ്റിക് റിസര്ച്ച് സെന്റര് ഹോസ്പിറ്റലില് സൗജന്യ ചികിത്സാ നിര്ണയ ക്യാമ്പ് സംഘടിപ്പിച്ചു
ആരോഗ്യത്തിന്റെയും കായികക്ഷമതയുടെയും സന്ദേശവുമായി കാര്ഡിയോ ഫ്യൂഷന്
സൗജന്യ മെഡിക്കല് ക്യാമ്പ് സംഘടിപ്പിച്ചു