ജീവിതം കളറാകാന്‍ വിജയം തുടര്‍ച്ചയാക്കണം: റോജി എം. ജോണ്‍ എംഎല്‍എ
കോണ്‍ഗ്രസ് ഇരിങ്ങാലക്കുടനിയോജക മണ്ഡലം കമ്മിറ്റിയുടെ നേതൃത്വത്തില്‍ നടന്ന മെറിറ്റ് ഡേ 2024 റോജി എം. ജോണ്‍ എംഎല്‍എ ഉദ്ഘാടനം ചെയ്യുന്നു. എം.പി. ജാക്‌സണ്‍ സമീപം.
ഇരിങ്ങാലക്കുട: എല്ലാ മേഖലയിലും കടുത്ത മത്സരത്തെ നേരിടുന്ന ഈ കാലഘട്ടത്തില്‍ ജീവിതം കളറാക്കുന്നതിനു തുടര്‍ച്ചയായ വിജയം കൈവരിക്കാന്‍ വിദ്യാര്‍ത്ഥികള്‍ക്ക് സാധിക്കണമെന്ന് റോജി എം. ജോണ്‍ എംഎല്‍എ പറഞ്ഞു. കോണ്‍ഗ്രസ് നിയോജക മണ്ഡലം കമ്മിറ്റിയുടെ നേതൃത്വത്തില്‍ കഴിഞ്ഞ എസ്എസ്എല്‍സി, പ്ലസ് ടു, വിഎച്ച്എസ്‌സി, സിബിഎസ്ഇ, ഐസിഎസ്ഇ, ടിഎച്ച്എസ്‌സി പരീക്ഷകളില്‍ ഉന്നത വിജയം നേടിയ നിയോജക മണ്ഡലത്തിലെ വിദ്യാര്‍ഥികളെയും നൂറു ശതമാനം വിജയം നേടിയ വിദ്യാലയങ്ങളെയും അനുമോദിച്ച മെറിറ്റ് ഡേ 2024 ഉദ്ഘാടനം ചെയ്ത് പ്രസംഗിക്കുകയായിരുന്നു അദ്ദേഹം. സംഘാടക സമിതി ചെയര്‍മാന്‍ എം.പി. ജാക്‌സണ്‍ അധ്യക്ഷത വഹിച്ചു.
മുന്‍ ഡിസിസി പ്രസിഡന്റ് ജോസ് വള്ളൂര്‍, നഗരസഭ ചെയര്‍പേഴ്‌സണ്‍ സുജ സഞ്ജീവ്കുമാര്‍, ഡിസിസി സെക്രട്ടറിമാരായ ആന്റോ പെരുമ്പുള്ളി, കെ.കെ. ശോഭനന്‍, സതീഷ് വിമലന്‍, കോണ്‍ഗ്രസ് ബ്ലോക്ക് പ്രസിഡന്റുമാരായ സോമന്‍ ചിറ്റേത്ത്, ഷാറ്റൊ കുര്യന്‍, സംഘടക സമിതി കണ്‍വീനര്‍ ജോസഫ് ചാക്കോ, ഭാരവാഹികളായ ജോസ് മൂഞ്ഞേലി, തോമസ് തത്തംപിള്ളി, കോ ഓര്‍ഡിനേറ്റര്‍മാരായ സി.എസ്. അബ്ദുള്‍ ഹഖ്, എ.സി. സുരേഷ്, കൗണ്‍സിലര്‍മാരായ ജെയ്‌സണ്‍ പാറേക്കാടന്‍, എം.ആര്‍. ഷാജു, കോണ്‍ഗ്രസ് മണ്ഡലം പ്രസിഡന്റുമാരായ ബാബു തോമസ്, പി.കെ. ഭാസി, എ.ഐ. സിദ്ധാര്‍ത്ഥന്‍, എന്‍. ശ്രീകുമാര്‍, യൂത്ത് കോണ്‍ഗ്രസ് നിയോജക മണ്ഡലം പ്രസിഡന്റ് സനല്‍ കല്ലൂക്കാരന്‍, മഹിളാ കോണ്‍ഗ്രസ് സംസ്ഥാന സെക്രട്ടറി രാജലക്ഷ്മി കുറുമാത്ത്, ജില്ലാ സെക്രട്ടറി രഞ്ജിനി ശ്രീകുമാര്‍, ബ്ലോക്ക് പ്രസിഡന്റ് ഗീത മനോജ്, കെഎസ്‌യു ജില്ലാ സെക്രട്ടറി റൈഹാന്‍ ഷഹീര്‍ എന്നിവര്‍ പ്രസംഗിച്ചു.
നേരത്തെ നടന്ന മോട്ടിവേഷന്‍ ക്ലാസിനു പി.ആര്‍. സ്റ്റാന്‍ലി നേതൃത്വം നല്‍കി. എസ്എസ്എല്‍സി വിഭാഗത്തില്‍ 670 വിദ്യാര്‍ഥികള്‍ക്കും പ്ലസ് ടു വിഭാഗത്തില്‍ 460 വിദ്യാര്‍ഥികള്‍ക്കും സിബിഎസ്ഇ, ഐസിഎസ്ഇ വിഭാഗങ്ങളില്‍ 107 വിദ്യാര്‍ഥികള്‍ക്കും വിഎച്ച്എസ്ഇയില്‍ 10 വിദ്യാര്‍ഥികള്‍ക്കും ടിഎച്ച്‌സിയില്‍ ഒരു വിദ്യാര്‍ഥിക്കുമായി ആകെ 1248 വിദ്യാര്‍ഥികളെയാണ് പുരസ്‌ക്കാരം നല്‍കി ആദരിച്ചത്. എസ്എസ്എല്‍സി പരീക്ഷയില്‍ 100 ശതമാനം വിജയം നേടിയ 27 സ്‌കൂളുകളെയും പ്ലസ് ടുവില്‍ രണ്ട് സ്‌കൂളുകളെയും സിബിഎസ്ഇ, ഐസിഎസ്ഇ വിഭാഗങ്ങളില്‍ 19 സ്‌കൂളുകളെയും ആദരിച്ചു.
About Author
കരുതിയിരിക്കുക, ഓണ്‍ലൈന്‍ തട്ടിപ്പുകളില്‍ വീഴരുതേ……ആദ്യം ഫോണ്‍ വിളി, താങ്ങളുടെ പേരില്‍ ക്രൈം കേസുകളുണ്ടെന്നു മുന്നറിയിപ്പ് 
ടൗണ്‍ അമ്പ് ഫെസ്റ്റ് 2025 സ്വാഗത സംഘം ഓഫീസ് ഉദ്ഘാടനം ചെയ്തു 
നഗരസഭയുടെ ഭരണപരാജയം; ആം ആദ്മി പാര്‍ട്ടി പന്തംകൊളുത്തി പ്രകടനം നടത്തി 
പിടികിട്ടാപ്പുള്ളി 26 വര്‍ഷത്തിന് ശേഷം അറസ്റ്റില്‍ 
നവജാതശിശു സംരക്ഷണ വാരാചരണത്തിന് തുടക്കമായി 
ക്രൈസ്റ്റ് ആശ്രമ ദേവാലയത്തില്‍ ക്രിസ്തുരാജന്റെ തിരുനാളിന് കൊടിയേറി 
