ക്രൈസ്റ്റ് എന്‍ജിനീയറിംഗ് കോളജില്‍ സ്മൈല്‍ കാമ്പയിന്‍
ഇരിങ്ങാലക്കുട: സാങ്കേതിക വിദ്യയുടെ വരവോടെ പിരിമുറുക്കങ്ങളും സമ്മര്‍ദങ്ങളും നിറഞ്ഞ ജീവിത പരിസരങ്ങളെ പ്രകാശമാനമാക്കാന്‍ പുഞ്ചിരിക്കുള്ള പ്രാധാന്യം വ്യക്തമാക്കി കൊണ്ട് സ്മൈല്‍ കാമ്പയിന്‍ ഒരുക്കി വിദ്യാര്‍ഥികള്‍. ക്രൈസ്റ്റ് എന്‍ജിനീയറിംഗ് കോളജിലെ കലോത്സവത്തോട് അനുബന്ധിച്ച് ആണ് പരിപാടി സംഘടിപ്പിച്ചത്. വിദ്യാര്‍ഥികളും അധ്യാപകരും ചിരിയുടെ മാഹാത്മ്യം വിളിച്ചോതുന്ന സന്ദേശങ്ങള്‍ കയ്യിലേന്തി ഫോട്ടോകള്‍ പകര്‍ത്തിയും, അവ ഉപയോഗിച്ച് കാമ്പസ് അലങ്കരിച്ചും കാമ്പയിന്റെ ഭാഗമായി. സംസ്ഥാന സ്പെഷ്യല്‍ സ്‌കൂള്‍ കലോത്സവത്തില്‍ കലാ പ്രതിഭയായ ഇരിങ്ങാലക്കുട പ്രതീക്ഷാഭവനിലെ പി.എം. മേജോ കാമ്പയിന്‍ ഉദ്ഘാടനം ചെയ്തു. എക്സിക്യുട്ടീവ് ഡയറക്ടര്‍ ഫാ. ജോണ്‍ പാലിയേക്കര സിഎംഐ, ജോയിന്റ് ഡയറക്ടര്‍മാരായ ഫാ. ജോയി പയ്യപ്പിള്ളി, ഫാ. ആന്റണി ഡേവിസ്, പ്രിന്‍സിപ്പല്‍ ഡോ. സജീവ് ജോണ്‍, വൈസ് പ്രിന്‍സിപ്പല്‍ ഡോ. വി.ഡി. ജോണ്‍ തുടങ്ങിയവര്‍ പങ്കെടുത്തു.
About Author
കരൂപ്പടന്ന എന്‍എസ്എസ് വളണ്ടിയര്‍മാര്‍ പല്ലൊട്ടി സിനിമയുടെ അണിയറ പ്രവര്‍ത്തകരുമായി സംവദിച്ചു 
സെന്റ് ജോസഫ്‌സ് കോളജിലെ സുവോളജി വിഭാഗം ശില്‍പ്പശാല സംഘടിപ്പിച്ചു 
നവീകരിച്ച ഇരിങ്ങാലക്കുട ക്രൈസ്റ്റ് ആശ്രമദേവാലയത്തിന്റെ വെഞ്ചിരിപ്പ് നിര്‍വഹിച്ചു 
ടൗണ്‍ അമ്പ് ഫെസ്റ്റ് 2025 സ്വാഗത സംഘം ഓഫീസ് ഉദ്ഘാടനം ചെയ്തു 
ടൂര്‍ണ്ണമെന്റില്‍ ജേതാക്കളായ കാരുമാത്ര ഗവ. യുപി സ്‌കൂള്‍ ഫുട്‌ബോള്‍ ടീമിനെ അനുമോദിച്ചു 
പിടികിട്ടാപ്പുള്ളി 26 വര്‍ഷത്തിന് ശേഷം അറസ്റ്റില്‍ 
