ഭാര്യയെ കുത്തികൊലപ്പെടുത്താന്‍ ശ്രമിച്ച പ്രതിയെ അറസ്റ്റ് ചെയ്തു
സജിമോന്‍
ഇരിങ്ങാലക്കുട : സിവില്‍ സ്റ്റേഷന്‍ കോമ്പൗണ്ടിനകത്ത് വച്ച് ഭാര്യയെ കത്തി കൊണ്ട് കുത്തി ഗുരുതരമായി പരിക്കേല്‍പ്പിച്ച് കൊലപ്പെടുത്താന്‍ ശ്രമിച്ച പ്രതി അറസ്റ്റില്‍. താണിശേരി വന്‍പറമ്പില്‍ വീട്ടില്‍ സജിമോന്‍(55)ആണ് അറസ്റ്റിലായത്. ജിമോനും ഭാര്യ രശ്മിയും തമ്മിലുള്ള വിവാഹമോചന കേസ് ഇരിങ്ങാലക്കുട കുടുംബ കോടതിയില്‍ നടക്കുന്നുണ്ട്. കഴിഞ്ഞ 25ന് കേസിന്‍റെ വിചാരണക്കായി എത്തിയ രശ്മിയെ വിവാഹ മോചനകേസ് കൊടുത്തതിലുള്ള വിരോധത്താല്‍ സജിമോൻ കയ്യില്‍ കരുതിയിരുന്ന കത്തി കൊണ്ട് വയറിലും പുറത്തും കെെയ്യിലും കുത്തുകയായിരുന്നു. കോടതി ഡ്യൂട്ടിയിലുണ്ടായിരുന്ന നിഫാദ്, ബിജു എന്നീ പോലീസുദ്യോഗസ്ഥരാണ് പ്രതിയെ തടഞ്ഞത്. ഗുരുതരമായി പരിക്കുപറ്റിയ രശ്മി തൃശൂര്‍ മെഡിക്കല്‍ കോളജ് ആശുപത്രിയിൽ തീവ്രപരിചരണ വിഭാഗത്തിൽ ചികിത്സയിലാണ്. പ്രതിയുടെ പേരില്‍ കൊടകര, മാള, വലപ്പാട് എന്നീ സ്റ്റേഷനുകളിലും കേസുകളുണ്ട്.
ഇരിങ്ങാലക്കുട ഡിവൈഎസ്പി ടി.കെ. ഷൈജുവിന്‍റെ നിര്‍ദേശാനുസരണം സിഐ അനീഷ് കരീം, എസ്ഐ എം.എസ്. ഷാജന്‍, എം.കെ. ജലീല്‍, എസ്‌സിപിഒമാരായ കെ.വി. ഉമേഷ്, രാഹുല്‍ അമ്പാടന്‍, സിപിഒ ലികേഷ് എന്നിവരാണ് പ്രതിയെ അറസ്റ്റ് ചെയ്തത്. പ്രതിയെ റിമാന്‍ഡ് ചെയ്തു.
About Author
കരൂപ്പടന്ന എന്‍എസ്എസ് വളണ്ടിയര്‍മാര്‍ പല്ലൊട്ടി സിനിമയുടെ അണിയറ പ്രവര്‍ത്തകരുമായി സംവദിച്ചു 
സെന്റ് ജോസഫ്‌സ് കോളജിലെ സുവോളജി വിഭാഗം ശില്‍പ്പശാല സംഘടിപ്പിച്ചു 
വാര്‍ഡ് വിഭജനം; കരട് വിജ്ഞാപനമായി; ഇരിങ്ങാലക്കുട നഗരസഭയില്‍ ഇനി 43 വാര്‍ഡുകള്‍ 
കരുതിയിരിക്കുക, ഓണ്‍ലൈന്‍ തട്ടിപ്പുകളില്‍ വീഴരുതേ……ആദ്യം ഫോണ്‍ വിളി, താങ്ങളുടെ പേരില്‍ ക്രൈം കേസുകളുണ്ടെന്നു മുന്നറിയിപ്പ് 
ടൗണ്‍ അമ്പ് ഫെസ്റ്റ് 2025 സ്വാഗത സംഘം ഓഫീസ് ഉദ്ഘാടനം ചെയ്തു 
കേരള വ്യാപാരി വ്യവസായി ഏകോപനസമിതി എം.ഓ. ജോണ്‍ ഓര്‍മ്മദിനം ആചരിച്ചു 
