പെരുമഴ മാറിയിട്ടും തോരാതെ ദുരിതം
കരുവന്നൂര്‍ കൊക്കരിപള്ളം ആറാട്ടുപുഴ റോഡില് വെള്ളം കുത്തിയൊലിച്ചതു മൂലം റോഡ് തകര്ന്ന് കുണ്ടും കുഴിയുമായ നിലയില്‍.
ഇരിങ്ങാലക്കുട നിയോജകമണ്ഡലത്തില്‍
ദുരിതാശ്വാസ ക്യാമ്പുകള്‍ 11
ക്യാമ്പിലുള്ള കുടുംബങ്ങള്‍ 223
ക്യാമ്പിലുള്ള അംഗങ്ങള്‍ 541
ഇരിങ്ങാലക്കുട: കഴിഞ്ഞ രണ്ടുദിവസങ്ങളില്‍ മഴമാറി മാനം തെളിഞ്ഞെങ്കിലും കരുവന്നൂര്‍ പുഴയോട് ചേര്‍ന്ന പ്രദേശങ്ങളിലും കാട്ടൂര്‍, കാറളം പഞ്ചായത്തുകളിലെ താഴ്ന്ന പ്രദേശങ്ങളിലും വെള്ളക്കെട്ടിന് ശമനമില്ല. ജല നിരപ്പ് ഉയര്‍ന്നു തന്നെ നില്‍ക്കുകയാണ്. വെള്ളത്തിന്റെ ഇറക്കം വളരെ സാവധാനത്തിലാണ്. കരുവന്നൂര്‍ കൊക്കരിപള്ളത്ത് വെള്ളം കയറി 70 വീട്ടുകാരെ ക്യാമ്പിലേക്ക് മാറ്റിയെങ്കിലും 28 വീട്ടുകാര്‍ക്കു മാത്രമാണ് തിരികെ ഇങ്ങോട്ടു വരാനായത്.
മറ്റു വീടുകളില്‍ വെള്ളം ഇറങ്ങിയിട്ടില്ല. ഇരിങ്ങാലക്കുട നിയോജക മണ്ഡലത്തില്‍ 11 ദുരിതാശ്വാസ ക്യാമ്പുകളാണ് ഇപ്പോഴും പ്രവര്‍ത്തിക്കുന്നത്. 223 വീടുകളില്‍ നിന്നായി 541 പേരാണ് ക്യാമ്പിലുള്ളത്. കാറളം പഞ്ചായത്തില്‍ മൂന്നു ദുരിതാശ്വാസ ക്യാമ്പുകളിലായി 90 വീടുകളില്‍നിന്നും 203 പേരാണ് ക്യാമ്പിലുള്ളത്.
കാട്ടൂര്‍ പഞ്ചായത്തില്‍ രണ്ടു ക്യാമ്പുകളിലായി 52 വീടുകളില്‍നിന്നും 144 പേരാണ് ക്യാമ്പിലുള്ളത്. പടിയൂര്‍ പഞ്ചായത്തിലെ ഒരു ക്യാമ്പില്‍ 16 വീടുകളില്‍നിന്നും 29 പേരും മുരിയാട് പഞ്ചായത്തില്‍ രണ്ട് ക്യാമ്പുകളിലായി 14 വീടുകളില്‍നിന്നും 40 പേരുമാണ് ക്യാമ്പിലുള്ളത്. ഇരിങ്ങാലക്കുട നഗരസഭയില്‍ മൂന്നു ക്യാമ്പുകളിലായി 51 വീടുകളില്‍നിന്നും 125 പേരാണ് ക്യാമ്പിലുള്ളത്. ഇതിന്റെ മൂന്നിരട്ടിയോളം വരും ബന്ധുവീടുകളിലേക്ക് മാറി താമസിക്കുന്നവരുടെ എണ്ണം.
കാറളം പഞ്ചായത്തില്‍ കാറളം എല്‍പി സ്‌കൂളില്‍ 38 കുടുംബങ്ങളില്‍നിന്നായി 99 പേരും കാറളം ഹൈസ്‌കൂളില്‍ 46 വീടുകളില്‍ നിന്നും 91 പേരും താണിശേരി ഡോളേഴ്‌സ് എല്‍പി സ്‌കൂളില്‍ ആറു വീടുകളില്‍നിന്നുമായി 13 പേരുമാണ് ക്യാമ്പിലുള്ളത്. കാട്ടൂര്‍ പഞ്ചായത്തില്‍ കരാഞ്ചിറ സെന്റ് സേവിയേഴ്‌സ് സ്‌കൂളില്‍ 43 വീടുകളില്‍നിന്നും 122 പേരും കാട്ടൂര്‍ പോംപെ സ്‌കൂളില്‍ ഒമ്പതു വീടുകളില്‍നിന്നും 22 പേരുമാണ് ക്യാമ്പിലുള്ളത്. പടിയൂര്‍ എച്ച്ഡിപി സമാജം സ്‌കൂളില്‍ 16 വീടുകളില്‍നിന്നും 29 പേരാണ് ക്യാമ്പിലുള്ളത്.
മുരിയാട് പഞ്ചായത്തില്‍ പുല്ലൂര്‍ എസ്എന്‍ബിഎസ് എല്‍പി സ്‌കൂളില്‍ 12 വീടുകളില്‍നിന്നും 34 പേരും ആനുരുളി അയ്യങ്കാളി സാംസ്‌കാരിക നിലയത്തില്‍ രണ്ടു വീടുകളില്‍നിന്നും ആറു പേരും ക്യാമ്പിലുണ്ട്. ഇരിങ്ങാലക്കുട നഗരസഭയില്‍കരുവന്നൂര്‍ സെന്റ് ജോസഫ്‌സ് സ്‌കൂളില്‍ 26 വീടുകളില്‍നിന്നും 59 പേരും മാപ്രാണം സെന്റ് സേവിയേഴ്‌സ് സ്‌കൂളില്‍ 22 വീടുകളില്‍നിന്നും 56 പേരും ജവഹര്‍ കോളനിയിലെ പകല്‍വീടില്‍ മൂന്നു വീടുകളില്‍നിന്നും 10 പേരുമാണ് ക്യാമ്പിലുള്ളത്.
