മികവിന്റെ പുരസ്‌കാര നിറവില്‍ ഇരിങ്ങാലക്കുട ഭാരതീയ വിദ്യാഭവന്‍
ഇരിങ്ങാലക്കുട: തൃശൂര്‍ ജില്ലയിലെ 128 സിബിഎസ്ഇ സ്‌കൂളുകളുടെ ഈ വര്‍ഷത്തെ 10, 12 ക്ലാസുകളിലെ പരീക്ഷാഫലം അടിസ്ഥാനമാക്കി നടത്തിയ റാങ്കിങ്ങില്‍ ഇരിങ്ങാലക്കുട ഭാരതീയ വിദ്യാഭവന്‍ പത്താം ക്ലാസില്‍ ഒന്നാം സ്ഥാനവും പന്ത്രണ്ടാം ക്ലാസില്‍ മൂന്നാം സ്ഥാനവും കരസ്ഥമാക്കി. സിബിഎസ്ഇ സ്‌കൂളുകളുടെ കൂട്ടായ്മയായ സഹോദയ തൃശൂരില്‍ സംഘടിപ്പിച്ച സമ്മാനദാന ചടങ്ങില്‍ സ്‌കൂള്‍ പ്രിന്‍സിപ്പല്‍ ബിജു ഗീവര്‍ഗീസ് പുരസ്‌കാരം ഏറ്റുവാങ്ങി. ഈ നേട്ടം കൊയ്ത വിദ്യാര്‍ഥികളെയും അതിന് അവരെ പ്രാപ്തരാക്കിയ പ്രിന്‍സിപ്പല്‍, വൈസ് പ്രിന്‍സിപ്പല്‍, അധ്യാപകര്‍ എന്നിവരെയും അനുമോദിക്കുന്നതിന് സ്‌കൂള്‍ മാനേജ്‌മെന്റ് പ്രത്യേക സ്വീകരണയോഗം സംഘടിപ്പിച്ചു. സ്‌കൂള്‍ ചെയര്‍മാന്‍ സി. സുരേന്ദ്രന്‍, വൈസ് ചെയര്‍മാന്‍ സി. നന്ദകുമാര്‍, സെക്രട്ടറി രാജന്‍, മാനേജ്‌മെന്റ് കമ്മിറ്റി അംഗങ്ങളായ വിവേകാനന്ദന്‍, അപ്പുക്കുട്ടന്‍, ഉണ്ണിക്കൃഷ്ണന്‍, ഗീത, പ്രിന്‍സിപ്പല്‍ ബിജു ഗീവര്‍ഗീസ്, വൈസ് പ്രിന്‍സിപ്പല്‍മാരായ ശോഭ ശിവാനന്ദരാജന്‍, ഗിരിജാമണി തുടങ്ങിയവര്‍ ചടങ്ങില്‍ സന്നിഹിതരായിരുന്നു. വിജയങ്ങള്‍ എപ്പോഴും കഠിനാധ്വാനത്തിന്റെ ഫലങ്ങള്‍ ആണെന്നും ജീവിതത്തില്‍ ലക്ഷ്യബോധം ഉണ്ടാകേണ്ടത് അനിവാര്യമാണെന്നും ചെയര്‍മാനും പ്രിന്‍സിപ്പലും വിദ്യാര്‍ഥികളെ ഓര്‍മിപ്പിച്ചു. ഇംഗ്ലീഷ് അധ്യാപിക പ്രീത സ്വാഗതവും കോമേഴ്‌സ് അധ്യാപിക സുജാത നന്ദിയും പറഞ്ഞു.
About Author
കരൂപ്പടന്ന എന്‍എസ്എസ് വളണ്ടിയര്‍മാര്‍ പല്ലൊട്ടി സിനിമയുടെ അണിയറ പ്രവര്‍ത്തകരുമായി സംവദിച്ചു 
സെന്റ് ജോസഫ്‌സ് കോളജിലെ സുവോളജി വിഭാഗം ശില്‍പ്പശാല സംഘടിപ്പിച്ചു 
ടൂര്‍ണ്ണമെന്റില്‍ ജേതാക്കളായ കാരുമാത്ര ഗവ. യുപി സ്‌കൂള്‍ ഫുട്‌ബോള്‍ ടീമിനെ അനുമോദിച്ചു 
ഐടി മേളയില്‍ രണ്ടാം സ്ഥാനം എ ഗ്രേഡ് നേടിയ ജെസ്‌ലെറ്റ് ജോബി 
ഇരിങ്ങാലക്കുട ഗവ. എല്‍പി സ്‌കൂളില്‍ കിഡ്‌സ് ഫെസ്റ്റ് നടത്തി 
സെന്റ് ജോസഫ്‌സ് കോളജില്‍ ഫിസിക്‌സ് വിഭാഗം, ഐഎസ്ആര്‍ഒ സ്‌പേസ് എക്‌സ്‌പോ ഒരുക്കി 
