കാട്ടുങ്ങച്ചിറയില് മുട്ട കയറ്റിവന്ന മിനി വാനില് ക്രെയിനിടിച്ച് അപകടം
ഇരിങ്ങാലക്കുട: കാട്ടുങ്ങച്ചിറയില് മുട്ട കയറ്റിവന്ന മിനി വാനില് ക്രെയിനിടിച്ച് അപകടം. ഇന്നലെ ഉച്ചയോടെയാണ് അപകടം നടന്നത്. കാട്ടുങ്ങച്ചിറ സെന്ററില് കടയോടു ചേര്ത്ത് നിര്ത്തിയിട്ട് ഓര്ഡര് എടുക്കുന്നതിനായി മുട്ട കയറ്റിവന്ന മിനി വാനിന്റെ ഡ്രൈവര് ചാലക്കുടി സ്വദേശി ഷാന് കടയിലേക്ക് പോയ സമയത്താണ് എതിരെ വന്ന ക്രെയിന് മിനി വാനില് ഇടിച്ചത്. ഇടിയുടെ ആഘാതത്തില് മുന്നോട്ടുനീങ്ങിയ മിനിവാന് സമീപത്തെ വീടിന്റെ മതിലില് ഇടിച്ചാണ് നിന്നത്. ഇതിനിടെ വാനില് നിന്നും മുട്ടകള് ട്രേകളടക്കം കൂട്ടത്തോടെ റോഡിലേക്ക് വീണുപൊട്ടി. ചാലക്കുടിയില് നിന്നും ഇരിങ്ങാലക്കുട ഭാഗത്തെ കടകളില് വിതരണം ചെയ്യുന്നതിനുള്ള താറാവ്, നാടന് കോഴി, കോഴിമുട്ട എന്നിങ്ങനെ ഒരുലക്ഷത്തോളം മുട്ടകള് വാനിലുണ്ടായിരുന്നതായി ഷാന് പറഞ്ഞു. കയറ്റത്തുവെച്ച് അപകടം നടന്നതിനാല് മുട്ടപൊട്ടിയത് താഴെക്ക് ഏറെ ദൂരം പരന്നൊഴുകിയത് പ്രദേശത്തെ ദുര്ഗന്ധപൂരിതമാക്കി. വാഹനങ്ങള് പോലീസ് കസ്റ്റഡിയില് എടുക്കുകയും ചെയ്തു. ഇരിങ്ങാലക്കുട ഫയര്ഫോഴ്സിന്റെ നേതൃത്വത്തില് പ്രദേശം വൃത്തിയാക്കി. അപകടത്തില് ആര്ക്കും പരിക്കില്ല.
About Author
കലകളിലൂടെ ക്രൈസ്തവ സന്ദേശങ്ങള് മറ്റുള്ളവരിലേക്ക് പകരുവാന് ബൈബിള് കലോത്സവങ്ങള് സഹായകരമാകണം, ബിഷപ് മാര് പോളി കണ്ണൂക്കാടന് 
ബഹിരാകാശത്ത് ഇന്ത്യന് യുഗം; ശാസ്ത്ര പാടവ പോഷണ പരിപാടി സംഘടിപ്പിച്ചു 
സെന്റ് തോമസ് കത്തീഡ്രലില് കുരിശിന്റെ പുകഴ്ചയുടെ തിരുനാള് ഭക്തിസാന്ദ്രമായി 
41-ാമത് ഡോണ് ബോസ്കോ അഖില കേരള ബാസ്കറ്റ്ബോള് ടൂര്ണമെന്റ് 
ഗൂഢാലോചനയുടെ ഭാഗമായാണ് പാര്ട്ടി യോഗത്തില് അക്രമണം അഴിച്ചുവിട്ടത്, കേരള കോണ്ഗ്രസ് ജില്ലാ പ്രസിഡന്റ് സി.വി. കുര്യാക്കോസ് 
മുന് എംപി കെ. മോഹന്ദാസിന്റെ സാമൂഹ്യ പ്രതിബദ്ധത സ്മരിക്കപ്പെടണം- അഡ്വ. തോമസ് ഉണ്ണിയാടന് എംഎല്എ 
