ക്രൈസ്റ്റ് കോളജില്‍ ആര്‍ട്‌സ് കേരള കലാമേളക്ക് ഇന്നു തുടക്കം
ഇരിങ്ങാലക്കുട: ക്രൈസ്റ്റ് കോളേജിന്‍റെ ആഭിമുഖ്യത്തില്‍ സംഘടിപ്പിക്കുന്ന ആര്‍ട്‌സ് കേരള കലാസംഗമം കോളജ് ഓഡിറ്റോറിയത്തില്‍ ഇന്ന് അരങ്ങേറും. രാവിലെ 9.30ന് ഉദ്ഘാടനം. ആര്‍ട്‌സ് കേരള കലാ സംഗമത്തില്‍ ഗ്രൂപ്പ് ഡാന്‍സ് മത്സരമാണ് ഈ വര്‍ഷം സംഘടിപ്പിക്കുന്നത്. കഴിഞ്ഞ വര്‍ഷം പുനഃസംഘടിപ്പിച്ച ആര്‍ട്‌സ് കേരള മത്സരം വരും വര്‍ഷങ്ങളില്‍ കൂടുതല്‍ മത്സര ഇനങ്ങള്‍ ഉള്‍പ്പെടുത്തി കേരളത്തിലെ മുഴുവന്‍ കളലയങ്ങളെയും പങ്കെടുപ്പിച്ച് നടത്താനാണ് പദ്ധതിയിടുന്നത്.
വിജയികള്‍ക്ക് കെ പി ജോണ്‍ മെമ്മോറിയല്‍ എവര്‍റോളിംഗ് ട്രോഫിയും 30,000 രൂപ ക്യാഷ് അവാര്‍ഡും നല്‍കും. രണ്ടാം സമ്മാനമായി 20,000 രൂപയും ലീല ജോണ്‍ മെമ്മോറിയല്‍ ട്രോഫിയും മൂന്നാം സമ്മാനമായി പതിനായിരം രൂപയും സര്‍ട്ടിഫിക്കറ്റുകളും വിതരണം ചെയ്യും. കൂടാതെ കോളജിലെ മുന്‍ സ്റ്റാഫും പ്രശസ്ത ചമയ കലാകാരനുമായിരുന്ന വി. രാമകൃഷ്ണന്‍റെ സ്മരണാര്‍ത്ഥം ഏര്‍പ്പെടുത്തിയിരിക്കുന്ന മികച്ച ചമയത്തിനുള്ള അവാര്‍ഡ് സമ്മാനിക്കും.
യൂണിവേഴ്‌സിറ്റി തലത്തിലുള്ള ഇന്‍റര്‍സോണ്‍ മത്സരങ്ങള്‍ വരുന്നതിന് മുന്‍പ് 1970 കളില്‍ സംസ്ഥാനതലത്തില്‍ കോളജുകളെ പങ്കെടുപ്പിച്ചുകൊണ്ട് ക്രൈസ്റ്റ് കോളജ് സംഘടിപ്പിച്ചിരുന്ന കലാമേളയാണ് ആര്‍ട്‌സ് കേരള. മികച്ച സംഘാടനം കൊണ്ടും കഴിവുറ്റ കലാപ്രതിഭകളുടെ സാന്നിധ്യം കൊണ്ടും ശ്രദ്ധേയമായിരുന്ന ആര്‍ട്‌സ് കേരള കലാമേളയില്‍ സമ്മാനം നല്‍കുന്നതിനായി വന്നിരുന്നത് അന്നത്തെ പ്രശസ്ത സിനിമ താരങ്ങളായിരുന്ന പ്രേം നസീര്‍, ജയഭാരതി, ഷീല തുടങ്ങിയവരായിരുന്നു. പിന്നീട് കാലക്രമേണ നിലച്ചുപോയ ഈ കലാ മേളയാണ് ആര്‍ട്‌സ് കേരള എന്നപേരില്‍ ക്രൈസ്റ്റ് കോളജില്‍ പുനര്‍ജനിക്കുന്നത്.
About Author
കരൂപ്പടന്ന എന്‍എസ്എസ് വളണ്ടിയര്‍മാര്‍ പല്ലൊട്ടി സിനിമയുടെ അണിയറ പ്രവര്‍ത്തകരുമായി സംവദിച്ചു 
സെന്റ് ജോസഫ്‌സ് കോളജിലെ സുവോളജി വിഭാഗം ശില്‍പ്പശാല സംഘടിപ്പിച്ചു 
നാദോപാസന സംഘടിപ്പിച്ച സോപാന സംഗീതോത്സവം സമാപിച്ചു 
ടൂര്‍ണ്ണമെന്റില്‍ ജേതാക്കളായ കാരുമാത്ര ഗവ. യുപി സ്‌കൂള്‍ ഫുട്‌ബോള്‍ ടീമിനെ അനുമോദിച്ചു 
ഐടി മേളയില്‍ രണ്ടാം സ്ഥാനം എ ഗ്രേഡ് നേടിയ ജെസ്‌ലെറ്റ് ജോബി 
ഇരിങ്ങാലക്കുട ഗവ. എല്‍പി സ്‌കൂളില്‍ കിഡ്‌സ് ഫെസ്റ്റ് നടത്തി 
