ചെരിഞ്ഞുകിടക്കുന്ന സ്ലാബുകള്‍ നീക്കം ചെയ്യാന്‍ വൈകുന്നതു അപകടഭീഷണിയാകുന്നു
ഇരിങ്ങാലക്കുട: പഴയ കെട്ടിടം പൊളിച്ചു പുതിയ കെട്ടിടമാക്കി പണിതശേഷവും കാനയുടെ ചെരിഞ്ഞുകിടക്കുന്ന സ്ലാബുകള്‍ നീക്കം ചെയ്യാന്‍ വൈകുന്നതു അപകടഭീഷണിയാകുന്നു. ഇരിങ്ങാലക്കുട ബസ് സ്റ്റാന്‍ഡിനു മുന്നില്‍ ടൗണ്‍ഹാള്‍ റോഡില്‍ നിന്നു ഠാണാ-ബസ് സ്റ്റാന്‍ഡ് റോഡിലേക്കു തിരിയുന്ന ഭാഗത്താണു ചെരിഞ്ഞുനില്‍ക്കുന്ന നിലയില്‍ നാലു സ്ലാബുകള്‍ ഭീഷണിയാകുന്നത്. പ്രധാന റോഡില്‍ നിന്നു ടൗണ്‍ഹാള്‍ റോഡിലേക്കു തിരിഞ്ഞു പോകുന്ന വാഹനങ്ങള്‍ക്കാണ് ഇത് ഏറെ അപകടഭീഷണിയാകുന്നത്. ഏറെ തിരക്കേറിയ ഈ റോഡില്‍ ഇരുചക്രവാഹനങ്ങള്‍ സ്ലാബില്‍ തടഞ്ഞു വീഴുന്നതു പതിവാണെന്നു ദൃക്സാക്ഷികള്‍ പറഞ്ഞു. നേരത്തെ റോഡിനോടു ചേര്‍ന്നുണ്ടായിരുന്ന കെട്ടിടത്തിനു മുന്നിലുണ്ടായിരുന്ന കാനയുടെ സ്ലാബുകളാണു ചെരിഞ്ഞുനില്‍ക്കുന്നത്. സ്വകാര്യവ്യക്തി തന്റെ ഷോപ്പിംഗ് കോംപ്ലക്സിനോടു ചേര്‍ത്തു പിന്നിലേക്കു നീക്കി കെട്ടിടം നിര്‍മിച്ചു റോഡിനോടു ചേര്‍ന്നുണ്ടായിരുന്ന പഴയ കെട്ടിടത്തിന്റെ അവശിഷ്ടങ്ങളെല്ലാം നീക്കി. എന്നാല്‍, സ്ലാബുകള്‍ ഇപ്പോഴും റോഡില്‍ത്തന്നെയാണ്. എത്രയും വേഗം സ്ലാബുകള്‍ നീക്കി റോഡിലെ തടസം പരിഹരിക്കാന്‍ തയാറാകണമെന്നു യാത്രക്കാര്‍ ആവശ്യപ്പെട്ടു.
About Author
കൊടുങ്ങല്ലൂര്‍ മാര്‍തോമ തീര്‍ത്ഥാടന വിളംബരവും കുരിശുപ്രയാണവും സംഘടിപ്പിച്ചു 
മെഗാ ഹൈ ടെക്ക് ക്രിസ്തുമസ് കരോള്‍ മത്സരഘോഷയാത്ര ഡിസംബര്‍ 21 ന്; സംഘാടക സമിതി രൂപീകരിച്ചു 
ഇരിങ്ങാലക്കുട സെന്റ് ജോസഫ്‌സ് കോളജില്‍ ആവേശമായി മെഗാ തൊഴില്‍ മേള പ്രയുക്തി 2024 
നവോത്ഥാന മുന്നേറ്റത്തിനു യുവജനങ്ങള്‍ മുന്നിട്ടിറങ്ങണം: മാര്‍ പോളി കണ്ണൂക്കാടന്‍ 
ക്രൈസ്റ്റ് കോളജ് എന്‍എസ്എസ് യൂണിറ്റ് കുസൃതി 14 സ്‌കൂളുകളിലേക്ക് എന്ന പരിപാടി സംഘടിപ്പിച്ചു 
നിക്ഷേപ സമാഹരണ യജ്ഞം: കാട്ടൂര്‍ സര്‍വീസ് സഹകരണബാങ്കിന് പുരസ്‌കാരം 
