എംപറര്‍ ഇമ്മാനുവല്‍ ട്രസ്റ്റിനെതിരെ നാട്ടുകാര്‍ മുരിയാട് പഞ്ചായത്ത് ഓഫീസിലേക്ക് മാര്‍ച്ച് നടത്തി

ഇരിങ്ങാലക്കുട: എംപറര്‍ ഇമ്മാനുവല്‍ ട്രസ്റ്റിനെതിരെ നാട്ടുക്കാര്‍ മുരിയാട് പഞ്ചായത്ത് ഓഫീസിലേക്ക് ബഹുജന മാര്‍ച്ച് നടത്തി. എംപറര്‍ ട്രസ്റ്റിന് അനധികൃതമായി പല കാര്യങ്ങളിലും എല്ലാ വിധ ഒത്താശകളും ഭരണ സമിതി നല്‍കുന്നുവെന്നാരോപിച്ചായിരുന്നു മാര്‍ച്ച്. നാട്ടുക്കാര്‍ രൂപീകരിച്ച കര്‍മസമിതി എന്ന പേരിലുള്ള ആക്ഷന്‍ കൗണ്‍സിലിന്റെ നേതൃത്വത്തിലായിരുന്നു മാര്‍ച്ച്. കണ്‍വീനര്‍ കെ.ആര്‍ രഞ്ജിത്ത് മാര്‍ച്ച് ഉദ്ഘാടനം ചെയ്തു. മുരിയാട് പള്ളി ജംഗ്ഷനില്‍ നിന്നും ആരംഭിച്ച മാര്‍ച്ച് പഞ്ചായത്താഫീസിനു സമീപം വെച്ച് പോലീസ് തടഞ്ഞു. സായ്‌റാം, ജയന്‍ മണാളത്ത്, കെകെ അനീഷ് എന്നിവര്‍ നേതൃത്വം നല്‍കി.

About Author

IjkNews Office

See author's posts