ആനന്ദപുരം മഹാവിഷ്ണു ക്ഷേത്രത്തിലെ ആല്മരത്തിന് പുനര്ജീവന് നല്കാന് പ്രകൃതി സ്നേഹികളുടെ ഇടപെടല്; ആയുര്വേദ ചികിത്സ നല്കി ബിനുമാഷ്
ആനന്ദപുരം മഹാവിഷ്ണു ക്ഷേത്രത്തിലെ ആല്മരത്തിന് ആയുര്വേദ ചികിത്സ നടത്തിയ ശേഷം വൃക്ഷവൈദ്യനും കോട്ടയം വൃക്ഷ പരിസ്ഥിതി സംഘടനയിലെ അംഗവുമായ കെ.ബിനു മരത്തെ ആലിംഗനം ചെയ്യുന്നു.
ഇരിങ്ങാലക്കുട: ക്ഷേത്രത്തില് തൊഴാന് വരുന്നവര്ക്കു പ്രദക്ഷിണം വയ്ക്കാന് 1200 ലേറെ വര്ഷങ്ങളായി വിരിഞ്ഞു നില്ക്കുന്ന ആല്മരം മരണത്തിലേക്കു പോകുന്നത് കണ്ടുനില്ക്കാന് കഴിയാത്ത പ്രകൃതിസ്നേഹികള് രക്ഷിക്കാനായി ഒരുമിച്ചുകൂടി. ആല്മരത്തിന് പുനര്ജീവന് നല്കാന് വൃക്ഷായുര്വേദ ചികിത്സയ്ക്ക് ഇന്നലെ ആനന്ദപുരം മഹാവിഷ്ണു ക്ഷേത്രാങ്കണം സാക്ഷ്യം വഹിച്ചു.
കേരളത്തിലെ 219 വൃക്ഷങ്ങള്ക്ക് പുതുജീവന് നല്കി മരങ്ങളുടെ കാവലാളായി മാറിയ കോട്ടയം വാഴൂര് സ്വദേശിയായ അധ്യാപകന് ബിനുവിന്റെ നേതൃത്വത്തിലായിരുന്നു ചികിത്സ. രാവിലെ നടന്ന വൃക്ഷപൂജയ്ക്ക് ശേഷം ചികിത്സകള് തുടങ്ങി. പതിനഞ്ചോളം വരുന്ന ആയുര്വേദമരുന്നുകളുടെ സമ്മിശ്രക്കൂട്ടുണ്ടാക്കി അത് മരത്തിന് ചുറ്റും തേച്ച് തുണി ചുറ്റിക്കെട്ടിയായിരുന്നു ചികിത്സ.
നൂറുകണക്കിന് നാട്ടുകാരും പ്രകൃതി സ്നേഹികളും സന്നിഹിതരായിരുന്നു.
പന്ത്രണ്ടോളം ഘട്ടങ്ങളിലായി വിവിധ മരുന്നു കൂട്ടുകള് തയ്യാറാക്കി ചികിത്സ നടത്തി. പല ഘട്ടങ്ങളിലായി 15 ഓളം ഔഷധക്കൂട്ടുകള് മരത്തില് തേച്ചുപിടിപ്പിച്ചു. ജൈവമിശ്രിതം വൃക്ഷച്ചുവട്ടില് തളിച്ചു. ആറ് മാസത്തിനകം ഫലം കാണുമെന്നാണു പ്രതീക്ഷ.
About Author
കലകളിലൂടെ ക്രൈസ്തവ സന്ദേശങ്ങള് മറ്റുള്ളവരിലേക്ക് പകരുവാന് ബൈബിള് കലോത്സവങ്ങള് സഹായകരമാകണം, ബിഷപ് മാര് പോളി കണ്ണൂക്കാടന് 
ബഹിരാകാശത്ത് ഇന്ത്യന് യുഗം; ശാസ്ത്ര പാടവ പോഷണ പരിപാടി സംഘടിപ്പിച്ചു 
സെന്റ് തോമസ് കത്തീഡ്രലില് കുരിശിന്റെ പുകഴ്ചയുടെ തിരുനാള് ഭക്തിസാന്ദ്രമായി 
41-ാമത് ഡോണ് ബോസ്കോ അഖില കേരള ബാസ്കറ്റ്ബോള് ടൂര്ണമെന്റ് 
ഗൂഢാലോചനയുടെ ഭാഗമായാണ് പാര്ട്ടി യോഗത്തില് അക്രമണം അഴിച്ചുവിട്ടത്, കേരള കോണ്ഗ്രസ് ജില്ലാ പ്രസിഡന്റ് സി.വി. കുര്യാക്കോസ് 
മുന് എംപി കെ. മോഹന്ദാസിന്റെ സാമൂഹ്യ പ്രതിബദ്ധത സ്മരിക്കപ്പെടണം- അഡ്വ. തോമസ് ഉണ്ണിയാടന് എംഎല്എ 