കരുവന്നൂര്‍ പുഴയിലെ ജലനിരപ്പ് താഴ്ന്നു, വെള്ളക്കെട്ടിനു കുറവില്ല
ഇരിങ്ങാലക്കുട: കരുവന്നൂര്‍ പുഴയിലെ ജലനിരപ്പ് താഴ്ന്നുവെങ്കിലും സമീപത്തെ താഴ്ന്ന പ്രദേശങ്ങളിലെ വെള്ളക്കെട്ടിനു കുറവില്ല. കാട്ടൂര്‍ പഞ്ചായത്തില്‍ പടിഞ്ഞാറന്‍ മേഖലയിലും പാടശേഖരങ്ങളിലും ജലനിരപ്പ് കൂടുതലാണ്. റോഡുകളില്‍ വെള്ളം കയറിയതിനാല്‍ തടസപ്പെട്ട ഗതാഗതം ഇതുവരെയും പുനഃസ്ഥാപിക്കാനായിട്ടില്ല. മൂര്‍ക്കനാട് സെന്റര്‍, കാറളം, കാറളം കരാഞ്ചിറ നന്തി റോഡ്, ആനന്ദപുരംമാപ്രാണം ചാത്തന്‍ മാസ്റ്റര്‍ റോഡ് എന്നിവിടങ്ങളിലാണ് വെള്ളം കയറി ഗതാഗതം തടസപ്പെട്ടിരിക്കുന്നത്.
ഇരിങ്ങാലക്കുട നഗരസഭയില്‍ മൂര്‍ക്കനാട്, ഒമ്പതുമുറി കോളനി, കൊക്കരിപള്ളം, മാപ്രാണം, തളിയക്കോണം, പീച്ചംപിള്ളി കോളനി, കുന്നുമ്മക്കര, കൊറ്റിലങ്ങപ്പാടം ഭാഗങ്ങളില്‍ വെള്ളക്കെട്ട് തുടരുകയാണ്. കെഎല്‍ഡിസി കനാലില്‍ വെള്ളം ഉയര്‍ന്നത് മൂലം താമരപ്പള്ളം വഴി കച്ചേരി, മയയാര്‍ പ്രദേശങ്ങള്‍ വെള്ളക്കെട്ടിലാണ്. കാട്ടൂരില്‍ മധുരംപിള്ളി, ചെമ്പന്‍ചാല്‍ കരാഞ്ചിറ എന്നിവിടങ്ങളില്‍ വെള്ളക്കെട്ടുണ്ട്. കാറളത്ത് നന്തിയില്‍ വെള്ളം ഇറങ്ങിയിട്ടില്ല.
കാട്ടൂര്‍ പഞ്ചായത്തിലെ എംഎം കനാല്‍ കരകവിഞ്ഞു
കാട്ടൂര്‍: കാട്ടൂര്‍ പഞ്ചായത്തിലെ എംഎം കനാല്‍ കരകവിഞ്ഞൊഴുകുകയാണ്. എംഎം കനാലിന്റെ രണ്ടു ബണ്ടുകളും ഉയര്‍ത്താന്‍ പലപ്രാവശ്യവും ഇരിങ്ങാലക്കുട മൈനര്‍ ഇറിഗേഷന്‍ എന്‍ജിനീയര്‍ക്ക് അപേക്ഷ നല്‍കിയിട്ടും നടപടി എടുത്തില്ലെന്നു ആരോപണമുണ്ട്. കനാലിലൂടെ പുഴയിലേക്ക് ഒഴുകിപോകുന്ന വെള്ളം വടക്കേബണ്ടിന് ഉയരം കുറവായതിനാല്‍ വെള്ളം കരകവിഞ്ഞു 100 കുടുംബങ്ങള്‍ ഇപ്പോഴും വെള്ളക്കെട്ടിന്റെ ഭീഷണി നേരിടുന്നതായി മുന്‍ പഞ്ചായത്തംഗം ഹൈദ്രോസ് പറഞ്ഞു.
About Author
കരൂപ്പടന്ന എന്‍എസ്എസ് വളണ്ടിയര്‍മാര്‍ പല്ലൊട്ടി സിനിമയുടെ അണിയറ പ്രവര്‍ത്തകരുമായി സംവദിച്ചു 
വാര്‍ഡ് വിഭജനം; കരട് വിജ്ഞാപനമായി; ഇരിങ്ങാലക്കുട നഗരസഭയില്‍ ഇനി 43 വാര്‍ഡുകള്‍ 
കരുതിയിരിക്കുക, ഓണ്‍ലൈന്‍ തട്ടിപ്പുകളില്‍ വീഴരുതേ……ആദ്യം ഫോണ്‍ വിളി, താങ്ങളുടെ പേരില്‍ ക്രൈം കേസുകളുണ്ടെന്നു മുന്നറിയിപ്പ് 
ടൗണ്‍ അമ്പ് ഫെസ്റ്റ് 2025 സ്വാഗത സംഘം ഓഫീസ് ഉദ്ഘാടനം ചെയ്തു 
പിടികിട്ടാപ്പുള്ളി 26 വര്‍ഷത്തിന് ശേഷം അറസ്റ്റില്‍ 
നവജാതശിശു സംരക്ഷണ വാരാചരണത്തിന് തുടക്കമായി 
