ആരു നികത്തും ഈ പാതാള കഴികള്‍; ബൈപ്പാസ് റോഡിലേക്കു വരൂ.. കുഴികളില്‍ ചാടി യാത്ര ചെയ്യാം
ഇരിങ്ങാലക്കുട ബൈപാസ് റോഡ് പൊട്ടിപ്പൊളിഞ്ഞ് ഗതാഗതയോഗ്യമല്ലാതായ നിലയില്‍.
ഇരിങ്ങാലക്കുട: വഴിയാണോ കുഴിയാണോ എന്നറിയാന്‍ പറ്റാത്ത അവസ്ഥയിലാണ് ഇരിങ്ങാലക്കുട ബൈപ്പാസ് റോഡ്. മഴപെയ്തതിനാല്‍ ഈ റോഡില്‍ ‘ഇടിത്തീ’ യാത്രയാണ്. ഇതു വഴിയുള്ള യാത്ര പലപ്പോഴും നകരയാത്രക്കു സമാനം. തിരക്കേറിയ ഈ റോഡില്‍ ബൈക്കടക്കമുള്ള ചെറുവാഹനങ്ങളിലെ യാത്ര ഒരു ഞാണിന്മേല്‍ കളിയാണ്. ഏതു സമയത്താണ് റോഡിലെ കുഴികള്‍ മരണകുഴികളാകുക എന്നു പറയുക അസാധ്യം. റോഡിന്റെ ശോചനീയാവസ്ഥ കാരണം ബൈപാസ് റോഡില്‍ വാഹനാപകടങ്ങള്‍ തുടര്‍ക്കഥയാകുകയാണ്.
കഴിഞ്ഞ ദിവസവും അപകടമുണ്ടായി. ഒരു മാസം മുമ്പ് രാത്രി 9.30 ഓടെ ജോലികഴിഞ്ഞ് മടങ്ങുകയായിരുന്ന കൊരുമ്പിശേരി സ്വദേശി ഐനിയ്ക്കല്‍ വീട്ടില്‍ മഹേഷ് (45) സഞ്ചരിച്ചിരുന്ന സ്‌കൂട്ടര്‍ കുഴിയില്‍ വീണ് നിയന്ത്രണം വിട്ട്മറിഞ്ഞ് ഗുരുതര പരിക്കേറ്റിരുന്നു. വാരിയെല്ലുകള്‍ക്കും ഷോള്‍ഡറിനും കൈയ്ക്കും ആന്തരിക അവയവങ്ങള്‍ക്കും അടക്കം പരിക്കേറ്റ ഇയാള്‍ തൃശൂരിലെ സ്വകാര്യ ആശുപത്രിയില്‍ ചികിത്സയിലായിരുന്നു.
ബൈപ്പാസ് ആരംഭിക്കുന്ന തൃശൂര്‍ റോഡ് മുതല്‍ ആദ്യ ജംഗ്ഷന്‍ വരെയുള്ള ഒരു വശത്ത് കാന നിര്‍മ്മിച്ച് ഇതിന് മുകളില്‍ ടൈല്‍ വിരിച്ച് നടപ്പാത ഒരുക്കിയെങ്കിലും കാനയുടെ ഉയര വ്യത്യാസം റോഡിലെ വെള്ളക്കെട്ടിന് കാരണമാകുന്നുണ്ട്. ഗതാഗതക്കുരുക്ക് രൂക്ഷമായ ഠാണാ ബസ് സ്റ്റാന്‍ഡ് റോഡിലെ തിരക്കില്‍പ്പെടാതെ കാട്ടൂര്‍, ചെമ്മണ്ട, കിഴുത്താണി, പൊറത്തിശേരി ഭാഗങ്ങളിലേക്ക് എഴുപ്പമെത്താന്‍ വാഹന യാത്രികര്‍ ആശ്രയിക്കുന്ന ബൈപ്പാസ് റോഡിലെ അപകട കുഴികള്‍ നികത്താല്‍ ടാറിംഗ് നടത്തുകയോ ടൈല്‍ വിരിച്ച് ഉയരം കൂട്ടുകയോ ചെയ്യണമെന്നാണ് നാട്ടുകാരുടെ ആവശ്യം.
10 വര്‍ഷം പിന്നിട്ടിട്ടും സഞ്ചാരയോഗ്യമല്ലാത്ത അവസ്ഥ
നിര്‍മാണം പൂര്‍ത്തീകരിച്ച് 10 വര്‍ഷം പിന്നിട്ടിട്ടും റോഡിന്റെ പലഭാഗങ്ങളും പൊട്ടിപ്പൊളിഞ്ഞ് സഞ്ചാരയോഗ്യമല്ലാത്ത അവസ്ഥയാണ്. 2021 ല്‍ 34 ലക്ഷം രൂപ ചെലവഴിച്ച് നവീകരിച്ച റോഡാണിത്. ഇരുവശങ്ങളിലും കാന നിര്‍മ്മിക്കുകയോ ചെയ്തിട്ടില്ല. നഗരസഭ ഇവിടെ സ്ഥാപിച്ചിരുന്ന സോളര്‍ വഴി വിളക്കുകള്‍ സാമൂഹികവിരുദ്ധര്‍ മോഷ്ടിച്ചു. പിന്നീട് സ്ഥാപിച്ച വഴിവിളക്കുകള്‍ പേരിന് മാത്രം പ്രകാശിക്കുന്നതിനാല്‍ പലഭാഗങ്ങളും രാത്രിയില്‍ ഇരുട്ടിലാണ്. ഇതോടെ കക്കൂസ് മാലിന്യം ഉള്‍പ്പടെ ഇവിടെ തള്ളുന്നതും പതിവാണ്. ദിവസങ്ങള്‍ക്കു മുന്‍പ് റോഡില്‍ നിന്ന് ഇളകിയ മെറ്റല്‍ കഷണം ബസിന്െ ടയറിനടിയില്‍പെട്ട് തെറിച്ച് സമീപത്തെ വ്യാപാര സ്ഥാപനത്തിന്റെ ചില്ല് തകര്‍ന്നിരുന്നു.
About Author
കരുതിയിരിക്കുക, ഓണ്‍ലൈന്‍ തട്ടിപ്പുകളില്‍ വീഴരുതേ……ആദ്യം ഫോണ്‍ വിളി, താങ്ങളുടെ പേരില്‍ ക്രൈം കേസുകളുണ്ടെന്നു മുന്നറിയിപ്പ് 
ടൗണ്‍ അമ്പ് ഫെസ്റ്റ് 2025 സ്വാഗത സംഘം ഓഫീസ് ഉദ്ഘാടനം ചെയ്തു 
നഗരസഭയുടെ ഭരണപരാജയം; ആം ആദ്മി പാര്‍ട്ടി പന്തംകൊളുത്തി പ്രകടനം നടത്തി 
പിടികിട്ടാപ്പുള്ളി 26 വര്‍ഷത്തിന് ശേഷം അറസ്റ്റില്‍ 
നവജാതശിശു സംരക്ഷണ വാരാചരണത്തിന് തുടക്കമായി 
ക്രൈസ്റ്റ് ആശ്രമ ദേവാലയത്തില്‍ ക്രിസ്തുരാജന്റെ തിരുനാളിന് കൊടിയേറി 
